ਬਠਿੰਡਾ, (ਸੁਖਵਿੰਦਰ)- ਨਸ਼ੇ ਲਈ ਪੈਸੇ ਨਾ ਮਿਲਣ ਕਾਰਨ ਪਰਿਵਾਰ ਨਾਲ ਝਗੜਾ ਕਰ ਕੇ ਇਕ ਨੌਜਵਾਨ ਨੇ ਖੁਦਕੁਸ਼ੀ ਕਰਨ ਦੇ ਇਰਾਦੇ ਨਾਲ ਝੀਲ ਵਿਚ ਛਾਲ ਮਾਰ ਦਿੱਤੀ। ਜਿਸ ’ਤੇ ਨੇੜੇ ਤਾਇਨਾਤ ਨੌਜਵਾਨ ਵੈੱਲਫੇਅਰ ਸੋਸਾਇਟੀ ਦੇ ਵਲੰਟੀਅਰਾਂ ਨੇ ਉਸਨੂੰ ਝੀਲ ’ਚੋਂ ਕੱਢਿਆ। ਜਾਣਕਾਰੀ ਅਨੁਸਾਰ ਵਾਸੂਦੇਵ (25) ਵਾਸੀ ਜਨਤਾ ਨਗਰ ਪਿਛਲੇ ਕਾਫ਼ੀ ਸਮੇਂ ਤੋਂ ਮੈਡੀਕਲ ਨਸ਼ੇ ਦਾ ਸੇਵਨ ਕਰਦਾ ਹੈ। ਨਸ਼ੇ ਲਈ ਉਸਨੇ ਪਰਿਵਾਰ ਤੋਂ ਪੈਸੇ ਮੰਗੇ ਪਰ ਪੈਸੇ ਨਾ ਮਿਲਣ ਕਾਰਨ ਉਕਤ ਨੌਜਵਾਨ ਸਾਈਕਲ ਚੁੱਕ ਕੇ ਘਰ ਤੋਂ ਗੁੱਸੇ ਵਿਚ ਨਿਕਲ ਪਿਆ ਅਤੇ ਥਰਮਲ ਪਲਾਂਟ ਦੀਆਂ ਝੀਲਾਂ ’ਤੇ ਆ ਕੇ ਝੀਲ ਨੰ. 1 ਵਿਚ ਛਾਲ ਲਾ ਦਿੱਤੀ। ਇਸਦਾ ਪਤਾ ਚੱਲਣ ’ਤੇ ਸੰਸਥਾ ਦੇ ਵਲੰਟੀਅਰਾਂ ਸੁਖਪ੍ਰੀਤ ਸਿੰਘ, ਜਨੇਸ਼ ਜੈਨ, ਸੰਦੀਪ ਅਗਰਵਾਲ ਆਦਿ ਨੇ ਮੌਕੇ ’ਤੇ ਪਹੁੰਚ ਕੇ ਉਸਨੂੰ ਝੀਲ ’ਚੋਂ ਬਾਹਰ ਕੱਢਿਆ ਅਤੇ ਸਿਵਲ ਹਸਪਤਾਲ ਪਹੁੰਚਾਇਆ।
ਢਾਬਾ ਮਾਲਕ ’ਤੇ ਹਮਲਾ ਕਰਨ ਦੇ ਦੋਸ਼ ’ਚ 3 ਗ੍ਰਿਫਤਾਰ
NEXT STORY 
