ਜਲੰਧਰ (ਵਰੁਣ)–ਵਿਧਾਇਕ ਰਮਨ ਅਰੋੜਾ ਨੇ ਪੈਸੇ ਕਮਾਉਣ ਲਈ ਆਪਣੀ ਇਕ ਪੂਰੀ ਟੀਮ ਫੀਲਡ ਵਿਚ ਉਤਾਰ ਰੱਖੀ ਸੀ। ਉਨ੍ਹਾਂ ਦਾ ਕੰਮ ਇਹੀ ਸੀ ਕਿ ਜੇਕਰ ਜਲੰਧਰ ਦੇ ਸੈਂਟਰਲ ਹਲਕੇ ਦਾ ਕੋਈ ਵਿਅਕਤੀ ਕਿਤੇ ਵੀ 2 ਨੰਬਰ ਦਾ ਕੰਮ ਕਰਦਾ ਹੈ ਤਾਂ ਉਸ ਦੀ ਕੁੰਡਲੀ ਕੱਢ ਕੇ ਵਿਧਾਇਕ ਨੂੰ ਦੇਣਾ। ਅਜਿਹਾ ਹੀ ਕੰਮ ਸ਼ੇਖਾਂ ਬਾਜ਼ਾਰ ਪਤੰਗਾਂ ਵਾਲੇ ਭਰਾਵਾਂ ਨਾਲ ਹੋਇਆ।
ਜਿਵੇਂ ਹੀ ਵਿਧਾਇਕ ਰਮਨ ਅਰੋੜਾ ਨੂੰ ਪਤਾ ਲੱਗਾ ਤਾਂ ਉਨ੍ਹਾਂ ਨੇ ਬਸੰਤ ਦੇ ਨੇੜੇ ਉਨ੍ਹਾਂ ਦੇ ਗੋਦਾਮ ਅਤੇ ਦੁਕਾਨਾਂ ’ਤੇ ਰੇਡ ਕਰਵਾ ਕੇ ਦੁਕਾਨ ਮਾਲਕਾਂ ਨੂੰ ਉਠਵਾ ਲਿਆ। ਉਨ੍ਹਾਂ ਨੂੰ ਦੱਸਿਆ ਗਿਆ ਕਿ ਦਿੱਲੀ ਵਿਚ ਉਨ੍ਹਾਂ ਦੀ ਇਕ ਫੈਕਟਰੀ ਹੈ, ਜਿਸ ਵਿਚ ਚਾਈਨਾ ਡੋਰ ਬਣਦੀ ਹੈ ਅਤੇ ਇੰਡੀਆ ਪੱਧਰ ’ਤੇ ਸਪਲਾਈ ਹੁੰਦੀ ਹੈ। ਉਨ੍ਹਾਂ ਨੂੰ ਚਾਈਨਾ ਡੋਰ ਬਣਾਉਣ ਅਤੇ ਸਪਲਾਈ ਕਰਨ ਦੇ ਦੋਸ਼ਾਂ ਵਿਚ ਗ੍ਰਿਫ਼ਤਾਰ ਕਰਕੇ ਜੇਲ੍ਹ ਭੇਜਣ ਅਤੇ ਕਾਰੋਬਾਰ ਬਰਬਾਦ ਕਰਨ ਦੀ ਧਮਕੀ ਦਿੱਤੀ ਗਈ, ਜਿਸ ਤੋਂ ਬਾਅਦ ਤਿੰਨਾਂ ਭਰਾਵਾਂ ਨੇ ਰਮਨ ਅਰੋੜਾ ਨੂੰ 7-7 ਲੱਖ ਰੁਪਏ ਦੇ ਕੇ ਆਪਣੀ ਜਾਨ ਛੁਡਾਈ। ਹੈਰਾਨੀ ਦੀ ਗੱਲ ਹੈ ਕਿ ਚਾਈਨਾ ਡੋਰ ’ਤੇ ਪਾਬੰਦੀ ਹੋਣ ਦੇ ਬਾਵਜੂਦ ਪੈਸਿਆਂ ਦੇ ਲਾਲਚ ਵਿਚ ਵਿਧਾਇਕ ਰਮਨ ਅਰੋੜਾ ਨੇ ਜਲੰਧਰ ਹੀ ਨਹੀਂ, ਸਗੋਂ ਪੰਜਾਬ ਦੇ ਹੋਰ ਸ਼ਹਿਰਾਂ ਵਿਚ ਚਾਈਨਾ ਡੋਰ ਦੀ ਵਿਕਰੀ ਹੋਣ ਦਿੱਤੀ। ਰਮਨ ਅਰੋੜਾ ਦੀ ਸ਼ਹਿ ਵਿਚ ਹਾਲੇ ਵੀ ਉਕਤ ਫੈਕਟਰੀ ਚੱਲ ਰਹੀ ਹੈ। ਇਹੀ ਨਹੀਂ, ਰਮਨ ਅਰੋੜਾ ਰੇਹੜੀ ਵਾਲਿਆਂ ਤੋਂ ਵੀ ਮਹੀਨੇ ਦਾ 10-10 ਹਜ਼ਾਰ ਰੁਪਏ ਵਸੂਲਦਾ ਸੀ। ਇਕ ਡੋਸੇ ਵਾਲੇ ਨੂੰ ਪ੍ਰਤੀ ਡੋਸਾ ਕਮੀਸ਼ਨ ਦੇਣ ਦੀ ਗੱਲ ਕਹੀ ਗਈ ਸੀ ਪਰ ਬਾਅਦ ਵਿਚ ਉਸ ਨਾਲ ਵੀ ਪ੍ਰਤੀ ਮਹੀਨਾ ਫ਼ੀਸ ਤੈਅ ਕਰ ਲਈ ਗਈ। ਰਮਨ ਅਰੋੜਾ ਦੇ ਦਫ਼ਤਰ ਦੇ ਬਾਹਰ ਜੋ ਭਟੂਰੇ ਦੀ ਰੇਹੜੀ ਲੱਗਦੀ ਹੈ, ਉਸ ਤੋਂ ਵੀ ਮਹੀਨਾ ਵਸੂਲਿਆ ਜਾਂਦਾ ਸੀ।
ਇਹ ਵੀ ਪੜ੍ਹੋ: MLA ਰਮਨ ਅਰੋੜਾ ਦੇ ਮਾਮਲੇ 'ਚ ਗ੍ਰਿਫ਼ਤਾਰ ਮਹੇਸ਼ ਮਖੀਜਾ ਦਾ ਗੁਆਂਢੀ ਵੀ ਫਸਿਆ, ਵਿਜੀਲੈਂਸ ਨੇ ਲਿਆ ਐਕਸ਼ਨ
ਵਿਧਾਇਕ ਜਿੱਥੇ ਉਦਘਾਟਨ ਕਰਦਾ, ਉਥੇ ਹੀ ਨਿਗਮ ਦੀ ਟੀਮ ਪਹੁੰਚ ਜਾਂਦੀ ਸੀ
ਵਿਧਾਇਕ ਦਾ ਇਕ ਹੋਰ ਕਿੱਸਾ ਸਾਹਮਣੇ ਆਇਆ ਹੈ। ਵਿਧਾਇਕ ਰਮਨ ਅਰੋੜਾ ਜੇਕਰ ਕਿਸੇ ਸ਼ੋਅਰੂਮ ’ਤੇ ਉਦਘਾਟਨ ਕਰਨ ਜਾਂਦਾ ਤਾਂ ਉਸ ਦੀ ਨਜ਼ਰ ਇਮਾਰਤ ਦੀਆਂ ਕਮੀਆਂ ’ਤੇ ਹੀ ਰਹਿੰਦੀ ਸੀ। ਕਮੀ ਨਾ ਵੀ ਮਿਲੇ ਤਾਂ ਵਿਧਾਇਕ ਦੇ ਜਾਣ ਤੋਂ ਕੁਝ ਘੰਟਿਆਂ ਬਾਅਦ ਹੀ ਨਿਗਮ ਦੀ ਟੀਮ ਨੋਟਿਸ ਲੈ ਕੇ ਉਥੇ ਪਹੁੰਚ ਜਾਂਦੀ ਸੀ ਅਤੇ ਫਿਰ ਵਿਧਾਇਕ ਦੀ ਦੋਬਾਰਾ ਐਂਟਰੀ ਕਰਵਾ ਕੇ ਪੈਸੇ ਵਸੂਲ ਕੀਤੇ ਜਾਂਦੇ ਸਨ।
ਇਸੇ ਤਰ੍ਹਾਂ ਹੀ ਵਿਧਾਇਕ ਨੇ ਫਗਵਾੜਾ ਗੇਟ ਵਿਚ ਵੀ ਇਕ ਸ਼ੋਅਰੂਮ ਦਾ ਸੈਂਟਰ ਡੇਗ ਦਿੱਤਾ ਸੀ, ਜਿਸ ਤੋਂ ਬਾਅਦ ਸੈਟਲਮੈਂਟ ਹੋਈ ਸੀ। ਦੂਜਾ ਮਾਮਲਾ ਚਹਾਰ ਬਾਗ ਦਾ ਸੀ, ਜਿੱਥੇ ਦੁਕਾਨ ਬਣਾਉਣ ਲਈ ਪਹਿਲਾਂ ਤਾਂ ਵਿਧਾਇਕ ਨੇ ਦੁਕਾਨਦਾਰ ਤੋਂ ਪੈਸੇ ਵਸੂਲੇ ਅਤੇ ਫਿਰ ਦੁਕਾਨ ਮਾਲਕ ਨੂੰ ਇਹ ਵੀ ਕਿਹਾ ਕਿ ਦੁਕਾਨ ਦਾ ਉਦਘਾਟਨ ਉਹ ਖ਼ੁਦ ਕਰੇਗਾ।
ਇਹ ਵੀ ਪੜ੍ਹੋ: ਪੰਜਾਬੀਆਂ ਲਈ Good News, ਹੁਣ ਆਦਮਪੁਰ ਤੋਂ ਇਸ ਰੂਟ ਲਈ ਸ਼ੁਰੂ ਹੋਵੇਗੀ ਸਿੱਧੀ ਫਲਾਈਟ
ਵਿਧਾਇਕ ਤੋਂ ਪੀੜਤ ਵਪਾਰੀ ਬਿਆਨ ਦੇਣ ਵਿਜੀਲੈਂਸ ਆਫਿਸ ਪਹੁੰਚ ਰਹੇ
ਓਧਰ ਵਿਧਾਇਕ ਵੱਲੋਂ ਸਿਆਸੀ ਦਬਾਅ ਅਤੇ ਧਮਕਾ ਕੇ ਜਿਨ੍ਹਾਂ-ਜਿਨ੍ਹਾਂ ਲੋਕਾਂ ਤੋਂ ਰਿਸ਼ਵਤ ਵਸੂਲੀ ਗਈ, ਉਹ ਲੋਕ ਹੁਣ ਖ਼ੁਦ ਹੀ ਵਿਜੀਲੈਂਸ ਦਫਤਰ ਪਹੁੰਚ ਰਹੇ ਹਨ। ਉਨ੍ਹਾਂ ਨਾਲ ਜੋ-ਜੋ ਵੀ ਹੋਇਆ, ਉਸ ਨੂੰ ਲਿਖਤੀ ਰੂਪ ਵਿਚ ਬਿਆਨ ਕਰ ਰਹੇ ਹਨ। ਲਗਭਗ ਇਕ ਦਰਜਨ ਲੋਕ ਹਾਲੇ ਤਕ ਆਪਣੇ ਬਿਆਨ ਦਰਜ ਕਰਵਾ ਚੁੱਕੇ ਹਨ, ਜਿਸ ਨਾਲ ਰਮਨ ਅਰੋੜਾ ਦੀਆਂ ਮੁਸ਼ਕਿਲਾਂ ਲਗਾਤਾਰ ਵਧਦੀਆਂ ਵਿਖਾਈ ਦੇ ਰਹੀਆਂ ਹਨ। ਜੋ ਲੋਕ ਰਮਨ ਅਰੋੜਾ ਦੇ ਦਫ਼ਤਰ ਵਿਚ ਲੱਗਣ ਵਾਲੀ ਪੰਚਾਇਤ ਦੇ ਅਹੁਦੇਦਾਰ ਹੋਇਆ ਕਰਦੇ ਸਨ, ਉਹ ਵੀ ਹੁਣ ਵਿਧਾਇਕ ਦੀਆਂ ਕਮੀਆਂ ਇੱਧਰ-ਉਧਰ ਗਿਣਾ ਰਹੇ ਹਨ। ਕੁਝ ਅੰਡਰਗਰਾਊਂਡ ਵੀ ਹਨ।
ਇਹ ਵੀ ਪੜ੍ਹੋ: ਪੰਜਾਬ 'ਚ ਬਦਲਿਆ ਮੌਸਮ, ਤੇਜ਼ ਹਨ੍ਹੇਰੀ-ਝੱਖੜ ਦੇ ਨਾਲ ਪਿਆ ਮੀਂਹ
2 ਲੱਖ ਰੁਪਏ ਬਚਾਉਣ ਦੇ ਚੱਕਰ ’ਚ ਵਿਧਾਇਕ ਕੋਲ ਗਏ, ਉਥੇ 5 ਲੱਖ ਰੁਪਏ ਦੇ ਕੇ ਨਿਕਲੇ
ਫੁੱਲਾਂ ਵਾਲਾ ਚੌਕ ਤੋਂ ਜੱਗੂ ਚੌਕ ਜਾਂਦੇ ਬਾਜ਼ਾਰ ਵਿਚ ਲਗਭਗ ਡੇਢ ਸਾਲ ਪਹਿਲਾਂ ਪੁਲਸ ਨੇ ਰੇਡ ਕਰ ਕੇ ਸੋਨਾ ਢਾਲਣ ਵਾਲੇ ਵਿਅਕਤੀ ਨੂੰ ਕਾਬੂ ਕੀਤਾ ਸੀ। ਦੋਸ਼ ਸੀ ਕਿ ਉਸ ਨੇ ਚੋਰੀ ਦਾ ਸੋਨਾ ਖ਼ਰੀਦਿਆ ਸੀ। ਸੂਤਰਾਂ ਦੀ ਮੰਨੀਏ ਤਾਂ ਢਲਾਈ ਕਰਨ ਵਾਲੇ ਤੋਂ 2 ਲੱਖ ਰੁਪਏ ਦੀ ਮੰਗ ਕੀਤੀ ਗਈ ਸੀ। ਪੈਸੇ ਬਚਾਉਣ ਦੇ ਚੱਕਰ ਵਿਚ ਉਸ ਦੇ ਸਮਰਥਕ ਵਿਧਾਇਕ ਰਮਨ ਅਰੋੜਾ ਕੋਲ ਪਹੁੰਚੇ ਪਰ 2 ਲੱਖ ਬਚਣੇ ਤਾਂ ਦੂਰ ਉਲਟਾ ਵਿਧਾਇਕ ਨੇ 5 ਲੱਖ ਰੁਪਏ ਲੈ ਕੇ ਹੀ ਫੜੇ ਵਪਾਰੀ ਨੂੰ ਛੱਡਣ ਦੀ ਗੱਲ ਕਹਿ ਦਿੱਤੀ। ਆਖਿਰਕਾਰ ਇਨ੍ਹਾਂ ਲੋਕਾਂ ਨੇ 5 ਲੱਖ ਰੁਪਏ ਵਿਧਾਇਕ ਨੂੰ ਦੇ ਕੇ ਵਪਾਰੀ ਨੂੰ ਛੁਡਵਾਇਆ।
ਇਹ ਵੀ ਪੜ੍ਹੋ: MLA ਰਮਨ ਅਰੋੜਾ ਦੀ ਲੀਕ ਹੋਈ ਆਡੀਓ ਨਾਲ ਮਚਿਆ ਹੜਕੰਪ, ਇੰਝ ਖੁੱਲ੍ਹੇ ਪੱਤੇ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ 350ਵੇਂ ਸ਼ਹੀਦੀ ਦਿਹਾੜੇ ਨੂੰ ਲੈ ਕੇ ਪੰਜਾਬ ਸਰਕਾਰ ਦਾ ਵੱਡਾ ਐਲਾਨ (ਵੀਡੀਓ)
NEXT STORY 
