ਨਵੀਂ ਦਿੱਲੀ : ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਨੇ ਆਨਲਾਈਨ ਗੇਮਿੰਗ ਐਪ 'ਚ ਐਂਟਰੀ ਕੀਤੀ ਹੈ। ਉਸਦੀ ਐਪ ਦੁਬਈ ਤੋਂ ਕੰਮ ਕਰਦੀ ਹੈ। ਲਾਰੈਂਸ ਇੱਕ ਕੰਪਨੀ ਦੀ ਤਰਜ਼ 'ਤੇ ਗੇਮਿੰਗ ਐਪ ਕਾਰੋਬਾਰ ਚਲਾਉਂਦਾ ਹੈ। ਬਿਸ਼ਨੋਈ ਦੇ ਕਰੀਬੀ ਸਾਥੀਆਂ ਨੂੰ ਐਪ ਦੇ ਸੰਚਾਲਨ ਲਈ ਵੱਖ-ਵੱਖ ਜ਼ਿੰਮੇਵਾਰੀਆਂ ਦਿੱਤੀਆਂ ਗਈਆਂ ਹਨ।
ਲਾਰੈਂਸ ਐਪ ਦੇ ਪ੍ਰਚਾਰ ਤੋਂ ਲੈ ਕੇ ਸੰਚਾਲਨ ਤੱਕ ਸਭ 'ਤੇ ਸਾਬਰਮਤੀ ਜੇਲ੍ਹ ਤੋਂ ਹੀ ਨਜ਼ਰ ਰੱਖਦਾ ਹੈ। ਦੁਬਈ 'ਚ ਵੱਸਿਆ ਦਿੱਲੀ ਦਾ ਇਕ ਕਾਰੋਬਾਰੀ ਬਿਸ਼ਨੋਈ ਦੇ ਕਹਿਣ 'ਤੇ ਇਹ ਐਪ ਚਲਾਉਂਦਾ ਹੈ। ਇਸ ਕਾਰੋਬਾਰੀ ਦਾ ਪੰਜਾਬ ਦੇ ਕਈ ਗਾਇਕਾਂ 'ਤੇ ਚੰਗਾ ਪ੍ਰਭਾਵ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਲਾਰੈਂਸ ਬਿਸ਼ਨੋਈ ਨੂੰ ਮਹਾਦੇਵ ਬੇਟਿੰਗ ਐਪ ਤੋਂ ਗੇਮਿੰਗ ਐਪ ਚਲਾਉਣ ਦਾ ਵਿਚਾਰ ਆਇਆ। ਲਾਰੇਂਸ ਬਿਸ਼ਨੋਈ ਨੇ ਮਹਾਦੇਵ ਐਪ ਦੇ ਸੰਚਾਲਕਾਂ ਤੋਂ ਵੀ ਪੈਸੇ ਵਸੂਲਣ ਦੀ ਕੋਸ਼ਿਸ਼ ਕੀਤੀ ਸੀ।
ਲਾਰੈਂਸ ਬਿਸ਼ਨੋਈ ਨੇ ਕ੍ਰਾਈਮ ਤੋਂ ਕਮਾਏ ਕਰੋੜਾਂ ਰੁਪਏ ਗੇਮਿੰਗ ਐਪਸ 'ਚ ਨਿਵੇਸ਼ ਕੀਤੇ ਹਨ। ਈਡੀ ਦੁਆਰਾ ਗ੍ਰਿਫਤਾਰ ਕੀਤੇ ਗਏ ਦੋਸ਼ੀ ਦਿਨੇਸ਼ ਨੇ ਲਾਰੇਂਸ ਬਿਸ਼ਨੋਈ ਦੀ ਐਪ ਦੀ ਵਰਤੋਂ ਕੀਤੀ ਹੈ। ਦਿਨੇਸ਼ ਲਾਰੇਂਸ ਬਿਸ਼ਨੋਈ ਦੇ ਨਾਲ ਸਾਬਰਮਤੀ ਜੇਲ੍ਹ ਵਿੱਚ ਬੰਦ ਹੈ। ਐਪ ਨੂੰ ਪ੍ਰਮੋਟ ਕਰਨ ਦੀ ਜ਼ਿੰਮੇਵਾਰੀ ਗੋਲਡੀ ਬਰਾੜ ਅਤੇ ਰੋਹਿਤ ਗੋਦਾਰਾ ਨੂੰ ਦਿੱਤੀ ਗਈ ਸੀ। ਇਹ ਐਪ ਤਿੰਨ ਮਹੀਨਿਆਂ ਤੋਂ ਦੁਬਈ ਤੋਂ ਕੰਮ ਕਰ ਰਹੀ ਹੈ। ਭਾਰਤੀ ਜਾਂਚ ਏਜੰਸੀਆਂ ਨੇ ਵੀ ਬਿਸ਼ਨੋਈ ਦੀ ਗੇਮਿੰਗ ਐਪ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਪੰਜਾਬ ਦੇ ਗਾਇਕ ਕਰ ਰਹੇ ਹਨ ਨਿਵੇਸ਼
ਦਿੱਲੀ ਪੁਲਸ ਦੇ ਸੂਤਰਾਂ ਅਨੁਸਾਰ ਪੰਜਾਬ ਦੇ ਕੁਝ ਗਾਇਕ ਵੀ ਦੁਬਈ ਵਿੱਚ ਸੈਟਲ ਹਨ ਅਤੇ ਉਹ ਲਾਰੈਂਸ ਬਿਸ਼ਨੋਈ ਦੇ ਕਾਫੀ ਕਰੀਬੀ ਹਨ। ਅਜਿਹੇ 'ਚ ਸ਼ੰਕੇ ਖੜ੍ਹੇ ਕੀਤੇ ਜਾ ਰਹੇ ਹਨ ਕਿ ਕੀ ਇਹ ਗਾਇਕ ਆਪਣੇ ਕੰਸਰਟ ਤੋਂ ਕਮਾਏ ਕਰੋੜਾਂ ਰੁਪਏ ਵੀ ਇਸ ਐਪ 'ਚ ਲਗਾ ਰਹੇ ਹਨ।
ਦੇਸ਼ ਦੀਆਂ ਸਾਰੀਆਂ ਏਜੰਸੀਆਂ ਚੰਗੀ ਤਰ੍ਹਾਂ ਜਾਣਦੀਆਂ ਹਨ ਕਿ ਲਾਰੈਂਸ ਦੀ ਕ੍ਰਾਈਮ ਕੰਪਨੀ ਕੋਲ ਫੰਡਾਂ ਦੀ ਕੋਈ ਕਮੀ ਨਹੀਂ ਹੈ। ਲਾਰੈਂਸ-ਗੋਲਡੀਜ਼ ਸਿੰਡੀਕੇਟ ਹਰ ਮਹੀਨੇ ਨਸ਼ੇ ਦੇ ਸੌਦੇ, ਜਬਰ-ਜ਼ਨਾਹ, ਟੋਲ ਪਲਾਜ਼ਾ ਮਾਲਕਾਂ, ਸ਼ਰਾਬ ਦੇ ਕਾਰੋਬਾਰੀਆਂ, ਵੱਡੇ ਬਿਲਡਰਾਂ, ਕਾਰੋਬਾਰੀਆਂ ਤੋਂ ਇਲਾਵਾ ਵਿਦੇਸ਼ਾਂ ਵਿੱਚ ਵਸੇ ਭਾਰਤੀ ਮੂਲ ਦੇ ਵੱਡੇ ਜਿਊਲਰਾਂ ਅਤੇ ਕਾਰੋਬਾਰੀਆਂ ਤੋਂ ਵੀ ਹਰ ਮਹੀਨੇ ਕਰੋੜਾਂ ਰੁਪਏ ਦੀ ਵਸੂਲੀ ਕਰ ਰਿਹਾ ਹੈ।
ਅਜਿਹੇ 'ਚ ਲਾਰੇਂਸ ਨੇ ਦਾਊਦ ਇਬਰਾਹਿਮ ਦੀ ਤਰਜ਼ 'ਤੇ ਆਪਣਾ ਕਾਰੋਬਾਰੀ ਸਾਮਰਾਜ ਬਣਾਉਣ ਦੀ ਇਹ ਪਹਿਲੀ ਕੋਸ਼ਿਸ਼ ਕੀਤੀ ਹੈ। ਉਸ ਨੇ ਆਪਣੇ ਕਰੀਬੀ ਦੋਸਤਾਂ ਅਤੇ ਵੱਡੇ ਕਾਰੋਬਾਰੀਆਂ ਨੂੰ ਗੇਮਿੰਗ ਐਪ ਦੇ ਕਾਰੋਬਾਰ ਵਿਚ ਸ਼ਾਮਲ ਕਰ ਲਿਆ ਹੈ।
ਕਾਲ ਬਣ ਆਈ ਤੇਜ਼ ਰਫਤਾਰ ਕਾਰ! ਫੁੱਟਪਾਥ 'ਤੇ ਸੁੱਤੇ ਪਏ ਦੋ ਲੋਕਾਂ ਨੂੰ ਦਰੜਿਆ, ਇਕ ਦੀ ਮੌਤ
NEXT STORY 
