ਲੁਧਿਆਣਾ (ਸੋਨੂੰ): ਪੰਜਾਬ ਕੇਸਰੀ ਗਰੁੱਪ ਦੇ ਸੰਯੁਕਤ ਸੰਪਾਦਕ ਸ਼੍ਰੀ ਅਵਿਨਾਸ਼ ਚੋਪੜਾ ਅਤੇ ਡਾਇਰੈਕਟਰ ਸ਼੍ਰੀ ਅਭਿਜੈ ਚੋਪੜਾ ਦੇ ਨਾਲ ਦਿੱਲੀ ਵਿਚ ਇਸਕਾਨ ਅਤੇ ਭਗਵਾਨ ਜਗਨਨਾਥ ਰੱਥ ਯਾਤਰਾ ਮਹੋਤਸਵ ਕਮੇਟੀ ਦੇ ਚੇਅਰਮੈਨ ਰਾਜੇਸ਼ ਢਾਂਡਾ ਅਤੇ ਜਨਰਲ ਸਕੱਤਰ ਸੰਜੀਵ ਸੂਦ ਬਾਂਕਾ ਦੀ ਵਿਸ਼ੇਸ਼ ਮੀਟਿੰਗ ਹੋਈ। ਮੀਟਿੰਗ ਦੌਰਾਨ ਅੱਜ 16 ਜੁਲਾਈ ਨੂੰ ਕੱਢੀ ਜਾ ਰਹੀ 30ਵੀਂ ਵਿਸ਼ਾਲ ਅਤੇ ਇਤਿਹਾਸਕ ਭਗਵਾਨ ਜਗਨਨਾਥ ਰੱਥ ਯਾਤਰਾ ਬਾਰੇ ਵਿਸਥਾਰ ਨਾਲ ਚਰਚਾ ਕੀਤੀ ਗਈ। ਇਸ ਮੌਕੇ ਸ਼੍ਰੀ ਅਵਿਨਾਸ਼ ਚੋਪੜਾ ਨੇ ਕਿਹਾ ਕਿ ਪੰਜਾਬ ਕੇਸਰੀ ਗਰੁੱਪ ਸ਼ੁਰੂ ਤੋਂ ਹੀ ਭਗਵਾਨ ਜਗਨਨਾਥ ਰੱਥ ਯਾਤਰਾ ਨਾਲ ਜੁੜਿਆ ਰਿਹਾ ਹੈ ਅਤੇ ਭਵਿੱਖ ਵਿਚ ਵੀ ਪੂਰੀ ਨਿਸ਼ਠਾ ਨਾਲ ਖੜ੍ਹਾ ਰਹੇਗਾ।
ਉਨ੍ਹਾਂ ਵਿਸ਼ਵਾਸ ਪ੍ਰਗਟਾਇਆ ਕਿ 30ਵੀਂ ਭਗਵਾਨ ਜਗਨਨਾਥ ਰੱਥ ਯਾਤਰਾ ਆਪਣੇ ਸ਼ਾਨਦਾਰ ਸਰੂਪ, ਵਿਸ਼ਾਲ ਜਨਸਮੂਹ ਅਤੇ ਧਾਰਮਿਕ ਉਤਸ਼ਾਹ ਕਾਰਨ ਇਤਿਹਾਸ ਦੇ ਪੰਨਿਆਂ ਵਿਚ ਵਿਸ਼ੇਸ਼ ਸਥਾਨ ਬਣਾਏਗੀ। ਉਨ੍ਹਾਂ ਕਿਹਾ ਕਿ ਭਗਵਾਨ ਸ਼੍ਰੀ ਜਗਨਨਾਥ ਜੀ ਆਪਣੇ ਵੱਡੇ ਭਰਾ ਬਲਦੇਵ ਅਤੇ ਭੈਣ ਸੁਭੱਦਰਾ ਦੇ ਨਾਲ ਅੱਜ ਮੰਦਰ ਤੋਂ ਬਾਹਰ ਨਿਕਲ ਕੇ ਵਿਸ਼ਾਲ ਰੱਥ 'ਤੇ ਸਵਾਰ ਹੋਣਗੇ ਅਤੇ ਭਗਤਾਂ ਨੂੰ ਸੁਲਭ ਦਰਸ਼ਨ ਦੇਣਗੇ। ਇਹ ਉਹ ਬ੍ਰਹਮ ਅਵਸਰ ਹੈ, ਜਦੋਂ ਪ੍ਰਭੂ ਖੁਦ ਆਪਣੇ ਭਗਤਾਂ ਦੇ ਵਿਚਕਾਰ ਆ ਕੇ ਉਨ੍ਹਾਂ ਨੂੰ ਆਪਣੀ ਕਿਰਪਾ ਦਾ ਪਾਤਰ ਬਣਾਉਂਦੇ ਹਨ।
ਸ਼੍ਰੀ ਅਵਿਨਾਸ਼ ਚੋਪੜਾ ਨੇ ਕਿਹਾ ਕਿ ਜੋ ਸ਼ਰਧਾਲੂ ਸ਼ਰਧਾ, ਵਿਸ਼ਵਾਸ ਅਤੇ ਭਗਤੀ ਭਾਵ ਨਾਲ ਭਗਵਾਨ ਜਗਨਨਾਥ ਦੇ ਦਰਸ਼ਨ ਕਰਦਾ ਹੈ, ਪ੍ਰਭੂ ਉਸ ਦੀਆਂ ਮਨੋਕਾਮਨਾਵਾਂ ਪੂਰੀਆਂ ਕਰਦੇ ਹਨ ਅਤੇ ਜੀਵਨ ਦੇ ਕਸ਼ਟਾਂ ਨੂੰ ਦੂਰ ਕਰਨ ਦਾ ਅਸ਼ੀਰਵਾਦ ਪ੍ਰਦਾਨ ਕਰਦੇ ਹਨ। ਚੇਅਰਮੈਨ ਰਾਜੇਸ਼ ਢਾਂਡਾ ਨੇ ਕਿਹਾ ਕਿ ਉਹ ਜੀਵ ਧੰਨ ਹੁੰਦੇ ਹਨ, ਜੋ ਭਗਵਾਨ ਜਗਨਨਾਥ ਜੀ ਨੂੰ ਰੱਥ 'ਤੇ ਬਿਰਾਜਮਾਨ ਹੋਣ ਵੇਲੇ ਦੇਖਦੇ ਹਨ। ਕਿਉਂਕਿ ਭਗਵਾਨ ਜਦੋਂ ਰੱਥ 'ਤੇ ਬਿਰਾਜਮਾਨ ਹੁੰਦੇ ਹਨ, ਤਾਂ ਅਪਾਰ ਦੌਲਤ ਅਤੇ ਲਕਸ਼ਮੀ ਜੀ ਦੀ ਅਟੁੱਟ ਵਰਖਾ ਕਰਦੇ ਹਨ। ਉਨ੍ਹਾਂ ਕਿਹਾ ਕਿ ਰੱਥ ਯਾਤਰਾ ਦੇ ਸ਼ੁਰੂਆਤ ਮੌਕੇ ਉੱਥੇ ਹਾਜ਼ਰ ਕਰਮਾਂਵਾਲੇ ਸ਼ਰਧਾਲੂਆਂ ਨੂੰ ਸੋਨੇ-ਚਾਂਦੀ ਦੇ ਸਿੱਕੇ ਵੰਡੇ ਜਾਣਗੇ।
ਰੱਥ ਯਾਤਰਾ ਰਾਹੀਂ ਨੌਜਵਾਨ ਪੀੜ੍ਹੀ ਧਾਰਮਿਕ ਪਰੰਪਰਾਵਾਂ ਤੋਂ ਜਾਣੂ ਹੋਵੇਗੀ : ਭੁਪਿੰਦਰ ਸਿੰਘ ਬਸੰਤ
ਬਸੰਤ ਪਲੇਟਿਨਮ ਅਤੇ ਦ ਟੇਬਲ ਦੇ ਭੁਪਿੰਦਰ ਸਿੰਘ ਬਸੰਤ ਅਤੇ ਸੰਨੀ ਬਸੰਤ ਨੇ ਕਿਹਾ ਕਿ ਬੱਚਿਆਂ ਅਤੇ ਨੌਜਵਾਨਾਂ ਨੂੰ ਧਾਰਮਿਕ ਅਤੇ ਸੱਭਿਆਚਾਰਕ ਪਰੰਪਰਾਵਾਂ ਨਾਲ ਜੋੜਨਾ ਸਮੇਂ ਦੀ ਲੋੜ ਹੈ, ਤਾਂ ਜੋ ਆਉਣ ਵਾਲੀਆਂ ਪੀੜ੍ਹੀਆਂ ਵੀ ਆਪਣੀ ਅਧਿਆਤਮਿਕ ਵਿਰਾਸਤ 'ਤੇ ਮਾਣ ਕਰ ਸਕਣ।
ਸ਼ਰਧਾਲੂ ਆਪਣੇ ਕੀਮਤੀ ਸਾਮਾਨ ਦਾ ਧਿਆਨ ਰੱਖਣ : ਸਤੀਸ਼ ਗੁਪਤਾ
ਕਮੇਟੀ ਦੇ ਪ੍ਰਧਾਨ ਸਤੀਸ਼ ਗੁਪਤਾ ਨੇ ਅਪੀਲ ਕਰਦਿਆਂ ਕਿਹਾ ਕਿ ਰੱਥ ਯਾਤਰਾ ਵਿੱਚ ਆਉਣ ਵਾਲੇ ਸ਼ਰਧਾਲੂ ਆਪਣਾ ਕੀਮਤੀ ਸਾਮਾਨ ਘਰ ਛੱਡ ਕੇ ਆਉਣ ਅਤੇ ਆਪਣੇ ਨਾਲ ਲਿਆਂਦੇ ਮੋਬਾਈਲ, ਪਰਸ ਆਦਿ ਕੀਮਤੀ ਵਸਤੂਆਂ ਦਾ ਖੁਦ ਧਿਆਨ ਰੱਖਣ।
ਜਗਨਨਾਥ ਜੀ ਦੀ ਕਿਰਪਾ ਪਾਉਣ ਲਈ ਰੱਥ ਯਾਤਰਾ ਮਾਰਗ 'ਤੇ ਜ਼ਰੂਰ ਆਓ : ਸੰਜੀਵ ਸੂਦ ਬਾਂਕਾ
ਕਮੇਟੀ ਦੇ ਜਨਰਲ ਸਕੱਤਰ ਸੰਜੀਵ ਸੂਦ ਬਾਂਕਾ ਨੇ ਕਿਹਾ ਕਿ ਭਗਵਾਨ ਜਗਨਨਾਥ ਜੀ ਅੱਜ ਆਪਣੀ ਕਿਰਪਾ ਅਤੇ ਵੈਭਵ ਲੁਟਾਉਣ ਲਈ ਵਿਸ਼ਾਲ ਰੱਥ 'ਤੇ ਸਵਾਰ ਹੋਣਗੇ। ਸਾਰੇ ਸ਼ਰਧਾਲੂ ਉਨ੍ਹਾਂ ਦੀ ਕਿਰਪਾ ਪਾਉਣ ਲਈ ਰੱਥ ਯਾਤਰਾ ਮਾਰਗ 'ਤੇ ਜ਼ਰੂਰ ਆਉਣ।
ਭਗਵਾਨ ਜਗਨਨਾਥ ਰੱਥ ਯਾਤਰਾ ਭਾਰਤੀ ਸੰਸਕ੍ਰਿਤੀ ਅਤੇ ਆਸਥਾ ਦੀ ਵਿਲੱਖਣ ਪਛਾਣ : ਹਿਮਾਂਸ਼ੂ ਕਵਾਤਰਾ
ਸਮਾਜ ਸੇਵੀ ਅਤੇ ਪ੍ਰੋਜੈਕਟ ਬਲੈਸਿੰਗ ਲਗਜ਼ਰੀਆ ਵੈਸਟਰਨ ਲਿਵਿੰਗ ਪ੍ਰਾਈਵੇਟ ਲਿਮਟਿਡ ਦੇ ਸੀ.ਐਮ.ਡੀ. ਹਿਮਾਂਸ਼ੂ ਕਵਾਤਰਾ ਨੇ ਵਿਚਾਰ ਪ੍ਰਗਟ ਕੀਤੇ ਕਿ ਭਗਵਾਨ ਸ੍ਰੀ ਜਗਨਨਾਥ ਰੱਥ ਯਾਤਰਾ ਭਾਰਤੀ ਸੰਸਕ੍ਰਿਤੀ, ਸਨਾਤਨ ਪਰੰਪਰਾ, ਅਟੁੱਟ ਆਸਥਾ ਅਤੇ ਸਮਾਜਿਕ ਸਦਭਾਵਨਾ ਦਾ ਜੀਵੰਤ ਪ੍ਰਤੀਕ ਹੈ। ਉਨ੍ਹਾਂ ਕਿਹਾ ਕਿ ਇਹ ਯਾਤਰਾ ਕੇਵਲ ਧਾਰਮਿਕ ਉਤਸਵ ਨਹੀਂ, ਸਗੋਂ ਸਮਾਜ ਨੂੰ ਪਿਆਰ, ਭਾਈਚਾਰੇ, ਸੇਵਾ ਅਤੇ ਏਕਤਾ ਦੇ ਸੂਤਰ ਵਿੱਚ ਪਰੋਣ ਵਾਲਾ ਇੱਕ ਮਹਾਨ ਅਧਿਆਤਮਿਕ ਪੁਰਬ ਹੈ।
ਹਿਮਾਂਸ਼ੂ ਕਵਾਤਰਾ ਅਨੁਸਾਰ, ਇਸ ਦੈਵੀ ਯਾਤਰਾ ਵਿੱਚ ਹਰ ਵਰਗ ਦੇ ਲੋਕ ਸ਼ਰਧਾ ਨਾਲ ਸ਼ਾਮਲ ਹੋ ਕੇ ਭਗਵਾਨ ਦਾ ਆਸ਼ੀਰਵਾਦ ਪ੍ਰਾਪਤ ਕਰਦੇ ਹਨ। ਉਨ੍ਹਾਂ ਅੱਗੇ ਕਿਹਾ ਕਿ ਭਗਵਾਨ ਸ੍ਰੀ ਜਗਨਨਾਥ ਆਪਣੇ ਭਗਤਾਂ ਦੇ ਵਿਚਕਾਰ ਖੁਦ ਰੱਥ 'ਤੇ ਬਿਰਾਜਮਾਨ ਹੋ ਕੇ ਨਿਕਲਦੇ ਹਨ, ਜੋ ਇਹ ਸੰਦੇਸ਼ ਦਿੰਦਾ ਹੈ ਕਿ ਭਗਵਾਨ ਸਭ ਦੇ ਹਨ ਅਤੇ ਉਨ੍ਹਾਂ ਦੇ ਦੁਆਰ ਹਰ ਕਿਸੇ ਲਈ ਖੁੱਲ੍ਹੇ ਹਨ। ਇਹ ਰੱਥ ਯਾਤਰਾ ਸਾਨੂੰ ਸੇਵਾ, ਤਿਆਗ, ਦਇਆ, ਨਿਮਰਤਾ ਅਤੇ ਇਨਸਾਨੀਅਤ ਦੇ ਆਦਰਸ਼ਾਂ ਨੂੰ ਅਪਣਾਉਣ ਦੀ ਪ੍ਰੇਰਨਾ ਦਿੰਦੀ ਹੈ।
ਮੋਹਾਲੀ ਨਿਗਮ ਭਵਨ ਤੇ ਸਕੂਲਾਂ ਨੂੰ ਉਡਾਉਣ ਦੀ ਧਮਕੀ ਦੇਣ ਦੇ ਮਾਮਲੇ ’ਚ ਪਰਚਾ
NEXT STORY 
