ਜਲਾਲਾਬਾਦ,(ਸੇਤੀਆ): ਮੰਡੀ ਘੁਬਾਇਆ ਦੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ 'ਚ ਤਾਇਨਾਤ ਇਕ ਅਧਿਆਪਕ ਵਲੋਂ ਜ਼ਹਿਰ ਖਾ ਲਿਆ ਗਿਆ। ਜਿਸ ਕਾਰਨ ਹਾਲਤ ਗੰਭੀਰ ਹੋਣ ਕਾਰਨ ਉਸ ਨੂੰ ਫਾਜ਼ਿਲਕਾ ਦੇ ਸਰਕਾਰੀ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ। ਜੇਰੇ ਇਲਾਜ ਗਗਨਦੀਪ ਚੁੱਘ ਦੇ ਭਰਾ ਸੰਜੀਵ ਚੁੱਘ ਫਾਜ਼ਿਲਕਾ ਨੇ ਦੋਸ਼ ਲਾਉਂਦਿਆ ਕਿਹਾ ਕਿ ਸਕੂਲ ਦੇ ਹੀ ਕੁੱਝ ਅਧਿਆਪਕਾਂ ਦੀਆਂ ਮਨਮਾਨੀਆਂ ਤੋਂ ਪਰੇਸ਼ਾਨ ਹੋ ਕੇ ਗਗਨਦੀਪ ਨੇ ਜ਼ਹਿਰ ਖਾਦਾ ਹੈ। ਉਸ ਨੇ ਦੱਸਿਆ ਕਿ ਸਕੂਲ ਛੁੱਟੀ ਹੋਣ ਤੋਂ ਬਾਅਦ ਰਸਤੇ 'ਚ ਗਗਨਦੀਪ ਨੇ ਜ਼ਹਿਰ ਖਾ ਲਿਆ, ਜਿਸ ਕਾਰਨ ਉਸ ਦੀ ਸਿਹਤ ਵਿਗੜ ਗਈ ਤੇ ਉਸ ਨੂੰ ਇਲਾਜ ਲਈ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ।
ਸੂਤਰਾਂ ਮਿਲੀ ਜਾਣਕਾਰੀ ਮੁਤਾਬਕ ਗਗਨਦੀਪ ਚੁੱਘ ਦਾ ਸਕੂਲ 'ਚ ਹੀ ਕਿਸੇ ਅਧਿਆਪਕ ਨਾਲ ਡਿਊਟੀ ਨੂੰ ਲੈ ਕੇ ਵਿਵਾਦ ਸੀ। ਕੰਪਿਊਟਰ ਟੀਚਰ ਹੋਣ ਦੇ ਨਾਤੇ ਉਹ ਸੀਨੀਅਰ ਸੈਕੰਡਰੀ ਸਕੂਲ ਅਧੀਨ ਆਉਂਦੇ ਮਿਡਲ ਸਕੂਲਾਂ 'ਚ ਆਪਣੀ ਡਿਊਟੀ ਲਗਵਾਉਣਾ ਚਾਹੁੰਦਾ ਸੀ ਪਰ ਦੂਜੇ ਪਾਸੇ ਸਕੂਲ ਪ੍ਰਿੰਸੀਪਲ ਵਲੋਂ ਗਗਨਦੀਪ ਦੀ ਡਿਊਟੀ ਦੀ ਥਾਂ ਦੂਜੇ ਟੀਚਰ ਦੀ ਡਿਊਟੀ ਲਗਾਉਣ ਦੇ ਆਰਡਰ ਜਾਰੀ ਕਰ ਦਿੱਤੇ ਗਏ ਸਨ। ਇਸ ਗੱਲ ਨੂੰ ਲੈ ਕੇ ਗਗਨਦੀਪ ਚੁੱਘ ਤੇ ਦੂਜੇ ਅਧਿਆਪਕ ਵਿਚਕਾਰ ਵਿਵਾਦ ਸੀ ਤੇ ਗਗਨਦੀਪ ਦੀ ਡਿਊਟੀ ਚੋਣਾਂ ਦੌਰਾਨ ਐਸ. ਡੀ. ਐਮ. ਦਫਤਰ ਲੱਗੀ ਹੋਈ ਸੀ ਤੇ ਮੰਗਲਵਾਰ ਨੂੰ ਪ੍ਰੈਕਟੀਕਲ ਲੈਣ ਲਈ ਗਗਨਦੀਪ ਨੂੰ ਸਕੂਲ ਬੁਲਾਇਆ ਗਿਆ ਸੀ ਪਰ ਸਕੂਲ ਛੁੱਟੀ ਹੋਣ ਤੋਂ ਬਾਅਦ ਉਸ ਨੇ ਜ਼ਹਿਰ ਖਾ ਲਿਆ।
ਉਧਰ ਇਸ ਸੰਬੰਧੀ ਜਦੋਂ ਸਕੂਲ ਪ੍ਰਿੰਸੀਪਲ ਰੰਜਨਾ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂ ਦੱਸਿਆ ਕਿ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਘੁਬਾਇਆ ਅਧੀਨ ਮਿਡਲ ਸਕੂਲਾਂ 'ਚ ਬਤੌਰ ਕੰਪਿਊਟਰ ਅਧਿਆਪਕ ਡਿਊਟੀ ਲਗਾਉਣੀ ਸੀ ਅਤੇ ਇਸ ਲਈ ਸਕੂਲ ਦੇ ਕਿਸੇ ਇਕ ਅਧਿਆਪਕ ਦੀ ਡਿਊਟੀ ਲਗਾ ਦਿੱਤੀ ਗਈ ਸੀ ਪਰ ਗਗਨਦੀਪ ਵੀ ਡਿਊਟੀ ਲਗਵਾਉਣਾ ਚਾਹੁੰਦਾ ਸੀ ਪਰ ਉਦੋ ਤੱਕ ਆਰਡਰ ਜਾਰੀ ਕਰ ਦਿੱਤੇ ਜਾ ਚੁੱਕੇ ਸਨ। ਉਨ੍ਹਾਂ ਦੱਸਿਆ ਕਿ ਗਗਨਦੀਪ ਦੀ ਇਲੈਕਸ਼ਨ ਡਿਊਟੀ ਹੋਣ ਕਾਰਣ ਵੀ ਉਨ੍ਹਾਂ ਦਾ ਤਬਾਦਲਾ ਨਹੀਂ ਹੋ ਸਕਦਾ ਸੀ। ਉਨ੍ਹਾਂ ਦੱਸਿਆ ਕਿ ਡਿਊਟੀ ਤੋਂ ਇਲਾਵਾ ਜੇਕਰ ਇਨ੍ਹਾਂ ਦਾ ਕੋਈ ਵਿਵਾਦ ਸੀ ਤਾਂ ਉਹ ਇਸ ਬਾਰੇ ਨਹੀਂ ਜਾਣਦੇ ਹਨ।
ਭਾਰਤ-ਪਾਕਿ ਸਰਹੱਦ ਤੋਂ 26.40 ਕਰੋੜ ਰੁਪਏ ਦੀ ਹੈਰੋਇਨ ਬਰਾਮਦ
NEXT STORY 
