ਜਲੰਧਰ (ਪੁਨੀਤ) - ਧੁੰਦ ਕਾਰਨ ਰੇਲ ਗੱਡੀਆਂ ਦੀ ਰਫ਼ਤਾਰ ਵੀ ਧੀਮੀ ਹੋ ਗਈ ਹੈ, ਜਿਸ ਕਾਰਨ ਯਾਤਰੀਆਂ ਨੂੰ ਕਾਫੀ ਦਿੱਕਤਾਂ ਅਤੇ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਵੱਖ-ਵੱਖ ਕਾਰਨਾਂ ਕਰ ਕੇ ਰੇਲ ਗੱਡੀਆਂ 6 ਤੋਂ 13 ਘੰਟੇ ਦੇਰੀ ਨਾਲ ਪਹੁੰਚ ਰਹੀਆਂ ਹਨ ਅਤੇ ਕਈ ਅਹਿਮ ਟਰੇਨਾਂ ਵੀ ਇਸ ਦੇਰੀ ਦਾ ਸ਼ਿਕਾਰ ਹੋ ਰਹੀਆਂ ਹਨ, ਜਿਸ ਕਾਰਨ ਯਾਤਰੀਆਂ ਨੂੰ ਹੋਰ ਵੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਲੋਕਾਂ ਨੂੰ ਸ਼ਤਾਬਦੀ ਵਰਗੀਆਂ ਟ੍ਰੇਨਾਂ ’ਤੇ ਬਹੁਤ ਭਰੋਸਾ ਹੈ ਪਰ ਅੱਜ ਵੱਖ-ਵੱਖ ਰੂਟਾਂ ’ਤੇ ਚੱਲਣ ਵਾਲੀ ਸ਼ਤਾਬਦੀ ਟ੍ਰੇਨਾ ਦੇਰੀ ਨਾਲ ਸਟੇਸ਼ਨਾਂ ’ਤੇ ਪਹੁੰਚੀਆਂ, ਜਿਸ ਕਾਰਨ ਰੇਲਵੇ ਯਾਤਰੀਆਂ ਨੂੰ ਆਪਣੀ ਮੰਜ਼ਿਲ ’ਤੇ ਪਹੁੰਚਣ ਲਈ ਲੰਮਾ ਸਮਾਂ ਇੰਤਜ਼ਾਰ ਕਰਨਾ ਪਿਆ। ਇਸੇ ਤਰਤੀਬ ਵਿਚ 12054 ਹਰਿਦੁਆਰ ਜਨ ਸ਼ਤਾਬਦੀ ਆਪਣੇ ਨਿਰਧਾਰਤ ਸਮੇਂ 7.57 ਵਜੇ ਤੋਂ ਲਗਭਗ 20 ਮਿੰਟ ਦੇਰੀ ਨਾਲ ਜਲੰਧਰ ਸਿਟੀ ਸਟੇਸ਼ਨ ’ਤੇ ਪਹੁੰਚੀ ਜਦਕਿ 12053 ਅੰਮ੍ਰਿਤਸਰ ਜਨ ਸ਼ਤਾਬਦੀ ਆਪਣੇ ਨਿਰਧਾਰਤ ਸਮੇਂ 9.10 ਵਜੇ ਤੋਂ ਡੇਢ ਘੰਟਾ ਦੇਰੀ ਨਾਲ ਚੱਲ ਰਹੀ ਸੀ।
ਦੁਪਹਿਰ ਦੀ ਦਿੱਲੀ ਤੋਂ ਜਲੰਧਰ ਆ ਰਹੀ ਟ੍ਰੇਨ 12029 ਆਪਣੇ ਨਿਰਧਾਰਤ ਸਮੇਂ 12.06 ਤੋਂ ਲਗਭਗ 2 ਘੰਟੇ ਦੀ ਦੇਰੀ ਨਾਲ ਜਲੰਧਰ ਸਿਟੀ ਸਟੇਸ਼ਨ ’ਤੇ ਦੁਪਹਿਰ 2 ਵਜੇ ਪਹੁੰਚੀ ਜਦਕਿ ਅੰਮ੍ਰਿਤਸਰ ਤੋਂ ਦਿੱਲੀ ਜਾ ਰਹੀ 12030 ਲਗਭਗ ਅੱਧਾ ਘੰਟਾ ਦੇਰੀ ਨਾਲ ਸ਼ਾਮ 6.25 ਵਜੇ ਪਹੁੰਚੀ।
ਅੰਮ੍ਰਿਤਸਰ ਸ਼ਤਾਬਦੀ ਦਿੱਲੀ ਜਾਂਦੇ ਸਮੇਂ ਸਿਟੀ ਸਟੇਸ਼ਨ ’ਤੇ 6.38 ਵਜੇ ਪਹੁੰਚੀ, ਜੋ ਜਲੰਧਰ ਤੋਂ ਆਪਣੇ ਨਿਰਧਾਰਤ ਸਮੇਂ ਤੋਂ 40 ਮਿੰਟ ਦੀ ਦੇਰੀ ਨਾਲ ਸੀ ਜਦੋਂਕਿ 12013 ਦਿੱਲੀ ਤੋਂ ਆਉਂਦੇ ਸਮੇਂ ਸਮੇਂ ’ਤੇ ਸੀ।
ਇਸੇ ਤਰ੍ਹਾਂ 12715 ਸੱਚਖੰਡ ਐਕਸਪ੍ਰੈੱਸ 10 ਜਨਵਰੀ 2018 ਨੂੰ ਸਵੇਰੇ ਲਗਭਗ 5.30 ਵਜੇ ਜਲੰਧਰ ਪਹੁੰਚੀ, ਜੋ ਕਿ 9 ਜਨਵਰੀ ਨੂੰ ਰਾਤ 8.50 ਵਜੇ ਦੇ ਆਪਣੇ ਨਿਰਧਾਰਤ ਸਮੇਂ ਤੋਂ ਪੌਣੇ ਨੌਂ ਘੰਟੇ ਦੀ ਦੇਰੀ ਨਾਲ ਸੀ। ਉਥੇ ਹੀ 18237 ਛੱਤੀਸਗੜ੍ਹ ਐਕਸਪ੍ਰੈੱਸ ਸਵੇਰੇ ਲਗਭਗ 10:45 ਵਜੇ ਸ਼ਹਿਰ ਦੇ ਸਟੇਸ਼ਨ ’ਤੇ ਪਹੁੰਚੀ, ਜੋ ਕਿ ਸਵੇਰੇ 4:50 ਵਜੇ ਤੋਂ ਲਗਭਗ 6 ਘੰਟੇ ਲੇਟ ਸੀ।
ਸ਼ਾਮ ਤੱਕ ਫੀਲਡ 'ਚ ਸਨ MLA ਗੋਗੀ, ਕਈ ਲੋਕਾਂ ਨਾਲ ਕੀਤੀ ਸੀ ਗੱਲਬਾਤ, ਮੌਤ ਦੀ ਖ਼ਬਰ ਨੇ ਮਚਾਈ ਹਾਹਾਕਾਰ
NEXT STORY 
