ਅੰਮ੍ਰਿਤਸਰ (ਗੁਰਪ੍ਰੀਤ ਸਿੰਘ): ਥਾਣਾ ਸੁਲਤਾਨਵਿੰਡ ਦੀ ਪੁਲਸ ਵੱਲੋਂ ਇਕ ਔਰਤ ਵੱਲੋਂ ਕਾਰ ਚਾਲਕ ਪਾਸੋਂ ਲਿਫ਼ਟ ਲੈ ਕੇ ਆਪਣੀ ਸਾਥੀਆਂ ਨਾਲ ਲੁੱਟ ਖੋਹ ਕਰਨ ਵਾਲੇ ਸਰਗਰਮ ਗੈਂਗ ਦਾ ਪਰਦਾਫਾਸ਼ ਕੀਤਾ ਗਿਆ ਹੈ। ਇਸ ਮਾਮਲੇ ਵਿਚ 2 ਔਰਤਾਂ ਸਮੇਤ 3 ਮੁਲਜ਼ਮਾਂ ਨੂੰ ਕਾਬੂ ਕੀਤਾ ਗਿਆ ਹੈ। ਉਨ੍ਹਾਂ ਕੋਲੋਂ iPhone 15 Pro ਤੇ ਇਕ Vivo ਮੋਬਾਈਲ ਫ਼ੋਨ ਬਰਾਮਦ ਕੀਤਾ ਗਿਆ ਹੈ। ਗ੍ਰਿਫ਼ਤਾਰ ਕੀਤੀਆਂ ਗਈਆਂ ਔਰਤਾਂ ਖ਼ਿਲਾਫ਼ ਪਹਿਲਾਂ ਵੀ ਕਈ ਮਾਮਲੇ ਦਰਜ ਹਨ।
ਇਹ ਖ਼ਬਰ ਵੀ ਪੜ੍ਹੋ - Punjab: 150 ਰੁਪਏ 'ਚ ਜਿਸਮ ਦਾ ਸੌਦਾ... ਵੀਡੀਓ ਵਾਇਰਲ ਹੋਣ ਮਗਰੋਂ ਕੁੜੀ ਨੇ ਕੀਤੇ ਸਨਸਨੀਖੇਜ਼ ਖ਼ੁਲਾਸੇ
ਇਸ ਮੌਕੇ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਏ.ਡੀ.ਸੀ.ਪੀ. ਵਿਸ਼ਾਲ ਜੀਤ ਸਿੰਘ ਨੇ ਦੱਸਿਆ ਕਿ ਥਾਣਾ ਸੁਲਤਾਨਵਿੰਡ ਵਿਖੇ ਬਿਕਰਮਜੀਤ ਸਿੰਘ ਵਾਸੀ ਸੁਲਤਾਨਵਿੰਡ ਅੰਮ੍ਰਿਤਸਰ ਨੇ ਸ਼ਿਕਾਇਤ ਦਿੱਤੀ ਸੀ ਕਿ 22 ਜਨਵਰੀ ਨੂੰ ਉਹ ਰੋਜ਼ਾਨਾ ਦੀ ਤਰ੍ਹਾਂ ਦੁਕਾਨ ਦੇ ਕਾਰੋਬਾਰ ਦੇ ਸਿਲਸਲੇ ਵਿਚ ਆਪਣੀ ਕੀਆ ਕਾਰ ਵਿਚ ਸਵਾਰ ਹੋ ਕੇ ਅੰਮ੍ਰਿਤਸਰ ਦੇ ਬਾਜ਼ਾਰ ਗਿਆ ਸੀ। ਕੰਮ ਖ਼ਤਮ ਕਰਕੇ ਜਦੋਂ ਵਾਪਸ ਘਰ ਜਾ ਰਿਹਾ ਸੀ ਤਾਂ ਉਹ ਰਸਤੇ ਵਿਚ IDH ਮਾਰਕੀਟ 'ਤੇ ਰੇਹੜੀ ਤੋਂ ਫਰੂਟ ਖਰੀਦਣ ਵਾਸਤੇ ਰੁਕਿਆ। ਰਾਤ ਨੂੰ ਕਰੀਬ 10:50 ਵਜੇ ਇਕ 30-32 ਸਾਲ ਦੀ ਅਣ-ਪਛਾਤੀ ਔਰਤ ਉਸ ਦੇ ਕੋਲ ਆ ਕੇ ਕਹਿੰਦੀ ਕਿ, "ਭਾਅ ਜੀ ਮੈਂ ਤੁਹਾਨੂੰ ਜਾਣਦੀ ਹਾਂ, ਮੈਂ ਵੀ ਤੁਹਾਡੀ ਕਾਲੋਨੀ ਵਿਚ ਹੀ ਰਹਿੰਦੀ ਹਾਂ, ਮੈਂ ਘਰ ਨੂੰ ਜਾਣਾ ਹੈ ਤੇ ਮੈਨੂੰ ਵੀ ਆਪਣੇ ਨਾਲ ਕਾਲੋਨੀ ਤੱਕ ਲੈ ਚੱਲੋ।" ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਇਹ ਔਰਤ ਮੇਰੇ ਨਾਲ ਮੇਰੀ ਗੱਡੀ ਵਿਚ ਬੈਠ ਗਈ ਤੇ ਮੈਂ ਆਪਣੀ ਕਾਰ ਚਲਾ ਲਈ।
ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ ਰੋਡਵੇਜ਼ ਦੇ ਕੰਡਕਟਰ ਨੇ ਬੱਸ 'ਚੋਂ ਬਾਹਰ ਸੁੱਟਿਆ ਬੱਚਾ! ਰੋਂਦੀ ਕੁਰਲਾਉਂਦੀ ਰਹਿ ਗਈ ਦਾਦੀ
ਬਿਕਰਮਜੀਤ ਨੇ ਦੱਸਿਆ ਕਿ ਜਦੋਂ ਅਸੀਂ ਮਾਤਾ ਮਹਿਤਾਬ ਕੌਰ ਪਿੰਗਲਵਾੜਾ ਚੈਰੀਟੇਬਲ ਸੁਸਾਇਟੀ ਨੇੜੇ ਪੁੱਜੇ ਤਾਂ ਇਸ ਔਰਤ ਨੇ ਕਿਹਾ ਕਿ ਇੱਥੇ ਉਸ ਦੀ ਭੈਣ ਖੜ੍ਹੀ ਹੈ, ਉਸ ਨੂੰ ਵੀ ਲਿਫਟ ਦੇ ਦਿਓ। ਉਸ ਨੇ ਆਪਣੀ ਕਾਰ ਰੋਕ ਦਿੱਤੀ ਤੇ ਔਰਤ ਨੇ ਇਕ ਲੜਕੀ ਨੂੰ ਅਵਾਜ਼ ਮਾਰੀ, ਜਿਸ ਮਗਰੋਂ ਇਕ ਲੜਕੀ ਜਿਸ ਦੀ ਉਮਰ ਕਰੀਬ 27-28 ਸਾਲ ਸੀ ਦੇ ਨਾਲ ਦੇ ਨੌਜਵਾਨ ਲੜਕੇ ਮੇਰੀ ਗੱਡੀ ਵੱਲ ਨੂੰ ਆ ਗਏ ਜਿੰਨਾ ਨੇ ਲੜਕੀ ਨੂੰ ਮੇਰੀ ਗੱਡੀ ਵਿਚ ਬਿਠਾ ਦਿੱਤਾ ਤੇ ਅਸੀਂ ਚੱਲ ਪਏ। ਜਦ ਉਹ ਆਪਣੀ ਕਾਲੋਨੀ ਵਿਚ ਪੁੱਜਾ ਤਾਂ ਉਕਤ ਔਰਤ ਨੇ ਉਨ੍ਹਾਂ ਨੂੰ ਥੋੜ੍ਹਾ ਅੱਗੇ ਛੱਡਣ ਲਈ ਬੇਨਤੀ ਕੀਤੀ। ਅੱਗੇ ਇਕ ਨਵੀਂ ਬਣ ਰਹੀ ਕੋਠੀ ਲਾਗੇ ਜਾ ਕੇ ਇਸ ਔਰਤ ਨੇ ਉਸ ਨੂੰ ਗੱਡੀ ਰੋਕਣ ਲਈ ਕਿਹਾ ਤੇ ਗੱਡੀ ਰੁਕਦਿਆਂ ਹੀ ਇਕ ਸਵਿਫਟ ਡਿਜ਼ਾਇਰ ਕਾਰ ਵਿਚ 2 ਨੌਜਵਾਨ ਲੜਕੇ ਬੜੀ ਤੇਜ਼ੀ ਨਾਲ ਆਏ, ਜਿਨ੍ਹਾਂ ਨੇ ਹੱਥਾਂ ਵਿਚ ਬੇਸਬਾਲ ਬੈਟ ਫੜੇ ਹੋਏ ਸਨ। ਉੱਥੇ ਹੀ ਦੋਹਾਂ ਕੁੜੀਆਂ ਨੇ ਕਾਰ ਚਾਲਕ ਦੀਆਂ ਬਾਹਾਂ ਫੜ ਕੇ ਗੱਡੀ 'ਚੋਂ ਬਾਹਰ ਖਿੱਚ ਲਿਆ ਤੇ ਦੋਹਾਂ ਨੌਜਵਾਨਾਂ ਨੇ ਉਸ 'ਤੇ ਹਮਲਾ ਕਰ ਦਿੱਤਾ। ਸੱਟਾਂ ਲੱਗਣ ਕਰਕੇ ਉਹ ਲਹੂ-ਲੁਹਾਨ ਹੋ ਕੇ ਜ਼ਮੀਨ 'ਤੇ ਡਿੱਗ ਗਿਆ। ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਇਸ ਦੌਰਾਨ ਉਸ ਦੇ ਡੱਬ ਵਿਚ ਉਸ ਦਾ ਲਾਇਸੰਸੀ ਪਿਸਟਲ ਵੀ ਸੀ, ਪਰ ਹਮਲਾਵਰਾਂ ਨੇ ਡਿੱਗੇ ਪਏ ਤੋੰ ਉਹ ਖੋਹ ਲਿਆ ਤੇ ਉਸ ਦੀਆਂ ਜੇਬਾਂ ਵਿਚੋਂ iPhone 15 Pro ਤੇ ਇਕ Vivo ਕੰਪਨੀ ਦਾ ਫ਼ੋਨ ਕੱਢ ਕੇ ਫ਼ਰਾਰ ਹੋ ਗਏ।
ਇਹ ਖ਼ਬਰ ਵੀ ਪੜ੍ਹੋ - ਪ੍ਰਵਾਸੀਆਂ ਨੇ ਭਜਾ-ਭਜਾ ਕੁੱਟੇ ਪੰਜਾਬ ਪੁਲਸ ਦੇ ਮੁਲਾਜ਼ਮ! ਪਾੜ 'ਤੇ ਕੱਪੜੇ, ਆਪ ਹੀ ਵੇਖ ਲਓ ਵੀਡੀਓ
ਏ.ਡੀ.ਸੀ.ਪੀ. ਵਿਸ਼ਾਲ ਜੀਤ ਸਿੰਘ ਨੇ ਅੱਗੇ ਦੱਸਿਆ ਕਿ ਪੁਲਸ ਵੱਲੋਂ ਇਸ ਮਾਮਲੇ ਵਿਚ ਮੁਕੱਦਮਾ ਦਰਜ ਕਰ ਲਿਆ ਗਿਆ ਤੇ ਜਾਂਚ ਸ਼ੁਰੂ ਕੀਤੀ ਗਈ। ਇਸ ਮਾਮਲੇ ਵਿਚ ਪੁਲਸ ਨੇ ਗੁਰਮੀਤ ਕੌਰ, ਸੁਖਵਿੰਦਰ ਕੌਰ ਉਰਫ ਰੂਪਾ, ਜਸਕਰਨ ਸਿੰਘ ਉਰਫ ਕਰਨ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਅਤੇ ਇਨ੍ਹਾਂ ਪਾਸੋਂ ਖੋਹੇ ਗਏ ਦੋਵੇਂ ਮੋਬਾਇਲ ਫ਼ੋਨ ਤੇ ਵਾਰਦਾਤ ਸਮੇਂ ਵਰਤਿਆ ਬੇਸਬਾਲ ਬੈਟ ਬ੍ਰਾਮਦ ਕੀਤਾ ਗਿਆ। ਇਨ੍ਹਾਂ ਦੇ ਚੌਥੇ ਸਾਥੀ ਨੂੰ ਕਾਬੂ ਕਰਨ ਲਈ ਛਾਪੇਮਾਰੀ ਜਾਰੀ ਹੈ ਅਤੇ ਵਾਰਦਾਤ ਵਿਚ ਵਰਤੀ ਕਾਰ ਸਵਿਫਟ ਅਤੇ ਖੋਹ ਕੀਤਾ ਪਿਸਟਲ ਬ੍ਰਾਮਦ ਕੀਤਾ ਜਾਵੇਗਾ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਫਿਰੋਜ਼ਪੁਰ ਜੇਲ੍ਹ ਪ੍ਰਸ਼ਾਸਨ ਦੀ ਵੱਡੀ ਕਾਰਵਾਈ, 15 ਹਵਾਲਾਤੀਆਂ ਤੇ ਅਣਪਛਾਤਿਆਂ ਖ਼ਿਲਾਫ਼ ਮਾਮਲਾ ਦਰਜ
NEXT STORY 
