ਸੰਗਰੂਰ (ਵਿਵੇਕ ਸਿੰਧਵਾਨੀ)- ਸੰਗਰੂਰ ਦੀ ਰੀਤਿਕਾ ਕਾਂਸਲ ਨੇ ਪੀ. ਸੀ. ਐੱਸ. ਦੀ ਪ੍ਰੀਖਿਆ ਪਾਸ ਕਰ ਕੇ ਪੰਜਾਬ ’ਚੋਂ 5ਵਾਂ ਸਥਾਨ ਪ੍ਰਾਪਤ ਕੀਤਾ। ਰੀਤਿਕਾ ਕਾਂਸਲ ਦੇ ਪਿਤਾ ਕ੍ਰਿਸ਼ਨ ਚੰਦ ਕਾਂਸਲ ਸੰਗਰੂਰ ਦੇ ਮਸ਼ਹੂਰ ਬਿਜ਼ਨੈੱਸਮੈਨ ਹਨ। ਰੀਤਿਕਾ ਨੇ ਐੱਲ. ਐੱਲ. ਬੀ. ਦੀ ਪਡ਼੍ਹਾਈ ਲਾਅ ਕਾਲਜ ਆਫ ਭਾਈ ਗੁਰਦਾਸ ਕਾਲਜ ’ਚੋਂ ਕੀਤੀ। ਉਸ ਉਪਰੰਤ ਉਸ ਨੇ ਐੱਲ. ਐੱਲ. ਐੱਮ. ਦੀ ਪਡ਼੍ਹਾਈ ਨੈਸ਼ਨਲ ਯੂਨੀਵਰਸਿਟੀ ਆਫ ਲਾਅ ਬੈਂਗਲੁਰੂ ਤੋਂ ਪ੍ਰਾਪਤ ਕੀਤੀ, ਜਿਸ ’ਚੋਂ ਉਸ ਨੇ ਪੀ. ਸੀ. ਐੱਸ. ਦੀ ਪ੍ਰੀਖਿਆ ’ਚੋਂ ਪੰਜਾਬ ਭਰ ’ਚੋਂ ਪੰਜਵਾਂ ਸਥਾਨ ਪ੍ਰਾਪਤ ਕਰ ਕੇ ਜਿੱਥੇ ਆਪਣੇ ਮਾਤਾ-ਪਿਤਾ ਦਾ ਨਾਂ ਰੌਸ਼ਨ ਕੀਤਾ, ਉਥੇ ਹੀ ਸੰਗਰੂਰ ਲਈ ਵੀ ਮਾਣ ਵਾਲੀ ਗੱਲ ਹੈ। ਰੀਤਿਕਾ ਕਾਂਸਲ ਨੇ ਕਿਹਾ ਕਿ ਉਹ ਹੁਣ ਜੁਡੀਸ਼ੀਅਲ ਦੀਆਂ ਸੇਵਾਵਾਂ ਨਿਭਾਉਂਦੇ ਹੋਏ ਲੋਕਾਂ ਨੂੰ ਸਹੀ ਨਿਆਂ ਦੇਣਗੇ। ਰੀਤਿਕਾ ਕਾਂਸਲ ਦੀਆਂ ਦੋ ਹੋਰ ਭੈਣਾਂ ਤੇ ਇਕ ਭਰਾ ਹੈ ਤੇ ਇਹ ਸਭ ਤੋਂ ਛੋਟੀ ਹੈ। ਇਥੇ ਜ਼ਿਕਰਯੋਗ ਹੈ ਕਿ ਰੀਤਿਕਾ ਕਾਂਸਲ ਪੀ. ਸੀ. ਐੱਸ. ਜੁਡੀਸ਼ੀਅਲ ਦਾ ਪੇਪਰ ਦੇਣ ਮਗਰੋਂ ਅਮਰੀਕਾ ਵਿਖੇ ਚਲੇ ਗਏ ਸਨ, ਜਿਥੇ ਉਨ੍ਹਾਂ ਦੇ ਪਤੀ ਅਭੀਸ਼ੇਕ ਰਾਏ ਪੈਨਸਿਲਵੇਨਿਆ ਯੂਨੀਵਰਸਿਟੀ ਤੋਂ ਪੀ.ਐੱਚ.ਡੀ ਕਰ ਰਹੇ ਹਨ। ਜਦੋਂ ਨਤੀਜੇ ਦਾ ਐਲਾਨ ਹੋਇਆ ਤਾਂ ਇਨ੍ਹਾਂ ਦੇ ਪਰਿਵਾਰ ਨੇ ਉਨ੍ਹਾਂ ਨੂੰ ਅਮਰੀਕਾ ਵਿਖੇ ਫੋਨ ਕਰ ਕੇ ਇਸ ਸਫਲਤਾ ਦੀ ਸੂਚਨਾ ਦਿੱਤੀ।
ਵਿਦਿਅਾਰਥੀਅਾਂ ਲਾਇਅਾ ਵਿੱਦਿਅਕ ਟੂਰ
NEXT STORY 
