ਚੰਡੀਗੜ੍ਹ (ਪਾਲ) : ਸ਼ਹਿਰ ’ਚ ਬਦਲਦੇ ਮੌਸਮ ਤੇ ਵੱਧਦੀ ਗਰਮੀ ਦੇ ਵਿਚਕਾਰ ਪੇਟ ਦੇ ਇਨਫੈਕਸ਼ਨ ਤੇ ਫਲੂ ਵਰਗੇ ਮਾਮਲਿਆਂ ’ਚ ਥੋੜ੍ਹਾ ਵਾਧਾ ਵੇਖਣ ਨੂੰ ਮਿਲ ਰਿਹਾ ਹੈ। ਸਿਹਤ ਵਿਭਾਗ ਦੇ ਪਿਛਲੇ 10 ਦਿਨਾਂ ਦੇ ਅੰਕੜਿਆਂ ਮੁਤਾਬਕ ਦਸਤ ਦੇ 42 ਮਰੀਜ਼ ਹਸਪਤਾਲਾਂ ’ਚ ਭਰਤੀ ਹੋਏ ਹਨ। ਐਕਯੂਟ ਰੈਸਪਿਰੇਟਰੀ ਇਨਫੈਕਸ਼ਨ (ਏ.ਆਰ.ਆਈ.) ਦੇ 226 ਮਰੀਜ਼ ਓ. ਪੀ. ਡੀ. ’ਚ ਦਰਜ ਕੀਤੇ ਗਏ, ਜਦੋਂ ਕਿ 45 ਮਰੀਜ਼ਾਂ ਨੂੰ ਭਰਤੀ ਕਰਨਾ ਪਿਆ। ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਮੁਤਾਬਕ ਗਰਮੀ ਵੱਧਣ ਦੇ ਨਾਲ ਅਜਿਹੇ ਮਾਮਲਿਆਂ ’ਚ ਵਾਧਾ ਆਮ ਹੈ। ਦੂਸ਼ਿਤ ਪਾਣੀ, ਬਾਹਰ ਦਾ ਭੋਜਨ ਤੇ ਤਾਪਮਾਨ ’ਚ ਬਦਲਾਅ ਇਸਦਾ ਮੁੱਖ ਕਾਰਨ ਮੰਨ੍ਹੇ ਜਾਂਦੇ ਹਨ। ਇਸੇ ਕਾਰਨ ਵਿਭਾਗ ਨੇ ਲੂ ਸਬੰਧੀ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। ਐਡਵਾਈਜ਼ਰੀ ’ਚ ਲੋਕਾਂ ਨੂੰ ਸਰੀਰ ’ਚ ਪਾਣੀ ਦੀ ਕਮੀ ਨਾ ਹੋਣ ਦੇਣ ’ਤੇ ਜ਼ੋਰ ਦਿੱਤਾ ਗਿਆ ਹੈ। ਪੂਰੇ ਦਿਨ ’ਚ ਵਾਰ-ਵਾਰ ਪਾਣੀ ਪੀਣ, ਯਾਤਰਾ ਦੌਰਾਨ ਆਪਣੇ ਨਾਲ ਪਾਣੀ ਰੱਖਣ ਤੇ ਨਿੰਬੂ ਪਾਣੀ, ਲੱਸੀ ਤੇ ਨਾਰੀਅਲ ਪਾਣੀ ਵਰਗੇ ਪੀਣ ਵਾਲੇ ਪਦਾਰਥਾਂ ਦਾ ਸੇਵਨ ਕਰਨ ਦੀ ਸਲਾਹ ਦਿੱਤੀ ਗਈ ਹੈ। ਨਾਲ ਹੀ ਤਰਬੂਜ਼, ਖੀਰਾ ਤੇ ਸੰਤਰੇ ਵਰਗੇ ਪਾਣੀ ਨਾਲ ਭਰਪੂਰ ਫਲ ਖਾਣ ਲਈ ਕਿਹਾ ਗਿਆ ਹੈ।
ਧੁੱਪ ਤੋਂ ਬਚਾਅ ਜ਼ਰੂਰੀ
ਲੋਕਾਂ ਨੂੰ ਸਿੱਧਾ ਧੁੱਪ ’ਚ ਜਾਣ ਤੋਂ ਬਚਣ, ਹਲਕੇ ਤੇ ਢਿੱਲੇ ਸੂਤੀ ਕੱਪੜੇ ਪਾਉਣ ਅਤੇ ਸਿਰ ਢੱਕ ਕੇ ਰੱਖਣ ਦੀ ਸਲਾਹ ਦਿੱਤੀ ਗਈ ਹੈ। ਦੁਪਹਿਰ ਵੇਲੇ ਬਾਹਰ ਨਿਕਲਣ ਤੋਂ ਬਚਣ ਲਈ ਕਿਹਾ ਗਿਆ ਹੈ। ਘਰ ’ਚ ਦਿਨ ਵੇਲੇ ਖਿੜਕੀਆਂ ਤੇ ਪਰਦੇ ਬੰਦ ਰੱਖਣ ਤੇ ਰਾਤ ਨੂੰ ਖੋਲ੍ਹਣ ਦੀ ਵੀ ਹਦਾਇਤ ਦਿੱਤੀ ਗਈ ਹੈ।
ਅਫਰੀਕਨ ਸਵਾਈਨ ਫੀਵਰ ਪ੍ਰਭਾਵਿਤ ਖੇਤਰ ਨੂੰ ਰੀਪੋਪੂਲੇਸ਼ਨ ਘੋਸ਼ਿਤ ਕੀਤਾ ਗਿਆ
NEXT STORY 
