ਜਲੰਧਰ (ਵਰੁਣ)–ਅਟਾਰੀ ਬਾਜ਼ਾਰ ਦੀਆਂ ਦੁਕਾਨਾਂ ਦੇ ਨਿਰਮਾਣ ਕਾਰਜ ਨੂੰ ਲੈ ਕੇ ਵਿਧਾਇਕ ਰਮਨ ਅਰੋੜਾ ਵੱਲੋਂ ਲਈ ਲੱਖਾਂ ਦੀ ਰਿਸ਼ਵਤ ਦੀ ਆਡੀਓ ਕਾਲ ਲੀਕ ਹੋ ਗਈ ਹੈ। 41 ਸੈਕਿੰਡ ਦੀ ਆਡੀਓ ਵਿਚ ਰਮਨ ਅਰੋੜਾ ਸਾਮਾਨ (ਪੈਸੇ) ਸਮੇਂ ’ਤੇ ਨਾ ਆਉਣ ਦਾ ਹਵਾਲਾ ਦਿੰਦੇ ਸੁਣਾਈ ਦੇ ਰਹੇ ਹਨ। ਅਟਾਰੀ ਬਾਜ਼ਾਰ ਦੇ ਦੁਕਾਨ ਮਾਲਕ ਨੇ ਕੁੱਲ੍ਹ 2 ਆਡੀਓ ਮਾਣਯੋਗ ਅਦਾਲਤ 'ਚ ਦਾਇਰ ਕੀਤੀਆਂ ਹੋਈਆਂ ਹਨ ਅਤੇ ਇਸ ਦੇ ਨਾਲ-ਨਾਲ 164 ਦੇ ਬਿਆਨ ਵੀ ਦਰਜ ਕਰਵਾਏ ਹਨ।
ਇਹ ਵੀ ਪੜ੍ਹੋ: MLA ਰਮਨ ਅਰੋੜਾ ਦਾ ਰਾਜ਼ਦਾਰ ਮਹੇਸ਼ ਮਖੀਜਾ ਵਿਜੀਲੈਂਸ ਵੱਲੋਂ ਗ੍ਰਿਫ਼ਤਾਰ, ਹੋਣਗੇ ਵੱਡੇ ਖ਼ੁਲਾਸੇ
ਇਸ ਤੋਂ ਇਲਾਵਾ ਹੁਣ ਰਮਨ ਅਰੋੜਾ ਦੇ ਗੁੜ ਮੰਡੀ ਦੇ ਕਿੱਸੇ ਵੀ ਸਾਹਮਣੇ ਆ ਰਹੇ ਹਨ। ਕੇਂਦਰ ਸਰਕਾਰ ਨੇ ਜਦੋਂ ਪਲਾਸਟਿਕ ਦੇ ਲਿਫ਼ਾਫ਼ੇ ਬੈਨ ਕਰਨ ਦੇ ਹੁਕਮ ਜਾਰੀ ਕੀਤੇ ਸਨ ਤਾਂ ਰਮਨ ਅਰੋੜਾ ਨੇ ਗੁੜ ਮੰਡੀ ਵਿਚ ਜਿੰਨੇ ਵੀ ਦੁਕਾਨਦਾਰ ਸਨ, ਉਨ੍ਹਾਂ ਦਾ ਟ੍ਰੈਪ ਲਾ ਲਿਆ। ਪਹਿਲਾਂ ਤਾਂ ਖ਼ੁਫ਼ੀਆ ਢੰਗ ਨਾਲ ਉਥੇ ਰੇਡ ਕਰਵਾ ਕੇ ਸਾਰੇ ਦੁਕਾਨਦਾਰਾਂ ਨਾਲ ਲੱਖਾਂ ਰੁਪਏ ਦੀ ਡੀਲ ਕਰਕੇ ਉਨ੍ਹਾਂ ਨੂੰ ਛੁਡਵਾ ਲਿਆ ਅਤੇ ਬਾਅਦ ਵਿਚ ਹਰ ਮਹੀਨੇ ਪੈਸੇ ਦੇਣ ਦੀ ਗੱਲ ਕਰਕੇ ਉਨ੍ਹਾਂ ਨਾਲ ਸੈਟਿੰਗ ਕਰ ਲਈ। ਉਨ੍ਹਾਂ ਨੂੰ ਭਰੋਸਾ ਦਿੱਤਾ ਕਿ ਜੇਕਰ ਕੋਈ ਰੇਡ ਕਰਨ ਆਇਆ ਤਾਂ ਉਹ ਸੰਭਾਲ ਲੈਣਗੇ।
ਇਸ ਤਰ੍ਹਾਂ ਦੀਆਂ ਗੱਲਾਂ ਸਾਹਮਣੇ ਆਉਣ ਤੋਂ ਬਾਅਦ ਅਜਿਹਾ ਲੱਗ ਰਿਹਾ ਹੈ ਕਿ ਰਮਨ ਅਰੋੜਾ ਨੇ ਕਿਸੇ ਵੀ ਫੀਲਡ ਦੇ ਕਾਰੋਬਾਰੀ ਨੂੰ ਨਹੀਂ ਬਖ਼ਸ਼ਿਆ। ਦੂਜੇ ਪਾਸੇ ਰਾਮਾ ਮੰਡੀ ਦਾ ਕਮਾਊ ਪੁੱਤਰ ਉਥੋਂ ਦੇ ਹੀ ਰਹਿਣ ਵਾਲੇ ਨਸ਼ਾ ਸਮੱਗਲਰ ਬੰਟੀ ਤੋਂ ਪ੍ਰਤੀ ਮਹੀਨਾ ਫ਼ੀਸ ਲੈ ਕੇ ਰਮਨ ਅਰੋੜਾ ਤਕ ਪਹੁੰਚਾਉਂਦਾ ਸੀ। ਅਰੋੜਾ ਅਧੀਨ ਆਉਂਦੇ ਥਾਣਿਆਂ ਦੇ ਐੱਸ. ਐੱਚ. ਓ. ਅਤੇ ਸਟਾਫ਼ ਵੀ ਪ੍ਰੇਸ਼ਾਨ ਸਨ। ਜੇਕਰ ਉਹ ਕਾਨੂੰਨ ਅਧੀਨ ਕੋਈ ਕੰਮ ਕਰਦੇ ਸਨ ਤਾਂ ਵਿਧਾਇਕ ਧਮਕਾਉਂਦਾ ਸੀ। ਜੇਕਰ ਵਿਧਾਇਕ ਦੇ ਕਹਿਣ ’ਤੇ ਕੰਮ ਕਰਦੇ ਤਾਂ ਕਾਨੂੰਨ ਦੇ ਪਚੜੇ ਦਾ ਡਰ ਸੀ, ਹਾਲਾਂਕਿ ਹੁਣ ਸੈਂਟਰਲ ਹਲਕੇ ਦੇ ਥਾਣਿਆਂ ਦੇ ਇੰਚਾਰਜਾਂ ਨੇ ਸੁੱਖ ਦਾ ਸਾਹ ਲਿਆ ਹੈ ਪਰ ਥਾਣਿਆਂ ਵਿਚ ਇੰਨੀ ਦਖ਼ਲਅੰਦਾਜ਼ੀ ਪਹਿਲਾਂ ਕਦੀ ਨਹੀਂ ਵੇਖੀ। ਵਧੇਰੇ ਐੱਸ. ਐੱਚ. ਓ. ਆਪਣੀ ਟਰਾਂਸਫ਼ਰ ਰੁਕਵਾਉਣ ਜਾਂ ਫਿਰ ਬਦਨਾਮੀ ਦੇ ਡਰ ਤੋਂ ਵਿਧਾਇਕ ਦੇ ਕਹਿਣ ’ਤੇ ਹੀ ਕੰਮ ਕਰ ਦਿੰਦੇ ਸਨ, ਜਿਸ ਦਾ ਸਿੱਧਾ ਅਸਰ ਪੁਲਸ ਵਿਭਾਗ ਦੇ ਅਕਸ ’ਤੇ ਪੈਂਦਾ ਅਤੇ ਕਮਾਈ ਵਿਧਾਇਕ ਕਰ ਜਾਂਦਾ ਸੀ।
ਇਹ ਵੀ ਪੜ੍ਹੋ: ਪੰਜਾਬ ਲਈ ਅਗਲੇ 24 ਘੰਟੇ ਅਹਿਮ! ਵਧੀ ਖ਼ਤਰੇ ਦੀ ਘੰਟੀ, 20 ਜ਼ਿਲ੍ਹਿਆਂ 'ਚ Alert
ਲੀਕ ਹੋਈ ਆਡੀਓ ਦੇ ਅੰਸ਼
ਦੁਕਾਨ ਮਾਲਕ : ਹਾਂਜੀ ਕੀ ਹਾਲ ਹੈ ਸਰ... ਵਿਧਾਇਕ ਰਮਨ ਅਰੋੜਾ : ਠੀਕ ਹੈ ਸਰ, ਠੀਕ ਹੈ ਸਰ, ਠੀਕ ਹੈ ਸਰ, ਸਰ, ਸਰ, ਸਰ।
ਦੁਕਾਨ ਮਾਲਕ : ਮੈਂ ਕਿਹਾ, ਫਿਰ ਆਏ ਸੀ ਕਾਰਪੋਰੇਸ਼ਨ ਵਾਲੇ।
ਵਿਧਾਇਕ ਰਮਨ ਅਰੋੜਾ : ਮੈਂ ਕਿਹਾ, ਮੈਂ ਕਹਿ ਦਿੰਦਾਂ ਦੋਬਾਰਾ ਕਹਿ ਦਿੰਦਾ, ਹੁਣੇ ਕਹਿ ਦਿੰਦਾ।
ਦੁਕਾਨ ਮਾਲਕ : ਕਹਿ ਦਿਓ ਸਰ, ਤੁਹਾਡੇ ਨਾਲ ਆਪਣੀ ਕਿੱਦਾਂ ਹੋ ਗਈ ਹੈ..ਤੁਸੀਂ ਜਦੋਂ ਆਖਦੇ ਹੋ ਤਾਂ ਅਸੀਂ ਬੈਠੇ ਹੀ ਹਾਂ ਤੁਹਾਡੇ ਨਾਲ।
ਵਿਧਾਇਕ ਰਮਨ ਅਰੋੜਾ : ਬੇਨਤੀ ਸਰ ਇੰਨੀ ਸੀ ਕਿ ਮੈਂ ਉਨ੍ਹਾਂ ਨੂੰ ਕਹਿ ਕੇ ਚਲਾ ਗਿਆ, ਆਰਡਰ ਸੀ ਸਵੇਰੇ ਤੁਸੀਂ ਸਾਮਾਨ ਕਰ ਦਿੰਦੇ (ਇਥੇ ਵਿਧਾਇਕ ਕੁਝ ਲੜਖੜਾਉਂਦੇ ਬੋਲੇ) ਤਾਂ ਮੈਂ ਸਵੇਰੇ ਨਿਕਲ ਗਿਆ ਸੀ। ਹੁਣ ਮੈਨੂੰ ਨਹੀਂ ਸੀ ਨਾ ਪਤਾ... ਚਲੋ ਕੋਈ ਨਹੀਂ ਮੈਂ ਓਹਨੂੰ ਕਹਿ ਦਿੰਦਾ।
ਦੁਕਾਨ ਮਾਲਕ : ਇੱਦਾਂ ਹੈ ਨਾ 5 ਲੱਖ ਰੁਪਈਆ ਤੁਹਾਨੂੰ ਪਹਿਲਾਂ ਭੇਜਿਆ ਸੀ, ਤੁਹਾਡੇ ਨਾਲ ਕੀਤਾ ਹੋਇਆ ਹੈ... ਕੋਈ ਗੱਲ ਨਹੀਂ ਤੁਸੀਂ ਕਹਿ ਦੇਈਓ।
ਵਿਧਾਇਕ ਰਮਨ ਅਰੋੜਾ : ਕਹਿ ਦਿੰਦਾ, ਕਹਿ ਦਿੰਦਾ, ਕਹਿ ਦਿੰਦਾ। (ਰਮਨ ਅਰੋੜਾ ਉਦੋਂ ਤਕ ਇਹ ਸ਼ਬਦ ਬੋਲਦੇ ਰਹੇ, ਜਦੋਂ ਤਕ ਪੈਸਿਆਂ ਦੀ ਗੱਲ ਹੋਈ ਤਾਂ ਕਿ ਗੱਲ ਸਾਫ ਨਾ ਸੁਣਾਈ ਦੇਵੇ, ਇਸ ਤੋਂ ਬਾਅਦ ਵਿਧਾਇਕ ਨੇ ਫੋਨ ਕੱਟ ਦਿੱਤਾ)
ਇਹ ਵੀ ਪੜ੍ਹੋ: ਪੰਜਾਬ 'ਚ ਵੱਡੀ ਬੈਂਕ ਡਕੈਤੀ, ਦਿਨ-ਦਿਹਾੜੇ ਲੁੱਟਿਆ HDFC ਬੈਂਕ
ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ ’ਚ ਨਿਗਮ ਦਾ ਕਲਰਕ ਨਿਕਲਿਆ ਸਾਬਕਾ ਕੌਂਸਲਰ ਦਾ ਰਾਜ਼ਦਾਰ
ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ ਵਿਚ ਸ਼ਹਿਰ ਦੇ ਸਾਬਕਾ ਕੌਂਸਲਰ ਦਾ ਰਾਜ਼ਦਾਰ ਨਗਰ ਨਿਗਮ ਦਾ ਕਲਰਕ ਨਿਕਲਿਆ ਹੈ। ਕਲਰਕ ਹੀ ਸਾਬਕਾ ਕੌਂਸਲਰ ਨੂੰ ਫੰਡ ਰਿਲੀਜ਼ ਹੋਣ ਦੀ ਜਾਣਕਾਰੀ ਦਿੰਦਾ ਸੀ, ਜਿਸ ਤੋਂ ਬਾਅਦ ਉਸ ਦਾ ਪੀ. ਏ. ਬੈਂਕ ਜਾ ਕੇ ਸਕੀਮ ਲੈਣ ਵਾਲੇ ਲੋਕਾਂ ਤੋਂ ਲਈ ਸੈਲਫ ਦੇ ਚੈੱਕ ਦੀ ਅਮਾਊਂਟ ਭਰ ਕੇ ਪੈਸੇ ਕੱਢਵਾ ਲੈਂਦਾ ਸੀ। ਇਹੀ ਨਹੀਂ ਕਲਰਕ ਇਸ ਗੱਲ ’ਤੇ ਵੀ ਨਜ਼ਰ ਰੱਖਦਾ ਸੀ ਕਿ ਸਾਬਕਾ ਕੌਂਸਲਰ ਨੇ ਜਿਹੜੇ-ਜਿਹੜੇ ਘਰਾਂ ਨੂੰ ਫੰਡ ਜਾਰੀ ਕਰਵਾਏ ਹਨ, ਉਨ੍ਹਾਂ ਨੂੰ ਲੈ ਕੇ ਕਿਸੇ ਨੇ ਆਰ. ਟੀ. ਆਈ. ਤਾਂ ਨਹੀਂ ਪਾਈ। ਜੇਕਰ ਕੋਈ ਆਰ. ਟੀ. ਆਈ. ਪਾਉਂਦਾ ਸੀ, ਤਾਂ ਵਧੇਰੇ ਉਨ੍ਹਾਂ ਘਰਾਂ ਦਾ ਡਾਟਾ ਨਹੀਂ ਦਿੱਤਾ ਜਾਂਦਾ ਸੀ ਅਤੇ ਕੋਈ ਨਾ ਕੋਈ ਬਹਾਨਾ ਬਣਾ ਦਿੱਤਾ ਜਾਂਦਾ ਸੀ। ਵਿਜੀਲੈਂਸ ਦੀ ਟੀਮ ਜੇਕਰ ਸਾਬਕਾ ਕੌਂਸਲਰ ਵੱਲੋਂ ਕੀਤੇ ਘਪਲੇ ਦੀ ਜਾਂਚ ਕਰੇ ਤਾਂ ਕੇਂਦਰ ਦੀ ਇਸ ਸਕੀਮ ਵਿਚ ਹੋਏ ਭ੍ਰਿਸ਼ਟਾਚਾਰ ਨੂੰ ਜੜ੍ਹ ਤੋਂ ਕੱਢਿਆ ਜਾ ਸਕਦਾ ਹੈ, ਹਾਲਾਂਕਿ ਇਸ ਕੇਸ ਨੂੰ ਲੈ ਕੇ ਵਿਜੀਲੈਂਸ ਦਫਤਰ ਵਿਚ ਫਾਈਲ ਪੈਂਡਿੰਗ ਲਿਸਟ ਵਿਚ ਪਈ ਹੋਈ ਹੈ।
ਇਹ ਵੀ ਪੜ੍ਹੋ: ਜਲੰਧਰ 'ਚ ਵੀ ਹੋਵੇਗਾ ਬਲੈਕਆਊਟ, ਵੱਜਣਗੇ ਖ਼ਤਰੇ ਦੇ ਘੁੱਗੂ, DC ਨੇ ਜਾਰੀ ਕੀਤੇ ਹੁਕਮ
ਕਈ ਜਿਊਲਰਜ਼ ਵੀ ਆ ਸਕਦੇ ਹਨ ਸ਼ੱਕ ਦੇ ਘੇਰੇ ’ਚ
ਵਿਧਾਇਕ ਰਮਨ ਅਰੋੜਾ ਦੇ ਨਜ਼ਦੀਕੀ ਕਈ ਜਿਊਲਰਜ਼ ਵੀ ਸ਼ੱਕ ਦੇ ਘੇਰੇ ਵਿਚ ਆ ਸਕਦੇ ਹਨ। ਸੂਤਰਾਂ ਦੀ ਮੰਨੀਏ ਤਾਂ ਚੋਰੀ ਜਾਂ ਫਿਰ ਲੁੱਟ ਦੇ ਗਹਿਣੇ ਜੇਕਰ ਰਮਨ ਅਰੋੜਾ ਦੇ ਨਜ਼ਦੀਕੀ ਜਿਊਲਰਜ਼ ਤੋਂ ਬਰਾਮਦ ਹੁੰਦੇ ਸਨ ਤਾਂ ਉਹ ਉਨ੍ਹਾਂ ਦੀ ਥਾਣਿਆਂ ਵਿਚ ਪੈਸਿਆਂ ਦੀ ਸੈਟਿੰਗ ਤਾਂ ਕਰਵਾ ਹੀ ਦਿੰਦੇ ਸਨ ਅਤੇ ਸੋਨਾ ਵੀ ਵਾਪਸ ਦਿਵਾ ਦਿੰਦੇ ਸਨ। ਇਸ ਦੀ ਇਵਜ਼ ਵਿਚ ਅਰੋੜਾ ਆਪਣੀ ਲੱਖਾਂ ਦੀ ਫੀਸ ਵਸੂਲਣਾ ਨਹੀਂ ਭੁੱਲਦੇ ਸਨ। ਇਹੀ ਕਾਰਨ ਸੀ ਕਿ ਉਕਤ ਜਿਊਲਰਜ਼ ਚੋਰੀ ਅਤੇ ਲੁੱਟ ਦੇ ਗਹਿਣੇ ਬਿਨਾਂ ਕਿਸੇ ਡਰ ਦੇ ਸਸਤੇ ਭਾਅ ਖਰੀਦ ਲੈਂਦੇ ਸਨ। ਇਹ ਵੀ ਚਰਚਾ ਹੈ ਕਿ ਕਾਲੇ ਧਨ ਨਾਲ ਕਰੋੜਾਂ ਦਾ ਸੋਨਾ ਵੀ ਖਰੀਦਿਆ ਗਿਆ ਪਰ ਫਿਲਹਾਲ ਇਸ ਦੀ ਪੁਸ਼ਟੀ ਨਹੀਂ ਹੋ ਸਕੀ।
ਇਹ ਵੀ ਪੜ੍ਹੋ: ਪੰਜਾਬ 'ਚ ਖ਼ੌਫ਼ਨਾਕ ਘਟਨਾ! ਭਤੀਜੇ ਨੇ ਚਾਚੇ 'ਤੇ ਅੰਨ੍ਹੇਵਾਹ ਚਲਾਈਆਂ ਗੋਲ਼ੀਆਂ, ਮੰਜ਼ਰ ਵੇਖ ਸਹਿਮੇ ਲੋਕ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਜ਼ਮੀਨੀ ਵਿਵਾਦ ਦੇ ਚੱਲਦਿਆਂ ਔਰਤ ਨੇ ਚੁੱਕਿਆ ਖੌਫ਼ਨਾਕ ਕਦਮ
NEXT STORY 
