ਪਟਿਆਲਾ—ਪੱਕਾ ਕਰਨ ਦੀ ਮੰਗ ਨੂੰ ਲੈ ਕੇ ਰਾਜਿੰਦਰਾ ਹਸਪਤਾਲ ਦੀ ਛੱਤ 'ਤੇ ਚੜ੍ਹੀ ਪੰਜ ਹੋਰ ਨਰਸਾਂ ਦੀ ਸਿਹਤ ਵਿਗੜ ਗਈ। ਉੱਥੇ ਵੀਰਵਾਰ ਰਾਤ ਛੱਤ 'ਤੇ ਨਰਸ ਦੀ ਸਿਹਤ ਵਿਗੜਨ ਦੀ ਵੀਡੀਓ ਦੇਖ ਮਾਂ ਦੀ ਹਾਰਟ ਅਟੈਕ ਨਾਲ ਮੌਤ ਹੋ ਗਈ।ਵੀਰਵਾਰ ਨੂੰ ਛੱਤ 'ਤੇ ਚੜ੍ਹੀ ਨਰਸ ਮਨਪ੍ਰੀਤ ਕੌਰ ਦੀ ਹਾਲਤ ਵਿਗੜਨ ਨਾਲ ਜਦੋਂ ਉਸ ਨੂੰ ਛੱਤ ਤੋਂ ਹੇਠਾਂ ਲਿਆਂਦਾ ਗਿਆ ਤਾਂ ਸਾਥੀਆਂ ਨੇ ਉਸ ਦੀ ਵੀਡੀਓ ਬਣਾ ਲਈ। ਰਾਤ ਨੂੰ ਮੋਗਾ-ਬਰਨਾਲਾ 'ਚ ਪੈਂਦੇ ਪਿੰਡ ਕੁੱਸਾ ਮੇਨੀਵਾ 'ਚ ਮਨਪ੍ਰੀਤ ਦੀ ਮਾਂ ਗੁਰਨਾਮ ਕੌਰ ਨੇ ਵੀਡੀਓ ਦੇਖੀ ਤਾਂ ਹਾਰਟ ਅਟੈਕ ਨਾਲ ਉਸ ਦੀ ਮੌਤ ਹੋ ਗਈ। ਮਨਪ੍ਰੀਤ ਨੂੰ ਵੀ ਹਸਪਤਾਲ ਤੋਂ ਛੁੱਟੀ ਦੇ ਕੇ ਘਰ ਭੇਜਿਆ ਗਿਆ ਹੈ।
ਜਾਣਕਾਰੀ ਮੁਤਾਬਕ ਠੰਡ ਲੱਗਣ ਨਾਲ ਵੀਰਵਾਰ ਨੂੰ ਦੋ ਨਰਸਾਂ ਦੀ ਸਿਹਤ ਖਰਾਬ ਹੋ ਗਈ ਸੀ। ਸ਼ੁੱਕਰਵਾਰ ਨੂੰ ਪੰਜ ਹੋਰ ਦੀ ਸਿਹਤ ਵਿਗੜਨ ਨਾਲ ਉਨ੍ਹਾਂ ਨੂੰ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ। ਸਾਰਿਆਂ ਨੂੰ ਲੋ-ਬਲੱਡ ਪ੍ਰੈਸ਼ਰ ਦੀ ਸ਼ਿਕਾਇਤ ਹੈ। ਅਜੇ ਵੀ ਹਸਪਤਾਲ ਦੀ ਛੱਤ 'ਤੇ ਕੰਟੈਕਟ ਨਰਸਿੰਗ ਸਟਾਫ ਦੀ ਸੂਬਾ ਪ੍ਰਧਾਨ ਕਰਮਜੀਤ ਕੌਰ ਔਲਖ, ਸਤਪਾਲ ਅਤੇ ਕਰਮਜੀਤ ਕੌਰ ਖਾਲਸਾ ਡਟੀ ਹੋਈ ਹੈ। ਹਸਪਤਾਲ ਪਰੀਸਰ 'ਚ 4 ਮੈਂਬਰ ਮਰਨ ਵਰਤ 'ਤੇ ਬੈਠੇ ਹਨ। ਸ਼ੁੱਕਰਵਾਰ ਨੂੰ ਅਪਰੇਸ਼ਨ ਥੀਏਟਰ 'ਚ ਕੰਮ ਕਰਨ ਵਾਲੇ ਮੈਂਬਰ ਵੀ ਹੜਤਾਲ 'ਚ ਸ਼ਾਮਲ ਹੋ ਗਏ। ਜਿਸ ਕਾਰਨ 36 ਮਰੀਜ਼ਾਂ ਦੇ ਹਸਪਤਾਲ 'ਚ ਅਪਰੇਸ਼ਨ ਨਹੀਂ ਹੋ ਸਕੇ।
ਯੂਨੀਅਨ ਦਾ ਕਹਿਣਾ ਹੈ ਕਿ ਸਿਹਤ ਮੰਤਰੀ ਬ੍ਰਹਮ ਮਹਿੰਦਰਾ ਪ੍ਰਸਤਾਵ ਸਰਕਾਰ ਦੇ ਕੋਲ ਭੇਜਣ ਦਾ ਭਰੋਸਾ ਦਿੱਤਾ ਹੈ, ਪਰ ਸਕਰਾਤਮ ਜਵਾਬ ਆਉਣ ਤੱਕ ਪ੍ਰਦਰਸ਼ਨ ਜਾਰੀ ਰਹੇਗਾ।
ਜਾਣੋ ਰਾਕੇਸ਼ ਪਾਂਡੇ ਦੀ ਦਾਅਵੇਦਾਰੀ 'ਤੇ ਕੀ ਬੋਲੇ ਰਵਨੀਤ ਬਿੱਟੂ
NEXT STORY 
