ਬੋਸਟਨ– ਵਿਗਿਆਨਕਾਂ ਨੇ ਬੱਚਾ ਪੈਦਾ ਹੋਣ ਤੋਂ ਬਾਅਦ ਵਾਧੂ ਖੂਨ ਵਗਣ ਕਾਰਣ ਹੋਣ ਵਾਲੀਆਂ ਮੌਤਾਂ ਨੂੰ ਰੋਕਣ ਲਈ ਇਕ ਨਵੀਂ ਤਕਨੀਕ ਲੱਭ ਲਈ ਹੈ। ਉਸ ਦਾ ਨਾਂ ਯੂ. ਬੀ. ਟੀ. ਯਾਨੀ ਯੂਟੇਰਾਈਨ ਬੈਲੂਨ ਟੈਂਪੋਨਾਈਡ ਹੈ।
ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਇਹ ਤਕਨੀਕ ਬੱਚਾ ਪੈਦਾ ਹੋਣ ਤੋਂ ਬਾਅਦ ਵਾਧੂ ਖੂਨ ਵਗਣ ਦੇ ਕਾਰਣ ਹੋਣ ਵਾਲੀਆਂ ਮੌਤਾਂ ਨੂੰ 86 ਫੀਸਦੀ ਤਕ ਰੋਕਣ ਵਿਚ ਕਾਮਯਾਬ ਹੋ ਰਹੀ ਹੈ। ਰਸਾਲੇ 'ਅਮਰੀਕੀ ਜਰਨਲ ਆਫ ਆਬਸਟੇਟ੍ਰਿਕਸ ਐਂਡ ਗਾਇਨੀਕਾਲੋਜੀ' ਵਿਚ ਛਪਿਆ ਹੈ।
ਭਿਆਨਕ ਪੀੜ ’ਚੋਂ ਲੰਘਦੀਆਂ ਔਰਤਾਂ
ਵਿਗਿਆਨਕਾਂ ਨੇ ਕਿਹਾ ਹੈ ਕਿ ਬੱਚੇ ਨੂੰ ਜਨਮ ਦੇਣ ਲਈ ਮਾਂ ਨੂੰ ਭਿਆਨਕ ਪੀੜ ਵਿਚੋਂ ਲੰਘਣਾ ਪੈਂਦਾ ਹੈ। ਇਹ ਪੀੜ ਸਿਰਫ ਬੱਚੇ ਨੂੰ ਜਨਮ ਦੇਣ ਤਕ ਮਹਿਦੂਦ ਨਹੀਂ ਰਹਿੰਦੀ ਸਗੋਂ ਕਈ ਮਾਮਲਿਆਂ ਵਿਚ ਔਰਤਾਂ ਨੂੰ ਬੱਚੇ ਨੂੰ ਜਨਮ ਦੇਣ ਤੋਂ ਬਾਅਦ ਵੀ ਦਰਦਨਾਕ ਹਾਲਤ ਵਿਚੋਂ ਲੰਘਣਾ ਪੈਂਦਾ ਹੈ। ਇਨ੍ਹਾਂ ਵਿਚੋਂ ਇਕ ਹੈ ਬੱਚੇ ਨੂੰ ਜਨਮ ਦੇਣ ਤੋਂ ਬਾਅਦ ਵਾਧੂ ਖੂਨ ਦਾ ਵਗਣਾ (ਕੋਸਟ ਪਾਰਟਮ ਹੈਮਰੇਜ)।
ਯੂ. ਬੀ. ਟੀ. ਇਕ ਆਸਾਨ ਤਕਨੀਕ
ਵਿਗਿਆਨਕਾਂ ਦਾ ਕਹਿਣਾ ਹੈ ਕਿ ਵਾਧੂ ਖੂਨ ਵਗਣ ਤੋਂ ਰੋਕਣ ਲਈ ਆਧੁਨਿਕ ਤਰੀਕੇ ਨਾਲ ਇਲਾਜ ਕੀਤਾ ਜਾ ਸਕਦਾ ਹੈ ਪਰ ਇਸ ਲਈ ਵਿਆਪਕ ਸਿਖਲਾਈ ਦੀ ਜ਼ਰੂਰਤ ਹੁੰਦੀ ਹੈ ਜਿਹੜੀ ਕਿ ਦੁਨੀਆ ਭਰ ਦੇ ਬਹੁਤ ਘੱਟ ਹਸਪਤਾਲਾਂ ਵਿਚ ਮੌਜੂਦ ਹੈ। ਯੂ. ਬੀ. ਟੀ. ਕਾਫੀ ਆਸਾਨ ਤਕਨੀਕ ਹੈ ਅਤੇ ਇਹ 1980 ਦੇ ਦਹਾਕੇ ਤੋਂ ਉਪਲੱਬਧ ਹੈ।
85.9 ਫੀਸਦੀ ਕਾਮਯਾਬ
ਇਸ ਤਕਨੀਕ ਵਿਚ ਬੈਲੂਨ ਕੈਥੇਟਰ (ਇਕ ਪਤਲੀ ਜਿਹੀ ਟਿਊਬ) ਨਾਲ ਖੂਨ ਵਗਣ ਤੋਂ ਰੋਕਿਆ ਜਾ ਸਕਦਾ ਹੈ। ਵਿਗਿਆਨੀਆਂ ਨੇ ਤਜਰਬਿਆਂ ਤੋਂ ਬਾਅਦ ਇਸ ਨੂੰ ਬਹਿਸ ਵਾਲੀ ਤਕਨੀਕ ਕਰਾਰ ਦਿੱਤਾ। ਅਨੇਕਾਂ ਤਜਰਬਿਆਂ ਅਤੇ ਮਾਮਲਿਆਂ ਦਾ ਸਾਂਝੇ ਤੌਰ 'ਤੇ ਵਿਸ਼ਲੇਸ਼ਣ ਕੀਤਾ ਗਿਆ ਹੈ ਜਿਸ ਤੋਂ ਸਿੱਟਾ ਨਿਕਲਿਆ ਹੈ ਕਿ ਯੂ. ਬੀ. ਟੀ. 85.9 ਫੀਸਦੀ ਕਾਮਯਾਬ ਹੈ।
ਸਵਿਸ ਵਿਗਿਆਨੀਆਂ ਨੇ ਪਲਾਸਟਿਕ ਨਾਲ ਬਣਾਇਆ 18 ਕੈਰਟ ਦਾ 'ਸੋਨਾ'
NEXT STORY 
