ਨਾਭਾ (ਜੈਨ) : ਇੱਥੇ ਇਕ ਵਿਅਕਤੀ ਨੂੰ ਆਪਸ ਵਿਚ ਲੜ ਰਹੇ ਦੋ ਵਿਅਕਤੀਆਂ ਨੂੰ ਛੁਡਾਉਣ ਦੀ ਕੋਸ਼ਿਸ਼ ਕਰਨੀ ਮਹਿੰਗੀ ਪਈ। ਦੱਸਿਆ ਜਾਂਦਾ ਹੈ ਕਿ ਪਿੰਡ ਰੋਹਟੀ ਮੋੜਾਂ ਦਾ ਅਵਤਾਰ ਸਿੰਘ ਪੁੱਤਰ ਗੁਰਦੇਵ ਸਿੰਘ ਪਿੰਡ ਵਿਚ ਹੀ ਜਸਵੰਤ ਸਿੰਘ ਨੂੰ ਮਿਲਣ ਲਈ ਉਸ ਦੇ ਘਰ ਗਿਆ, ਜਿੱਥੇ ਜਸਵੰਤ ਸਿੰਘ ਦਾ ਰਿਸ਼ਤੇਦਾਰ ਅਤੇ ਉਸ ਦਾ ਗੁਆਂਢੀ ਗੁਰਤੇਜ ਸਿੰਘ ਆਪਸ ਵਿਚ ਲੜ ਰਹੇ ਸਨ।
ਅਵਤਾਰ ਸਿੰਘ ਅਨੁਸਾਰ ਜਦੋਂ ਉਸ ਨੇ ਛੁਡਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਗੁਰਤੇਜ ਸਿੰਘ ਪੁੱਤਰ ਨੀਲਾ ਸਿੰਘ ਵਾਸੀ ਰੋਹਟੀ ਮੌੜਾਂ ਨੇ ਉਸ ਦੀ ਕੁੱਟਮਾਰ ਕੀਤੀ ਅਤੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ। ਕੁੱਟਮਾਰ ਕਰਨ ਨਾਲ ਸੱਟਾਂ ਵੱਜੀਆਂ। ਥਾਣਾ ਸਦਰ ਪੁਲਸ ਨੇ ਅਵਤਾਰ ਸਿੰਘ ਦੇ ਬਿਆਨਾਂ ਅਨੁਸਾਰ ਗੁਰਤੇਜ ਸਿੰਘ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ ਪਰ ਅਜੇ ਤੱਕ ਗ੍ਰਿਫ਼ਤਾਰੀ ਨਹੀਂ ਕੀਤੀ ਗਈ।
ਸੋਨਾਲੀ ਮਿਸ਼ਰਾ ਜਲੰਧਰ ’ਚ ਬੀ. ਐੱਸ. ਐੱਫ. ਹੈੱਡਕੁਆਰਟਰ ਦੀ ਨਵੀਂ ਆਈ. ਜੀ. ਹੋਵੇਗੀ
NEXT STORY 
