ਚੰਡੀਗੜ੍ਹ: ਪੰਜਾਬ 'ਚ ਕੋਰੋਨਾ ਵਾਇਰਸ ਦਾ ਕਹਿਰ ਦਿਨ-ਬ-ਦਿਨ ਵੱਧਦਾ ਹੀ ਜਾ ਰਿਹਾ ਹੈ। ਬੁੱਧਵਾਰ ਨੂੰ ਵੀ ਪੰਜਾਬ 'ਚ ਕੋਰੋਨਾ ਦੇ 2123 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਇਸ ਦੇ ਨਾਲ ਹੀ ਅੱਜ 64 ਲੋਕਾਂ ਦੀ ਕੋਰੋਨਾ ਕਾਰਣ ਮੌਤ ਹੋਈ ਹੈ। ਹੁਣ ਤੱਕ ਰਾਜ 'ਚ 103464 ਪਾਜ਼ੇਟਿਵ ਮਰੀਜ਼ ਸਾਹਮਣੇ ਆ ਚੁੱਕੇ ਹਨ ਜਦੋਂਕਿ ਇਨ੍ਹਾਂ 'ਚੋਂ 2990 ਮਰੀਜ਼ਾਂ ਦੀ ਮੌਤ ਹੋ ਚੁੱਕੀ ਹੈ। ਅੱਜ ਰਾਜ 'ਚ ਕੁੱਲ 26687 ਲੋਕਾਂ ਦੇ ਕੋਰੋਨਾ ਸੈਂਪਲ ਲਏ ਗਏ ਹਨ। ਜਿਨ੍ਹਾਂ 'ਚੋਂ 2123 ਲੋਕ ਪਾਜ਼ੇਟਿਵ ਪਾਏ ਗਏ ਹਨ। ਰਾਜ 'ਚ ਹੁੱਣ ਤੱਕ 1654508 ਲੋਕਾਂ ਦੀ ਕੋਰੋਨਾ ਸੈਂਪਲਿੰਗ ਕੀਤੀ ਜਾ ਚੁੱਕੀ ਹੈ।
ਜ਼ਿਲ੍ਹਿਆਂ 'ਚ ਕੋਰੋਨਾ ਮਰੀਜ਼ਾਂ ਦੀ ਗਿਣਤੀ
ਪੰਜਾਬ 'ਚ ਅੱਜ ਜਿਥੇ ਵੱਡੀ ਗਿਣਤੀ 'ਚ ਕੋਰੋਨਾ ਦੇ ਮਾਮਲੇ ਸਾਹਮਣੇ ਆਏ ਹਨ। ਉਨ੍ਹਾਂ 'ਚ ਲੁਧਿਆਣਾ ਦੇ 184, ਜਲੰਧਰ 279, ਪਟਿਆਲਾ 126, ਐਸ. ਏ. ਐਸ. ਨਗਰ 237, ਅੰਮ੍ਰਿਤਸਰ 230, ਗੁਰਦਾਸਪੁਰ 144, ਬਠਿੰਡਾ 90, ਹੁਸ਼ਿਆਰਪੁਰ 144, ਫਿਰੋਜ਼ਪੁਰ 32, ਸੰਗਰੂਰ 49, ਪਠਾਨਕੋਟ 67, ਕਪੂਰਥਲਾ 91, ਫਰੀਦਕੋਟ 65, ਸ੍ਰੀ ਮੁਕਤਸਰ ਸਾਹਿਬ 33, ਮੋਗਾ 12, ਫਾਜ਼ਿਲਕਾ 135, ਰੋਪੜ 34, ਫਤਿਹਗੜ੍ਹ ਸਾਹਿਬ 18, ਬਰਨਾਲਾ 23, ਤਰਨਤਾਰਨ 49, ਮਾਨਸਾ 30, ਐਸ. ਬੀ. ਐਸ. ਨਗਰ ਤੋਂ 51 ਨਵੇਂ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ ਹੋਈ ਹੈ।
ਉਥੇ ਹੀ ਸੂਬੇ 'ਚ ਅੱਜ 64 ਲੋਕਾਂ ਦੀ ਕੋਰੋਨਾ ਕਾਰਣ ਮੌਤ ਹੋ ਗਈ। ਜਿਨ੍ਹਾਂ 'ਚ ਲੁਧਿਆਣਾ 'ਚ 11, ਜਲੰਧਰ 'ਚ 9, ਗੁਰਦਾਸਪੁਰ 'ਚ 6, ਫਿਰੋਜ਼ਪੁਰ 'ਚ 4, ਮਾਨਸਾ 'ਚ 4, ਅੰਮ੍ਰਿਤਸਰ 'ਚ 3, ਹੁਸ਼ਿਆਰਪੁਰ 'ਚ 3, ਕਪੂਰਥਲਾ 'ਚ 3, ਪਠਾਨਕੋਟ 'ਚ 3, ਪਟਿਆਲਾ 'ਚ 3, ਰੋਪਡ਼ 'ਚ 3, ਤਰਨਤਾਰਨ 'ਚ 3, ਫਾਜ਼ਿਲਕਾ 'ਚ 2, ਮੋਗਾ 'ਚ 2, ਮੁਕਤਸਰ ਸਾਹਿਬ 'ਚ 2, ਬਠਿੰਡਾ 'ਚ 1, ਫਤਿਹਗਡ਼੍ਹ ਸਾਹਿਬ 'ਚ 1 ਤੇ ਐੱਸ. ਬੀ. ਐੱਸ ਨਗਰ 'ਚ 1 ਦੀ ਕੋਰੋਨਾ ਕਾਰਣ ਮੌਤ ਹੋਈ ਹੈ।
ਕੈਪਟਨ ਨੇ ਪੰਜਾਬ 'ਚ ਮੈਡੀਕਲ ਆਕਸੀਜਨ ਨੂੰ ਲੈ ਕੇ ਪੀ. ਐਮ. ਮੋਦੀ ਨੂੰ ਕੀਤੀ ਅਪੀਲ
NEXT STORY 
