ਜਲੰਧਰ (ਰਾਨੂ ਮਿਸ਼ਰਾ)-ਦੇਸ਼ ਵਿਚ ਸਿਆਸੀ ਸਮੀਕਰਨ ਤੇਜ਼ੀ ਨਾਲ ਬਦਲ ਰਹੇ ਹਨ। ਪੰਜ ਸੂਬਿਆਂ ਵਿਚ ਵਿਧਾਨ ਸਭਾ ਚੋਣਾਂ ਦਰਮਿਆਨ ਲੋਕ ਸਭਾ ਵਿਚ ਮਹਿਲਾ ਰਾਖਵੇਂਕਰਨ ਨਾਲ ਜੁੜਿਆ ਸੰਵਿਧਾਨ ਸੋਧ ਬਿੱਲ ਡਿੱਗਣ ਤੋਂ ਬਾਅਦ ਸਿਆਸੀ ਗਲਿਆਰਿਆਂ ਵਿਚ ਚਰਚਾਵਾਂ ਹੋਰ ਤੇਜ਼ ਹੋ ਗਈਆਂ ਹਨ। ਦੇਸ਼ ਦੇ ਵੱਖ-ਵੱਖ ਮੁੱਦਿਆਂ ’ਤੇ ‘ਜਗ ਬਾਣੀ’ ਨਾਲ ਭਾਜਪਾ ਦੇ ਸੀਨੀਅਰ ਆਗੂ ਅਤੇ ਸਾਬਕਾ ਰਾਜ ਸਭਾ ਮੈਂਬਰ ਤਰੁਣ ਵਿਜੇ ਨੇ ਖਾਸ ਗੱਲਬਾਤ ਕੀਤੀ।
* ਪੱਤਰਕਾਰੀ, ਸਮਾਜਿਕ ਕਾਰਜ ਅਤੇ ਫਿਰ ਰਾਜਨੇਤਾ, ਕਿਹੋ ਜਿਹਾ ਰਿਹਾ ਤੁਹਾਡਾ ਸਫ਼ਰ?
ਮੈਂ ਦੋ ਦਹਾਕਿਆਂ ਤਕ ‘ਪਾਂਚਜਨਯ’ ਦਾ ਸੰਪਾਦਕ ਰਿਹਾ। ਉਸ ਦੌਰ ਵਿਚ ਪੱਤਰਕਾਰੀ ਕਰਨਾ ਅਸਲ ਵਿਚ ਇਕ ਚੁਣੌਤੀ ਹੁੰਦੀ ਸੀ ਕਿ ਜੋ ਵੀ ਕਰੀਏ ਭਾਰਤੀਅਤਾ ਲਈ ਕਰੀਏ। ਉਸ ਸਮੇਂ ਖੱਬੇਪੱਖੀਆਂ ਨੇ ਅਜਿਹਾ ਮਾਹੌਲ ਬਣਾਇਆ ਕਿ ਦੇਸ਼ ਦਾ ਜੋ ਵੀ ਹੈ ਉਹ ਖ਼ਰਾਬ ਹੈ, ਮਤਲਬ ਦੇਸ਼ ਦੀ ਗੱਲ ਕਰਨਾ, ਹਿੰਦੂਤਵ ਅਤੇ ਸੱਭਿਅਤਾ ਦੀ ਗੱਲ ਕਰਨਾ ਅਪਰਾਧ ਹੈ। ਇਸ ਦੇ ਵਿਰੁੱਧ ਅਸੀਂ ਸੱਤਿਆਗ੍ਰਹਿ ਕੀਤਾ।
ਇਹ ਵੀ ਪੜ੍ਹੋ: ਰੋਪੜ ਦੇ ਤੇਗਬੀਰ ਸਿੰਘ ਨੇ ਰਚਿਆ ਇਤਿਹਾਸ, ਨੇਪਾਲ ਦਾ ਅੰਨਪੂਰਨਾ ਸਰਕਟ ਕੀਤਾ ਫ਼ਤਿਹ
* ਪੱਤਰਕਾਰੀ ਛੱਡ ਕੇ ਰਾਜਨੀਤੀ ਵਿਚ ਆਉਣ ਦੀ ਲਾਲਸਾ ਕਿਉਂ ਹੋਈ?
ਹਰੇਕ ਵੋਟਰ ਵਿਚ ਰਾਜਨੀਤੀ ਲੁਕੀ ਹੁੰਦੀ ਹੈ। ਰਾਜਨੀਤੀ ਅਤੇ ਪੱਤਰਕਾਰੀ ਦਾ ਹਮੇਸ਼ਾ ਇਕ ਅਦਭੁਤ ਸੁਮੇਲ ਰਿਹਾ ਹੈ। ਕਈ ਮਹਾਪੁਰਖ ਜਿਵੇਂ ਸੁਭਾਸ਼ ਚੰਦਰ ਬੋਸ ਹੋਣ ਜਾਂ ਫਿਰ ਮਹਾਤਮਾ ਗਾਂਧੀ, ਅਟਲ ਬਿਹਾਰੀ ਵਾਜਪਾਈ, ਇਹ ਸਾਰੇ ਪੱਤਰਕਾਰ ਹੀ ਸਨ। ਇਸ ਤੋਂ ਬਾਅਦ ਇਹ ਰਾਜਨੀਤੀ ਵਿਚ ਆਏ। ‘ਪੰਜਾਬ ਕੇਸਰੀ’ ਨੂੰ ਮੈਂ ਪੱਤਰਕਾਰੀ ਦਾ ਤੀਰਥ ਅਸਥਾਨ ਮੰਨਦਾ ਹਾਂ।
‘ਪੰਜਾਬ ਕੇਸਰੀ’ ਵਿਚੋਂ ਨਿਕਲਿਆ ਇਕ-ਇਕ ਸ਼ਬਦ ਭਾਰਤ ਵਿਚ ਭਾਰਤੀਅਤਾ ਦੀ ਚੇਤਨਾ ਜਾਗ੍ਰਿਤ ਕਰਦਾ ਹੈ। ਭਾਰਤੀਅਤਾ ਦੀ ਜੋ ਇਕ ਅਲਖ ਹੈ, ਉਹ ‘ਪੰਜਾਬ ਕੇਸਰੀ’ ਸਮੂਹ ਨੇ ਜਗਾਈ ਹੈ। ਇੱਥੋਂ ਹੀ ਅਨੇਕਾਂ ਨਾਮਵਰ ਸੰਪਾਦਕ ਹੋਏ, ਜੋ ਰਾਜਨੀਤੀ ਵਿਚ ਰਹੇ ਹਨ, ਤਾਂ ਮੈਨੂੰ ਵੀ ਮੇਰੀ ਪਾਰਟੀ ਨੇ ਕਿਹਾ ਕਿ ਤੁਸੀਂ ਰਾਜ ਸਭਾ ਵਿਚ ਆਓ, ਤਾਂ ਮੈਂ ਮਨ੍ਹਾ ਨਹੀਂ ਕਰ ਸਕਿਆ।
ਇਹ ਵੀ ਪੜ੍ਹੋ: ਪੰਜਾਬ 'ਚ ਹਥਿਆਰਾਂ ਦੇ ਮਾਡਿਊਲ ਦਾ ਪਰਦਾਫ਼ਾਸ਼! ਕਰੋੜਾਂ ਦੀ ਹੈਰੋਇਨ, ਵਿਦੇਸ਼ੀ ਪਿਸਤੌਲ ਸਣੇ 4 ਮੁਲਜ਼ਮ ਗ੍ਰਿਫ਼ਤਾਰ
* ਭਾਰਤ ਅੱਜ ਪਹਿਲਾਂ ਦੇ ਮੁਕਾਬਲੇ ਕਿੱਥੇ ਖੜ੍ਹਾ ਹੈ, ਪਿਛਲੇ 11 ਸਾਲਾਂ ਵਿਚ ਕੋਈ ਵੱਡਾ ਬਦਲਾਅ ਹੋਇਆ ਹੈ?
ਭਾਰਤ ਇਕ ਨਵ-ਜਾਗਰਣ ਵੱਲ ਜਾ ਰਿਹਾ ਹੈ। ਕਿਸੇ ਨੇ ਕਲਪਨਾ ਨਹੀਂ ਸੀ ਕੀਤੀ ਕਿ ਰਾਮ ਮੰਦਰ ਬਣੇਗਾ ਅਤੇ ਧਾਰਾ 370 ਦਾ ਖ਼ਾਤਮਾ ਹੋ ਜਾਵੇਗਾ। ਲੋਕ ਕਹਿੰਦੇ ਸਨ ਕਿ ਖੂਨ ਦੀਆਂ ਨਦੀਆਂ ਵਹਿ ਜਾਣਗੀਆਂ, ਕਿਸੇ ਨੇ ਸੋਚਿਆ ਨਹੀਂ ਸੀ ਕਿ ਹਿੰਦੂਤਵ ਦੀ ਸਰਕਾਰ ਆਏਗੀ ਅਤੇ ਮੁਸਲਿਮ ਔਰਤਾਂ ਨੂੰ ਤਿੰਨ ਤਲਾਕ ਦੀ ਗੁਲਾਮੀ ਤੋਂ ਮੁਕਤ ਕਰਨ ਦੀ ਦਲੇਰੀ ਦਿਖਾਏਗੀ, ਕੋਈ ਸੋਚਦਾ ਨਹੀਂ ਸੀ ਕਿ ਅਸੀਂ ਦੁਨੀਆ ਦੀ ਤੀਜੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣਾਂਗੇ। ਅੱਜ ਮੈਨੂੰ ਹਿੰਦੁਸਤਾਨੀ ਹੋਣ ’ਤੇ ਮਾਣ ਹੈ।
* 11 ਸਾਲਾਂ ਵਿਚ ਪਹਿਲੀ ਵਾਰ ਅਜਿਹਾ ਹੋਇਆ, ਜਦੋਂ ਸੰਸਦ ਵਿਚ ਮੋਦੀ ਸਰਕਾਰ ਕੋਈ ਬਿੱਲ ਪਾਸ ਕਰਵਾਉਣ ’ਚ ਨਾਕਾਮ ਰਹੀ?
ਮਹਿਲਾ ਰਾਖਵੇਂਕਰਨ ਦੇ ਵਿਰੋਧ ਵਿਚ ਜਿਸ ਨੇ ਵੀ ਵੋਟ ਪਾਈ, ਉਸ ਨੇ ਭਾਰਤ ਮਾਤਾ ਦਾ ਅਪਮਾਨ ਕੀਤਾ। ਭਾਜਪਾ ਜਾਂ ਰਾਸ਼ਟਰੀਅਤਾ ਦੇ ਜੋ ਸਮਰਥਕ ਹਨ, ਉਹ ਦੋ-ਤਿਹਾਈ ਬਹੁਮਤ ਨਾਲ ਇਸ ਨੂੰ ਦੁਬਾਰਾ ਪਾਸ ਕਰਨਗੇ ਪਰ ਦੇਸ਼ ਦੀ ਜਨਤਾ ਵਿਰੋਧੀ ਧਿਰ ਦੇ ਇਸ ਕਦਮ ਲਈ ਉਨ੍ਹਾਂ ਨੂੰ ਮੁਆਫ਼ ਨਹੀਂ ਕਰੇਗੀ।
* ਪੱਛਮੀ ਬੰਗਾਲ ਵਿਚ ਕੀ ਇਸ ਵਾਰ ਭਾਜਪਾ ਕਮਲ ਖਿੜਾਉਣ ’ਚ ਕਾਮਯਾਬ ਹੋਵੇਗੀ?
ਪੱਛਮੀ ਬੰਗਾਲ ਵਿਚ ਇਸ ਵਾਰ ਕਮਲ ਖਿੜ ਕੇ ਰਹੇਗਾ। ਘੁਸਪੈਠੀਆਂ ਦਾ ਮੁੱਦਾ ਹੋਵੇ ਜਾਂ ਟੀ. ਐੱਮ. ਸੀ. ਦਾ ਭ੍ਰਿਸ਼ਟਾਚਾਰ, ਜਿਸ ਤਰ੍ਹਾਂ ਬੰਗਾਲ ਵਿਚ ਲਵ ਜਿਹਾਦ, ਕਾਰਪੋਰੇਟ ਜਿਹਾਦ, ਸੈਲੂਨ ਜਿਹਾਦ ਵਰਗੇ ਮੁੱਦਿਆਂ ਤੋਂ ਲੋਕ ਪ੍ਰੇਸ਼ਾਨ ਹਨ, ਉਸ ਨੂੰ ਦੇਖਦਿਆਂ ਬੰਗਾਲ ਦੀ ਜਨਤਾ ਬਦਲਾਅ ਦਾ ਮਨ ਬਣਾ ਚੁੱਕੀ ਹੈ। ਬੰਗਾਲ ਵਿਚ ਸਰਕਾਰ ਦਾ ਬਦਲਣਾ ਰਾਸ਼ਟਰੀ ਸੁਰੱਖਿਆ ਦਾ ਸਵਾਲ ਹੈ।
ਇਹ ਵੀ ਪੜ੍ਹੋ: ਜਲੰਧਰ: ਖ਼ੁਸ਼ੀਆਂ ਮਾਤਮ 'ਚ ਬਦਲੀਆਂ! ASI ਦੇ ਪੁੱਤ ਦੀ ਅਚਾਨਕ ਹੋਈ ਮੌਤ, 5 ਮਈ ਨੂੰ ਹੋਣਾ ਸੀ ਵਿਆਹ
* ਕੇਰਲਮ ਵਿਚ ਸਭ ਤੋਂ ਵੱਧ ਆਰ. ਐੱਸ. ਐੱਸ. ਦੀਆਂ ਸ਼ਾਖਾਵਾਂ ਹਨ, ਇਸ ਦੇ ਬਾਵਜੂਦ ਅੱਜ ਤੱਕ ਭਾਜਪਾ ਕਮਲ ਖਿੜਾਉਣ ’ਚ ਕਾਮਯਾਬ ਨਹੀਂ ਹੋਈ, ਅਜਿਹਾ ਕਿਉਂ?
ਸੰਘ ਦਾ ਕਦੇ ਵੀ ਰਾਜਨੀਤੀ ਵਿਚ ਹਿੱਤ ਨਹੀਂ ਰਿਹਾ। ਸੰਘ ਕਦੇ ਵੀ ਭਾਜਪਾ ਦੀ ਸ਼ਾਖਾ ਵਜੋਂ ਕੰਮ ਨਹੀਂ ਕਰਦਾ। ਸੰਘ ਮਾਹੌਲ ਤਿਆਰ ਕਰਦਾ ਹੈ, ਅੱਗੇ ਦਾ ਕੰਮ ਭਾਜਪਾ ਨੇ ਕਰਨਾ ਹੁੰਦਾ ਹੈ, ਸੰਘ ਨੇ ਨਹੀਂ। ਪਹਿਲਾਂ ਦੇ ਮੁਕਾਬਲੇ ਕੇਰਲਮ ਵਿਚ ਭਾਜਪਾ ਦਾ ਮਾਹੌਲ ਚੰਗਾ ਹੈ, ਸਾਡਾ ਮੇਅਰ ਬਣਿਆ ਹੈ, ਆਉਣ ਵਾਲੇ ਦਿਨਾਂ ਵਿਚ ਹੋਰ ਸਫਲਤਾ ਮਿਲੇਗੀ।
* ਬਿਹਾਰ ਵਿਚ ਪਹਿਲੀ ਵਾਰ ਭਾਜਪਾ ਦਾ ਮੁੱਖ ਮੰਤਰੀ ਬਣਿਆ, ਕਿਸੇ ਦੀ ਨਾਰਾਜ਼ਗੀ ਨਹੀਂ, ਆਖ਼ਿਰ ਨਿਤੀਸ਼ ਨੇ ਖ਼ੁਸ਼ੀ-ਖ਼ੁਸ਼ੀ ਮੁੱਖ ਮੰਤਰੀ ਦਾ ਅਹੁਦਾ ਕਿਵੇਂ ਛੱਡ ਦਿੱਤਾ?
ਭਾਰਤ ਕਰਵਟ ਬਦਲ ਰਿਹਾ ਹੈ। ਬਿਹਾਰ ਵਿਚ ਭਾਜਪਾ ਦਾ ਮੁੱਖ ਮੰਤਰੀ ਬਣਨਾ ਇਕ ਸ਼ੁੱਭ ਸੰਕੇਤ ਹੈ ਅਤੇ ਇਹ ਕਿੰਨੇ ਆਰਾਮ ਨਾਲ ਹੋਇਆ, ਇਸ ਨੂੰ ਵੀ ਸਮਝਣ ਦੀ ਲੋੜ ਹੈ। ਨਿਤੀਸ਼ ਕੁਮਾਰ ਨੇ ਸਮਰਾਟ ਚੌਧਰੀ ਲਈ ਰਸਤਾ ਦੇ ਕੇ ਜੈਪ੍ਰਕਾਸ਼ ਨਾਰਾਇਣ ਦੀ ਭੂਮਿਕਾ ਨਿਭਾਈ ਹੈ। ਲੋਕਾਂ ਦੇ ਦਿਲਾਂ ਵਿਚ ਨਿਤੀਸ਼ ਲਈ ਸਤਿਕਾਰ ਹੋਰ ਵੀ ਵਧ ਗਿਆ ਹੈ।
ਇਹ ਵੀ ਪੜ੍ਹੋ: ਜਲੰਧਰ: ਵਿਆਹ ਸਮਾਗਮ 'ਚ ਪੈ ਗਿਆ ਭੜਥੂ! ਬਰਾਤ ਜਾਣ ਮੌਕੇ ਵਰ੍ਹਿਆ ਇੱਟਾਂ ਦਾ ਮੀਂਹ, ਭਿਆਨਕ ਬਣੇ ਹਾਲਾਤ
* ਵਿਰੋਧੀ ਧਿਰ ਤੁਹਾਡੇ ’ਤੇ ਦੋਸ਼ ਲਗਾਉਂਦੀ ਹੈ ਕਿ ਦੇਸ਼ ਵਿਚ ਦਲਿਤਾਂ ’ਤੇ ਅੱਤਿਆਚਾਰ ਹੋ ਰਹੇ ਹਨ?
ਮੈਂ ਖ਼ੁਦ ਦਲਿਤਾਂ ਦੇ ਅਧਿਕਾਰਾਂ ਦੀ ਰੱਖਿਆ ਲਈ ਉੱਤਰਾਖੰਡ ਵਿਚ ਮੰਦਰ ’ਚ ਦਾਖਲੇ ਲਈ ਉਨ੍ਹਾਂ ਨੂੰ ਲੈ ਕੇ ਗਿਆ ਸੀ। ਇਸ ਦੌਰਾਨ ਮੇਰੇ ’ਤੇ ਹਮਲਾ ਵੀ ਹੋਇਆ ਅਤੇ ਮੇਰੇ 9 ਟਾਂਕੇ ਲੱਗੇ ਸਨ। ਮੇਰੇ ਖ਼ੂਨ ਵਿਚ ਹੈ ਸਮਾਜਿਕ ਸਮਾਨਤਾ ਨਾਲ ਖੜ੍ਹੇ ਹੋਣਾ। ਲੰਡਨ ਤੋਂ ਲੈ ਕੇ ਮਹੂ ਤਕ ਅੰਬੇਡਕਰ ਜੀ ਦੇ ਤੀਰਥ ਸਥਾਨਾਂ ਨੂੰ ਪ੍ਰਧਾਨ ਮੰਤਰੀ ਜੀ ਨੇ ਸੰਭਾਲਣ ਦਾ ਕੰਮ ਕੀਤਾ। ਮੋਦੀ ਜੀ ਨੇ ਦਿੱਲੀ ਵਿਚ ਸਭ ਤੋਂ ਵੱਡਾ ਕਨਵੈਨਸ਼ਨ ਸੈਂਟਰ ਅੰਬੇਡਕਰ ਜੀ ਦੇ ਨਾਂ ’ਤੇ ਬਣਵਾਇਆ। ਜੋ ਜਿਹਾਦੀ ਅਨਸਰ ਹਨ, ਉਹ ਹਿੰਦੂ ਸਮਾਜ ਨੂੰ ਤੋੜਨ ਦਾ ਕੰਮ ਕਰ ਰਹੇ ਹਨ।
* ਦੁਨੀਆ ਵਿਚ ਅੱਜ ਯੁੱਧ ਹੋ ਰਹੇ ਹਨ, ਕੀ ਭਾਰਤ ਵਿਸ਼ਵਗੁਰੂ ਬਣਨ ਵੱਲ ਵਧ ਰਿਹਾ ਹੈ?
ਦੁਨੀਆ ਵਿਚ ਜੇਕਰ ਕੋਈ ਰੱਖਿਆ ਕਵਚ ਹੈ ਤਾਂ ਉਹ ਭਾਰਤ ਹੈ। ਅੱਜ ਹਰ ਮੁਸਲਿਮ ਦੇਸ਼ ਇਕ-ਦੂਜੇ ਨਾਲ ਲੜ ਰਿਹਾ ਹੈ। ਕੋਈ ਇਸਲਾਮਿਕ ਮੁਲਕ ਇਕ-ਦੂਜੇ ਦੀ ਮਦਦ ਨਹੀਂ ਕਰ ਰਿਹਾ। ਕਿੱਥੇ ਗਿਆ ਇਨ੍ਹਾਂ ਦਾ ਇਸਲਾਮਿਕ ਭਾਈਚਾਰਾ? ਜੇਕਰ ਇਨ੍ਹਾਂ ਨੇ ਮਦਦ ਲੈਣੀ ਹੈ ਤਾਂ ਇਹ ਉਨ੍ਹਾਂ ਦੇਸ਼ਾਂ ਤੋਂ ਮਦਦ ਲੈ ਰਹੇ ਹਨ, ਜਿਨ੍ਹਾਂ ਨੂੰ ਇਹ ‘ਕਾਫ਼ਿਰ’ ਕਹਿੰਦੇ ਹਨ। ਅੱਜ ਦੁਨੀਆ ਹਿੰਦੁਸਤਾਨ ਵੱਲ ਦੇਖ ਰਹੀ ਹੈ।
ਇਹ ਵੀ ਪੜ੍ਹੋ: ਪੰਜਾਬ ਦੇ ਮੌਸਮ ਨੂੰ ਲੈ ਕੇ ਵੱਡੀ ਚਿਤਾਵਨੀ! 21, 22, 23 ਤਾਰੀਖ਼ ਲਈ 12 ਜ਼ਿਲ੍ਹਿਆਂ 'ਚ Alert ਜਾਰੀ
“ਪੰਜਾਬ ਚੋਣਾਂ ਲਈ ਭਾਜਪਾ ਤਿਆਰ”
ਸਾਬਕਾ ਸੰਸਦ ਮੈਂਬਰ ਅਤੇ ਸੀਨੀਅਰ ਭਾਜਪਾ ਆਗੂ ਤਰੁਣ ਵਿਜੇ ਨੇ ਕਿਹਾ ਹੈ ਕਿ ਪੰਜਾਬ ਵਿਚ ਜੋ ਮਾਹੌਲ ਬਣ ਰਿਹਾ ਹੈ, ਉਹ ਭਾਰਤੀਅਤਾ ਨੂੰ ਸੱਟ ਮਾਰਨ ਵਾਲਾ ਹੈ। ਪੰਜਾਬ ਹਮੇਸ਼ਾ ਦੇਸ਼ ਭਗਤੀ ਦਾ ਪ੍ਰਤੀਕ ਰਿਹਾ ਹੈ ਪਰ ਅੱਜ ਸਰਕਾਰੀ ਵਿਭਾਗਾਂ ਤੋਂ ਲੋਕਾਂ ਦਾ ਭਰੋਸਾ ਟੁੱਟ ਚੁੱਕਾ ਹੈ। ਪੰਜਾਬ ਦੀ ਅਗਵਾਈ ਅੱਜ ਇਸ ਲਈ ਜਾਣੀ ਜਾਂਦੀ ਹੈ ਕਿ ਅੱਜ ਪੰਜਾਬ ਵਿਚ ਨਸ਼ਾ ਵਧ ਗਿਆ ਹੈ, ਵਿਦੇਸ਼ਾਂ ਤੋਂ ਫੰਡਿੰਗ ਹੋ ਰਹੀ ਹੈ, ਗੁਰੂ ਸਾਹਿਬਾਨ ਦੀ ਧਰਤੀ ’ਤੇ ਧਰਮ ਪਰਿਵਰਤਨ ਹੋ ਰਿਹਾ ਹੈ।
ਉੱਥੇ ਹੀ ਅਕਾਲੀ ਦਲ ਨਾਲ ਗੱਠਜੋੜ ਦੇ ਸਵਾਲ ’ਤੇ ਸਾਬਕਾ ਸੰਸਦ ਮੈਂਬਰ ਨੇ ਕਿਹਾ ਕਿ ਇਸ ਦਾ ਫੈਸਲਾ ਸਾਡੀ ਕੇਂਦਰੀ ਲੀਡਰਸ਼ਿਪ ਕਰੇਗੀ ਪਰ ਮੌਜੂਦਾ ਸਮੇਂ ਵਿਚ ਜੋ ‘ਆਪ’ ਦਾ ਪ੍ਰਕੋਪ ਹੈ, ਉਸ ਤੋਂ ਜਨਤਾ ਨੂੰ ਮੁਕਤੀ ਦਿਵਾਉਣਾ ਸਾਡਾ ਮਕਸਦ ਹੈ। ਪੰਜਾਬ ਨੂੰ ਮੁੜ ਲਾਲਾ ਲਾਜਪਤ ਰਾਏ ਵਾਲਾ ਪੰਜਾਬ ਬਣਾਉਣ ਦੀ ਲੋੜ ਹੈ।
ਇਹ ਵੀ ਪੜ੍ਹੋ: ਪੰਜਾਬ: ਪ੍ਰੇਮ ਸੰਬੰਧਾਂ ਨੇ ਉਜਾੜਿਆ ਘਰ! ਪਿਤਾ ਦਾ ਬੇਰਹਿਮੀ ਨਾਲ ਕੀਤਾ ਕਤਲ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਇੰਜਣ ਬਦਲਣ ਦੇ ਨਾਂ ’ਤੇ ਓਵਰ ਚਾਰਜਿੰਗ ਕਰਨ ’ਤੇ 20 ਹਜ਼ਾਰ ਜੁਰਮਾਨਾ
NEXT STORY 
