ਨਵੀਂ ਦਿੱਲੀ — ਰਾਸ਼ਟਰੀ ਜਾਂਚ ਏਜੰਸੀ (ਐੱਨ.ਆਈ.ਏ.) ਨੇ ਐੱਸ.ਐੱਫ.ਜੇ. ਆਗੂ ਗੁਰਪਤਵੰਤ ਸਿੰਘ ਪੰਨੂ ਵੱਲੋਂ ਅੱਤਵਾਦ ਨਾਲ ਸਬੰਧਤ ਗਤੀਵਿਧੀਆਂ ਅਤੇ ਹਿੰਸਾ ਨੂੰ ਉਤਸ਼ਾਹਿਤ ਕਰਨ ਦੇ ਮਾਮਲੇ 'ਚ ਸ਼ੁੱਕਰਵਾਰ ਨੂੰ ਪੰਜਾਬ ਭਰ 'ਚ ਚਾਰ ਟਿਕਾਣਿਆਂ 'ਤੇ ਛਾਪੇਮਾਰੀ ਕੀਤੀ।
ਐਨ.ਆਈ.ਏ. ਦੀਆਂ ਟੀਮਾਂ ਨੇ ਆਰ.ਸੀ.-30/2023/ਐਨ.ਆਈ.ਏ./ਡੀ.ਐਲ.ਆਈ. ਕੇਸ ਵਿੱਚ ਸ਼ੱਕੀ ਵਿਅਕਤੀਆਂ ਨਾਲ ਜੁੜੇ ਕੰਪਲੈਕਸਾਂ ਵਿੱਚ ਮੋਗਾ ਵਿੱਚ ਇੱਕ ਸਥਾਨ, ਬਠਿੰਡਾ ਵਿੱਚ ਦੋ ਸਥਾਨਾਂ ਅਤੇ ਮੋਹਾਲੀ ਵਿੱਚ ਇੱਕ ਸਥਾਨ 'ਤੇ ਛਾਪਾ ਮਾਰਿਆ। ਛਾਪੇਮਾਰੀ ਦੌਰਾਨ ਡਿਜੀਟਲ ਡਿਵਾਈਸਾਂ ਸਮੇਤ ਵੱਖ-ਵੱਖ ਅਪਰਾਧਿਕ ਸਮੱਗਰੀਆਂ ਨੂੰ ਜ਼ਬਤ ਕੀਤਾ ਗਿਆ, ਜੋ ਜਾਂਚ ਅਧੀਨ ਹਨ।
ਇਹ ਕੇਸ ਪੰਨੂ ਵੱਲੋਂ ਸਿੱਖਸ ਫਾਰ ਜਸਟਿਸ (ਐੱਸ.ਐੱਫ.ਜੇ.) ਦੇ ਹੋਰ ਮੈਂਬਰਾਂ ਨਾਲ ਰਚੀ ਗਈ ਸਾਜ਼ਿਸ਼ ਨਾਲ ਸਬੰਧਤ ਹੈ। ਐਨ.ਆਈ.ਏ. ਨੇ ਪੰਨੂ ਖ਼ਿਲਾਫ਼ 17 ਨਵੰਬਰ 2023 ਨੂੰ ਆਈ.ਪੀ.ਸੀ. ਦੀ ਧਾਰਾ 120ਬੀ, 153ਏ ਅਤੇ 506 ਅਤੇ ਯੂਏ(ਪੀ) ਐਕਟ, 1967 ਦੀਆਂ ਧਾਰਾਵਾਂ 10, 13, 16, 17, 18, 18ਬੀ 8 20 ਤਹਿਤ ਕੇਸ ਦਰਜ ਕੀਤਾ ਸੀ। ਮਾਮਲੇ ਦੀ ਅਗਲੇਰੀ ਜਾਂਚ ਜਾਰੀ ਹੈ।
ਚਲਦੇ ਸ਼ੋਅ ਦੌਰਾਨ ਦਰਸ਼ਕ ਨੇ ਦਿਲਜੀਤ ਵੱਲ ਵਗ੍ਹਾ ਕੇ ਮਾਰਿਆ ਫੋਨ, ਫਿਰ ਗਾਇਕ ਨੇ ਜੋ ਕੀਤਾ...
NEXT STORY 
