ਕਲਾਨੌਰ(ਵਤਨ) - ਡੇਰਾ ਬਾਬਾ ਨਾਨਕ ਦੇ ਕਾਂਗਰਸੀ ਵਿਧਾਇਕ ਸੁਖਜਿੰਦਰ ਸਿੰਘ ਰੰਧਾਵਾ ਵੱਲੋਂ ਅਕਾਲੀ ਮੰਤਰੀ ਮਜੀਠੀਆ 'ਤੇ ਮੁੜ ਸ਼ਬਦੀ ਹਮਲਾ ਕੀਤਾ ਗਿਆ, ਜਿਸ 'ਚ ਉਨ੍ਹਾਂ ਕਿਹਾ ਕਿ ਅਕਾਲੀ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਨੇ ਪੰਜਾਬ ਦੇ ਨੌਜਵਾਨਾਂ ਦੀ ਜਵਾਨੀ ਨਸ਼ਿਆਂ 'ਚ ਤਬਾਹ ਕਰ ਦਿੱਤੀ ਹੈ ।ਉਨ੍ਹਾਂ ਵਿਧਾਨ ਸਭਾ 'ਚ ਵੀ ਕਿਹਾ ਸੀ ਅਤੇ ਅੱਜ ਵੀ ਕਹਿੰਦੇ ਹਨ ਕਿ ਮਜੀਠੀਆ ਨਸ਼ੇ ਵੇਚਦਾ ਹੈ।
ਉਧਰ ਦੂਜੇ ਪਾਸੇ ਵਿਧਾਇਕ ਰੰਧਾਵਾ ਨੇ ਕਿਹਾ ਕਿ ਮਜੀਠੀਆ ਕਹਿੰਦਾ ਕਿ ਸੁੱਖੀ ਰੰਧਾਵਾ ਕੌਣ ਹੈ, ਉਸ ਨੂੰ ਜੇਕਰ ਕੁਝ ਵੀ ਨਹੀਂ ਸਮਝਦਿਆਂ ਤਾਂ ਫਿਰ ਉਸ ਦੀਆਂ ਚੀਕਾਂ ਕਿਉਂ ਨਿਕਲ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਉਹ ਆਪਣਾ ਵਾਅਦਾ ਪੂਰਾ ਕਰਨਗੇ ਅਤੇ ਮਜੀਠੀਆ ਨੂੰ ਜੇਲ 'ਚ ਡੱਕਣਗੇ । ਰੰਧਾਵਾ ਨੇ ਕਿਹਾ ਕਿ ਭ੍ਰਿਸ਼ਟਾਚਾਰੀ ਆਗੂ ਰੰਧਾਵਾ ਪਰਿਵਾਰ ਨੂੰ ਨਹੀਂ ਡਰਾ ਸਕਦੇ ਕਿਉਂਕਿ ਉਨ੍ਹਾਂ ਦੇ ਪਰਿਵਾਰ ਨੇ ਹਮੇਸ਼ਾਂ ਇਮਾਨਦਾਰੀ ਨਾਲ ਲੋਕਾਂ ਦੀ ਸੇਵਾ ਕੀਤੀ ਹੈ । ਉਨਾਂ ਮਜੀਠੀਏ ਨੂੰ ਚੈਲੇਂਜ ਕਰਦਿਆਂ ਕਿਹਾ ਕਿ ਉਹ ਹਾਈਕੋਰਟ 'ਚ ਕੇਸ ਕਰਕੇ ਉਨਾਂ ਦੀ ਜਾਇਦਾਦ 'ਤੇ ਆਪਣੀ ਜਾਇਦਾਦ ਦਾ ਹਿਸਾਬ ਦੇਣ, ਜਿਸ ਨਾਲ ਪੰਜਾਬ ਦੇ ਲੋਕਾਂ ਨੂੰ ਬੇਈਮਾਨ ਅਤੇ ਇਮਾਨਦਾਰ ਦੀ ਪਛਾਣ ਹੋ ਜਾਵੇਗੀ। ਉਨ੍ਹਾਂ ਅਕਾਲੀਆਂ 'ਤੇ ਝੂਠੇ ਪਰਚੇ ਦਰਜ ਕਰਵਾਉਣ ਦੇ ਦੋਸ਼ ਰੱਦ ਕਰਦਿਆਂ ਕਿਹਾ ਕਿ ਜਬਰ ਵਿਰੋਧੀ ਲਹਿਰ ਦੌਰਾਨ ਸੁਖਬੀਰ ਬਾਦਲ ਅੱਗੇ ਪੇਸ਼ ਹੋਏ ਕਈ ਅਕਾਲੀਆਂ 'ਤੇ ਹੋਏ ਪਰਚੇ ਤਾਂ ਅਕਾਲੀ ਸਰਕਾਰ ਦੌਰਾਨ ਪਰਚੇ ਹੋਏ ਸਨ, ਜਿਨਾਂ ਕੇਸਾਂ ਦੀ ਕਾਂਗਰਸ ਸਰਕਾਰ 'ਚ ਜਾਂਚ ਹੋ ਰਹੀ ਹੈ। ਉਨਾਂ ਕਿਹਾ ਕਿ ਜਿਨ੍ਹਾਂ ਪੰਜਾਬ ਦੇ ਕਿਸਾਨਾਂ ਦੇ ਸਿਰ ਕਰਜ਼ਾ ਹੈ, ਉਨ੍ਹਾਂ ਤਾਂ ਫਾਸਟਵੇ ਕੰਪਨੀ ਕੋਲੋਂ ਟੈਕਸ ਲੈਣ ਵਾਲਾ ਹੈ ਅਤੇ ਇਸ ਦੀ ਮਾਲਕੀ ਸੁਖਬੀਰ ਅਤੇ ਮਜੀਠੀਏ ਕੋਲ ਹੈ। ਉਨ੍ਹਾਂ ਕਿਹਾ ਕਿ ਕਾਂਗਰਸ ਨੇ ਪੰਜਾਬ ਦੇ ਲੋਕਾਂ 'ਤੇ ਜਬਰ ਨਹੀਂ ਬਲਕਿ ਅਕਾਲੀਆਂ ਨੇ ਆਪਣੀ ਸਰਕਾਰ ਦੌਰਾਨ ਲੋਕਾਂ 'ਤੇ ਜਬਰ ਕੀਤਾ ਜਦੋਂ ਅਕਾਲੀਆਂ ਦੇ ਇਸ਼ਾਰੇ 'ਤੇ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਬੇਅਦਬੀ ਦੇ ਰੋਸ 'ਚ ਸ਼ਾਂਤਮਈ ਪ੍ਰਦਰਸ਼ਨ ਕਰਦੇ ਸਿੱਖਾਂ 'ਤੇ ਪੁਲਸ ਨੇ ਗੋਲੀਆਂ ਚਲਾਈਆਂ, ਜਬਰ ਤਾਂ ਉਦੋਂ ਹੋਇਆ ਜਦੋਂ ਅਮ੍ਰਿਤਸਰ 'ਚ ਅਕਾਲੀਆਂ ਨੇ ਇਕ ਏ. ਐਸ. ਆਈ. ਨੂੰ ਇਸ ਲਈ ਗੋਲੀਆਂ ਨਾਲ ਮਾਰ ਦਿੱਤਾ ਜਦੋਂ ਉਹ ਆਪਣੀ ਲੜਕੀ ਦੀ ਇੱਜ਼ਤ ਬਚਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਉਨ੍ਹਾਂ ਕਿਹਾ ਕਿ ਸਮਾਂ ਆਉਣ ਦਿਓ ਅਕਾਲੀਆਂ ਕੋਲੋਂ ਹਰ ਜਬਰ ਦਾ ਹਿਸਾਬ ਲਿਆ ਜਾਵੇਗਾ।
ਕਾਰ ਦਾ ਸ਼ੀਸ਼ਾ ਤੋੜ ਕੇ ਚੋਰਾਂ ਨੇ ਉਡਾਇਆ ਲੈਪਟਾਪ ਅਤੇ ਨਗਦੀ
NEXT STORY 
