ਜਲੰਧਰ (ਵਰੁਣ)- ਬੜਾ ਸਈਪੁਰ ’ਚ ਪ੍ਰਾਪਰਟੀ ਵਿਵਾਦ ਨੂੰ ਲੈ ਕੇ ਆਪਣੇ ਰਿਸ਼ਤੇਦਾਰਾਂ ’ਤੇ ਗੋਲ਼ੀਆਂ ਚਲਾਉਣ ਦੇ ਮਾਮਲੇ ’ਚ ਗ੍ਰਿਫ਼ਤਾਰ ਹੋਏ ਰਾਜਾ ਸਈਪੁਰੀਆ ਦੀ ਫਰਾਰ ਪਤਨੀ ਅਤੇ ਬੇਟੇ ਦੀ ਭਾਲ ’ਚ ਪੁਲਸ ਨੇ ਕਪੂਰਥਲਾ ’ਚ ਰੇਡ ਕੀਤੀ। ਪੁਲਸ ਨੂੰ ਸੂਚਨਾ ਮਿਲੀ ਸੀ ਕਿ ਉਹ ਕਪੂਰਥਲਾ ’ਚ ਆਪਣੇ ਜਾਣਕਾਰਾਂ ਦੇ ਘਰ ਰੁਕੇ ਹਨ ਪਰ ਉੱਥੇ ਕੋਈ ਦੋਸ਼ੀ ਨਹੀਂ ਮਿਲਿਆ। ਪੁਲਸ ਨੇ ਬੁੱਧਵਾਰ ਨੂੰ ਰਾਜਾ ਸਈਪੁਰੀਆ ਦੇ ਘਰ ਭਗਤ ਸਿੰਘ ਕਾਲੋਨੀ ’ਚ ਆ ਕੇ 18.56 ਲੱਖ ਰੁਪਏ ਬਰਾਮਦ ਕੀਤੇ ਸਨ ਉਹ ਵੀ ਜਬਰੀ ਵਸੂਲੀ ਦੇ ਦੱਸੇ ਜਾ ਰਹੇ ਹਨ।
ਹਾਲਾਂਕਿ ਰਾਜਾ ਨੇ ਪੁਲਸ ਨੂੰ ਕਿਹਾ ਕਿ ਉਹ ਕੈਸ਼ ਪ੍ਰਾਪਰਟੀ ਵੇਚ ਕੇ ਉਸ ਦੇ ਕੋਲ ਆਇਆ ਪਰ ਪੁਲਸ ਰਾਜਾ ਸਈਪੁਰੀਆ ਦੀ ਗੱਲ ਨੂੰ ਸੱਚ ਨਹੀਂ ਮੰਨ ਰਹੀ। ਪੁਲਸ ਹੁਣ ਉਸ ਤੋਂ ਪਤਾ ਲਗਵਾ ਰਹੀ ਕਿ ਉਸ ਦੀ ਕਿਹੜੀ ਪ੍ਰਾਪਕਟੀ ਸੀ, ਜੋ ਉਸ ਨੇ ਵੇਚ ਦਿੱਤੀ, ਜਿਸ ਸਮੇਂ ਪੈਸਿਆਂ ਦੀ ਰਿਕਵਰੀ ਲਈ ਥਾਣਾ 8, ਥਾਣਾ 1 ਅਤੇ ਚੌਂਕੀ ਫੋਕਲ ਪੁਆਇੰਟ ਦੀ ਪੁਲਸ ਟੀਮਾਂ ਰਾਜਾ ਸਈਪੁਰੀਆ ਨੂੰ ਉਸ ਦੇ ਭਗਤ ਸਿੰਘ ਕਾਲੋਨੀ ਸਥਿਤ ਘਰ ’ਚ ਲੈ ਕੇ ਆਈ ਸੀ। ਰਾਜਾ ਲੰਗੜਾ ਕੇ ਚੱਲ ਰਿਹਾ ਸੀ। ਚੌਂਕੀ ਇੰਚਾਰਜ ਨਰਿੰਦਰ ਮੋਹਨ ਨੇ ਕਿਹਾ ਕਿ ਫਰਾਰ ਦੋਸ਼ੀਆਂ ਦੀ ਭਾਲ ’ਚ ਉਹ ਲਗਾਤਾਰ ਰੇਡ ਕਰ ਰਹੇ ਹਨ ਪਰ ਕੋਈ ਸੁਰਾਗ ਨਹੀਂ ਮਿਲਿਆ।
ਇਹ ਵੀ ਪੜ੍ਹੋ- ਵੱਡੀ ਖ਼ਬਰ: ਜਲੰਧਰ ਦੇ ਰਹਿਣ ਵਾਲੇ ਦੋ ਸਕੇ ਭਰਾਵਾਂ ਦਾ ਹਿਮਾਚਲ ਪ੍ਰਦੇਸ਼ 'ਚ ਬੇਰਹਿਮੀ ਨਾਲ ਕਤਲ
ਉਨ੍ਹਾਂ ਕਿਹਾ ਕਿ ਜਲਦੀ ਹੀ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰੀ ਕਰ ਲਈ ਜਾਵੇਗੀ। ਦੱਸ ਦਈਏ ਕਿ 6 ਅਗਸਤ ਦੀ ਰਾਤ ਰਾਜਾ ਸਈਪੁਰੀਆ ਨੇ ਪ੍ਰਾਪਰਟੀ ਵਿਵਾਦ ਕਾਰਨ ਵੱਡਾ ਸਈਪੁਰ ’ਚ ਆਪਣੇ ਰਿਸ਼ਤੇਦਾਰਾਂ ’ਤੇ ਗੋਲ਼ੀਆਂ ਚਲਾ ਦਿੱਤੀਆਂ ਸਨ। ਇਕ ਗੋਲ਼ੀ ਦਾ ਛੱਰਾ ਡਰਾਈਵਰ ਹੈੱਪੀ ਦੇ ਮੋਡੇ ’ਤੇ ਲੱਗਾ ਸੀ, ਜਿਸ ਨੂੰ ਸਿਵਲ ਹਸਪਤਾਲ ਦਾਖ਼ਲ ਕਰਵਾਇਆ ਸੀ, ਜਦਕਿ ਇਸ ਦੌਰਾਨ ਰਾਜਾ ਦਾ ਬੇਟਾ ਸੰਨੀ, ਪਤਨੀ ਪੱਬ, ਸਾਥੀ ਸੁਨੀਲ ਸ਼ਿਲਾ ਨਿਵਾਸੀ ਸੰਤੋਖਪੁਰਾ, ਪਵਨ ਨਿਵਾਸੀ ਕਾਹਨਪੁਰ ਤੇ ਸੁਨੀਲ ਸਾਹਨੀ ਉਰਫ ਪੰਮਾ ਨਿਵਾਸੀ ਗੁੱਜਾਪੀਰ ਵਿਰੁੱਧ ਵੱਖ-ਵੱਖ ਧਾਰਾਵਾਂ ਅਧੀਨ ਨਾਮਜ਼ਦ ਕਰ ਲਿਆ ਸੀ। ਪੁਲਸ ਨੇ ਉਸੇ ਰਾਤ ਰਾਜਾ ਸਈਪੁਰੀਆ ਅਤੇ ਉਸ ਦੇ ਸਾਥੀ ਸੁਨੀਲ ਉਰਫ਼ ਪੰਮਾ ਨੂੰ ਗ੍ਰਿਫ਼ਤਾਰ ਕਰ ਲਿਆ ਸੀ। ਰਾਜਾ ਦੇ ਸਾਥੀਆਂ ਅਤੇ ਬੇਟੇ ਸੰਨੀ ਨੇ ਵੀ ਹਵਾਈ ਫਰਾਰ ਕੀਤੇ ਸਨ ਪਰ ਜਿਸ ਵੈਪਨ ਨਾਲ ਰਾਜਾ ਨੇ ਗੋਲ਼ੀਆਂ ਚਲਾਈਆਂ ਉਹ ਅਜੇ ਤੱਕ ਬਰਾਮਦ ਨਹੀਂ ਹੋਇਆ ਹੈ।
ਇਹ ਵੀ ਪੜ੍ਹੋ- ਸੁਲਤਾਨਪੁਰ ਲੋਧੀ ਵਿਖੇ ਸ਼ਮਸ਼ਾਨਘਾਟ 'ਚ ਦੋ ਔਰਤਾਂ ਕਰ ਰਹੀਆਂ ਸਨ ਅਜਿਹਾ ਸ਼ਰਮਨਾਕ ਕੰਮ, ਪਿੰਡ 'ਚ ਪਿਆ ਭੜਥੂ
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:-
https://play.google.com/store/apps/details?id=com.jagbani&hl=en&pli=1
For IOS:-
https://apps.apple.com/in/app/id538323711
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ
ਧੀ ਦਾ ਕਤਲ ਕਰਨ ਮਗਰੋਂ Bike ਨਾਲ ਬੰਨ੍ਹ ਪੂਰੇ ਪਿੰਡ 'ਚ ਘੁਮਾਈ ਸੀ ਮ੍ਰਿਤਕ ਦੇਹ, ਹੁਣ ਪਿਓ ਨੇ ਕੀਤਾ ਸਰੰਡਰ
NEXT STORY 
