ਬੰਗਾ, (ਚਮਨ ਲਾਲ, ਰਾਕੇਸ਼)- ਨਜ਼ਦੀਕੀ ਪਿੰਡ ਮਾਹਿਲ ਗਹਿਲਾਂ ਵਿਖੇ ਬੀਤੇ ਦਿਨੀਂ ਘਰ 'ਚ ਹੋਈ ਚੋਰੀ ਦੇ ਮਾਮਲੇ 'ਚ ਪੁਲਸ ਨੇ ਇਕ ਨੌਜਵਾਨ ਨੂੰ ਗ੍ਰਿਫਤਾਰ ਕੀਤਾ ਹੈ।
ਜਾਣਕਾਰੀ ਅਨੁਸਾਰ ਪਿੰਡ ਮਾਹਿਲ ਗਹਿਲਾਂ ਦੀ ਵਾਸੀ ਪਰਮਜੀਤ ਕੌਰ ਪਤਨੀ ਬਖਤੌਰ ਸਿੰਘ ਨੇ ਬੰਗਾ ਪੁਲਸ ਨੂੰ ਆਪਣੇ ਘਰ 'ਚ ਹੋਈ ਚੋਰੀ ਬਾਰੇ ਇਕ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਉਹ ਬੀਤੀ 24 ਜੂਨ ਨੂੰ ਆਪਣੀ ਛੋਟੀ ਲੜਕੀ ਗੁਰਜੀਤ ਕੌਰ ਨਾਲ ਦਵਾਈ ਲੈਣ ਗਈ ਹੋਈ ਸੀ, ਜਦੋਂਕਿ ਉਸ ਦੀ ਦੂਜੀ ਲੜਕੀ ਪ੍ਰਦੀਪ ਕੌਰ ਆਪਣੀ ਵੱਡੀ ਭੈਣ ਸਰਬਜੀਤ ਕੌਰ ਦੇ ਘਰ ਲੱਖਪੁਰ ਸਾਹਨੀ ਗਈ ਹੋਈ ਸੀ। ਜਦੋਂ ਮੈਂ ਘਰ ਪੁੱਜੀ ਤਾਂ ਮੁੱਖ ਗੇਟ ਦਾ ਤਾਲਾ ਗਾਇਬ ਸੀ। ਘਰ ਦੇ ਅੰਦਰ ਝਾਤ ਮਾਰੀ ਤਾਂ ਸਾਰਾ ਸਾਮਾਨ ਖਿੱਲਰਿਆ ਪਿਆ ਸੀ। ਪੜਤਾਲ ਕਰਨ 'ਤੇ ਪਤਾ ਲੱਗਾ ਕਿ ਘਰੋਂ ਦੋ ਸੋਨੇ ਦੀਆਂ ਵੰਗਾਂ ਢਾਈ ਤੋਲੇ ਦੀਆਂ, 5 ਗ੍ਰਾਮ ਦੀਆਂ ਵਾਲੀਆਂ ਤੇ 4 ਗ੍ਰਾਮ ਦੀ ਸੋਨੇ ਦੀ ਅੰਗੂਠੀ ਗਾਇਬ ਸੀ।
ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਉਨ੍ਹਾਂ ਦੀ ਗੈਰ-ਹਾਜ਼ਰੀ 'ਚ ਪਿੰਡ ਦਾ ਹੀ ਸਤਨਾਮ ਸਿੰਘ ਉਰਫ ਵਿੱਕੀ ਉਨ੍ਹਾਂ ਦੇ ਘਰ ਆਇਆ ਸੀ, ਜਿਸ ਨੇ ਪੁੱਛਣ 'ਤੇ ਆਪਣੀ ਗਲਤੀ ਮੰਨੀ। ਅੱਜ ਬੰਗਾ ਸਦਰ ਪੁਲਸ ਨੇ ਉਕਤ ਵਿਅਕਤੀ ਖਿਲਾਫ ਮਾਮਲਾ ਦਰਜ ਕਰ ਕੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ।
ਫਰਨੀਚਰ ਵਪਾਰੀਆਂ ਵੱਲੋਂ ਨਾਅਰੇਬਾਜ਼ੀ
NEXT STORY 
