ਜਲੰਧਰ- ਪੰਜਾਬ ਸਰਕਾਰ ਨੇ ਨਸ਼ਿਆਂ ਦੇ ਖਿਲਾਫ਼ ਜੰਗ ਵਿੱਚ ਅਹਿਮ ਕਦਮ ਚੁੱਕਦਿਆਂ ਐਂਟੀ ਡਰੱਗ ਹੈਲਪਲਾਈਨ ਅਤੇ ਵਟਸਐਪ ਚੈਟਬੋਟ 9779-100-200 ਸ਼ੁਰੂ ਕੀਤਾ ਹੈ। ਇਸ ਦਾ ਮੁੱਖ ਉਦੇਸ਼ ਲੋਕਾਂ ਨੂੰ ਨਸ਼ਿਆਂ ਦੇ ਨੁਕਸਾਨਾਂ ਬਾਰੇ ਜਾਗਰੂਕ ਕਰਨਾ, ਨਸ਼ੇ ਦੀ ਸਪਲਾਈ ਅਤੇ ਇਸ ਨਾਲ ਜੁੜੇ ਮਾਮਲਿਆਂ ਦੀ ਸੂਚਨਾ ਇਕੱਠੀ ਕਰਨੀ, ਅਤੇ ਪੀੜਤਾਂ ਨੂੰ ਇਲਾਜ ਤੇ ਮਦਦ ਮੁਹੱਈਆ ਕਰਵਾਉਣਾ ਹੈ। ਇਹ ਚੈਟਬੋਟ ਅਤੇ ਹੈਲਪਲਾਈਨ ਆਸਾਨ ਅਤੇ ਗੋਪਨੀਯਤਾ ਨੂੰ ਧਿਆਨ ਵਿੱਚ ਰੱਖਦਿਆਂ ਤਿਆਰ ਕੀਤੇ ਗਏ ਹਨ, ਤਾਂ ਜੋ ਲੋਕ ਬਿਨਾ ਡਰੇ ਰਿਪੋਰਟ ਕਰ ਸਕਣ। ਵਟਸਐਪ ਚੈਟਬੋਟ ਰਾਹੀਂ ਲੋਕ ਨਜ਼ਦੀਕੀ ਰਿਹੈਬਿਲਿਟੇਸ਼ਨ ਸੈਂਟਰਾਂ, ਸਲਾਹਕਾਰਾਂ ਅਤੇ ਮਦਦ ਸੇਵਾਵਾਂ ਦੀ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹਨ। ਇਹ ਮੁਹਿੰਮ ਨਸ਼ਿਆਂ ਦੀ ਲਤ ਨੂੰ ਜੜ੍ਹ ਤੋਂ ਮਿਟਾਉਣ ਅਤੇ ਸਿਹਤਮੰਦ ਭਵਿੱਖ ਦੀ ਉਸਾਰੀ ਵਲ ਇੱਕ ਵੱਡਾ ਕਦਮ ਹੈ। ਇਸ ਚੈਟਬੋਟ ਰਾਹੀਂ ਪੀੜਤਾਂ ਨੂੰ ਨਜ਼ਦੀਕੀ ਡਰੱਗ ਡੀਐਡਿਕਸ਼ਨ ਸੈਂਟਰਾਂ ਅਤੇ ਮਾਹਰ ਸਲਾਹਕਾਰਾਂ ਨਾਲ ਜੁੜਨ ਵਿੱਚ ਮਦਦ ਮਿਲਦੀ ਹੈ।
ਵੱਡੀ ਘਟਨਾ ਨਾਲ ਕੰਬਿਆ ਪੰਜਾਬ! ਸਹੁਰੇ ਨੇ ਵਿਧਵਾ ਨੂੰਹ ਨਾਲ ਜੋ ਕੀਤਾ...
NEXT STORY 
