ਬਟਾਲਾ (ਸੈਂਡੀ) - ਸ਼ੁੱਕਰਵਾਰ ਨਜ਼ਦੀਕੀ ਪਿੰਡ ਬੇਰੀ ਵਿਖੇ ਕਰੰਟ ਲੱਗਣ ਨਾਲ ਇਕ ਮਜ਼ਦੂਰ ਦੇ ਝੁਲਸਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।
ਜਾਣਕਾਰੀ ਅਨੁਸਾਰ ਸੁਰਜੀਤ ਮਸੀਹ ਪੁੱਤਰ ਬੂਟਾ ਮਸੀਹ ਵਾਸੀ ਬੇਰੀ, ਜੋ ਰੇਤ ਉਤਾਰ ਕੇ ਟਿੱਪਰ ਬੈਕ ਕਰਵਾ ਰਿਹਾ ਸੀ ਕਿ ਇਸ ਦੌਰਾਨ ਉਪਰੋਂ ਲੰਘਦੀਆਂ ਬਿਜਲੀ ਦੀਆਂ ਤਾਰਾਂ ਇਸ ਨਾਲ ਲੱਗ ਗਈਆਂ ਅਤੇ ਜਦ ਸੁਰਜੀਤ ਟਿੱਪਰ 'ਤੇ ਚੜ੍ਹ ਕੇ ਤਾਰਾਂ ਨੂੰ ਉਪਰ ਕਰਨ ਲੱਗਾ ਤਾਂ ਇਸ ਨੂੰ ਜ਼ਬਰਦਸਤ ਕਰੰਟ ਦਾ ਝਟਕਾ ਲੱਗਾ, ਜਿਸ ਨਾਲ ਇਹ ਝੁਲਸ ਗਿਆ। ਇਸ ਨੂੰ ਤੁਰੰਤ ਇਲਾਜ ਲਈ ਪਰਿਵਾਰਕ ਮੈਂਬਰਾਂ ਨੇ ਬਟਾਲਾ ਦੇ ਸਿਵਲ ਹਸਪਤਾਲ ਲਿਆਂਦਾ, ਜਿੱਥੇ ਡਾਕਟਰਾਂ ਨੇ ਇਸ ਦੀ ਹਾਲਤ ਨੂੰ ਨਾਜ਼ੁਕ ਦੇਖਦਿਆਂ ਇਸ ਨੂੰ ਅੰਮ੍ਰਿਤਸਰ ਰੈਫਰ ਕਰ ਦਿੱਤਾ।
ਸਮੋਗ ਤੋਂ ਦੁਖੀ ਹੋ ਕੇ ਆਕਸੀਜਨ ਸਿਲੰਡਰ ਤੇ ਮਾਸਕ ਲਗਾਕੇ ਸੜਕਾਂ 'ਤੇ ਉੱਤਰੇ ਲੋਕ
NEXT STORY 
