ਭੁਵਨੇਸ਼ਵਰ— ਰਾਂਚੀ ਦੇ ਦੇਰ ਨਾਲ ਮੇਜ਼ਬਾਨੀ ਤੋਂ ਹੱਟਣ ਦੇ ਬਾਵਜੂਦ ਭਾਰਤ ਕੱਲ੍ਹ ਤੋਂ ਇੱਥੇ ਸ਼ੁਰੂ ਹੋ ਰਹੀ 22ਵੀਂ ਏਸ਼ੀਆਈ ਐਥਲੈਟਿਕਸ ਚੈਂਪੀਅਨਸ਼ਿਪ ਲਈ ਚੋਟੀ ਪੱਧਰ ਸੁਵਿਧਾਵਾਂ ਮੁਹੱਈਆ ਕਰਾਉਣ 'ਚ ਸਫਲ ਰਿਹਾ ਹੈ ਅਤੇ ਉਸ ਦਾ ਟੀਚਾ ਇਸ ਚੈਂਪੀਅਨਸ਼ਿਪ ਦੀ ਤਮਗਾ ਤਾਲਿਕਾ 'ਚ ਚੋਟੀ 3 'ਚ ਜਗ੍ਹਾ ਬਣਾਉਣ 'ਤੇ ਹੈ। ਓਡੀਸ਼ਾ ਦੀ ਰਾਜਧਾਨੀ 'ਚ 45 ਦੇਸ਼ਾਂ ਦੇ 800 ਤੋਂ ਜ਼ਿਆਦਾ ਐਥਲੀਟ 42 ਮੁਕਾਬਲਿਆਂ 'ਚ ਚੁਣੌਤੀ ਪੇਸ਼ ਕਰਨਗੇ। ਭਾਰਤ 'ਚ ਤੀਜੀ ਵਾਰ ਇਸ ਪ੍ਰਤੀਯੋਗਿਤਾ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਪਹਿਲਾ 1989 'ਚ ਦਿੱਲੀ ਅਤੇ 2013 'ਚ ਪੁਣੇ 'ਚ ਇਸ ਪ੍ਰਤੀਯੋਗਿਤਾ ਦਾ ਆਯੋਜਨ ਹੋ ਚੁੱਕਾ ਹੈ।
ਹਰ ਚੈਂਪੀਅਨਸ਼ਿਪ ਦੀ ਤਰ੍ਹਾਂ ਮੌਜੂਦਾ ਚੈਂਪੀਅਨਸ਼ਿਪ 'ਚ ਵੀ ਕਈ ਚੋਟੀ ਐਥਲੀਟਾਂ ਨੇ ਨਹੀਂ ਖੇਡਣ ਦਾ ਫੈਸਲਾ ਕੀਤਾ ਹੈ, ਜਿਸ ਨਾਲ ਹਰ 2 ਸਾਲ 'ਚ ਹੋਣ ਵਾਲੀ ਇਸ ਮਹਾਦੀਪੀ ਪ੍ਰਤੀਯੋਗਿਤਾ ਦੀ ਚਮਕ ਕੁੱਝ ਫੀਕੀ ਹੋਈ ਹੈ। ਵਿਸ਼ਵ ਚੈਂਪੀਅਨਸ਼ਿਪ ਦਾ ਆਯੋਜਨ ਵੀ ਇਸ ਸਾਲ ਹੋਣਾ ਹੈ ਇਸ ਲਈ ਕਈ ਚੋਟੀ ਐਥਲੀਟਾਂ ਨੇ ਇਸ 'ਚ ਹਿੱਸਾ ਨਹੀਂ ਲੈਣ ਦਾ ਫੈਸਲਾ ਕੀਤਾ ਹੈ।
ਚੀਨ ਪ੍ਰਤੀਯੋਗਿਤਾ 'ਚ 50 ਤੋਂ ਜ਼ਿਆਦਾ ਐਥਲੀਟ ਉਤਾਰ ਰਿਹਾ ਹੈ ਪਰ ਚੋਟੀ ਟ੍ਰਿ੍ਰਪਲ ਜੰਪ ਖਿਡਾਰੀ ਡੋਂਗ ਬਿਨ, ਰਿਓ ਓਲੰਪਿਕ ਦੇ ਚਾਂਦੀ ਤਮਗਾ ਜੇਤੂ ਤਾਰ ਗੋਲਾ ਫੇਂਕ ਦੇ ਝਾਂਗ ਵੇਨਸ਼ਿਯੂ ਅਤੇ ਕੁੱਝ ਹੋਰ ਸਟਾਰ ਖਿਡਾਰੀ ਟੀਮ ਦਾ ਹਿੱਸਾ ਨਹੀਂ ਹਨ।
ਪਿਛਲੀ ਚੈਂਪੀਅਨਸ਼ਿਪ 'ਚ ਦੂਜੇ ਸਥਾਨ 'ਤੇ ਰਹੇ ਕਤਰ ਨੇ ਆਪਣੀ 10 ਮੈਂਬਰੀ ਟੀਮ 'ਚ ਲੰਬੀ ਛਾਲ ਦੇ ਮੁਸਤਾਜ ਇਸਾ ਬਾਸ਼ਿਰਮ ਨੂੰ ਸ਼ਾਮਲ ਨਹੀਂ ਕੀਤਾ ਹੈ, ਜਿਨ੍ਹਾਂ ਨੇ ਹਾਲ 'ਚ ਵੱਕਾਰੀ ਡਾਇਮੰਡ ਲੀਗ ਦੇ ਦੋਹਾ ਪੜਾਅ 'ਚ ਸੋਨ ਤਮਗਾ ਜਿੱਤਿਆ ਸੀ। ਬਿਹਰੀਨ ਦੇ ਰਿਓ ਓਲੰਪਿਕ ਦੇ ਸੋਨ ਤਮਗਾ ਜੇਤੂ ਰੱਥ ਜੇਬੇਤ(3000 ਮੀਟਰ ਸਟੀਪਲਚੇਜ), ਕਜਾਖਸਤਾਨ ਦੀ ਮਹਿਲਾ ਟ੍ਰਿਪਲ ਜੰਪ ਖਿਡਾਰੀ ਓਲਗਾ ਰਿਪਾਕੋਵਾ (ਰਿਓ 'ਚ ਕਾਂਸੀ) ਅਤੇ ਜਾਪਾਨ ਦੇ ਨੌਜਵਾਨ ਫਾਰਟਾ ਧਾਵਕ ਅਬਦੁਲ ਹਾਕਮ ਸਾਨੀ ਬ੍ਰਾਊਨ ਵੀ ਚੈਂਪੀਅਨਸ਼ਿਪ 'ਚ ਹਿੱਸਾ ਨਹੀਂ ਲੈਣਗੇ।
ਚੈਂਪੀਅਨਸ ਟਰਾਫੀ 'ਚ ਜਡੇਜਾ 'ਤੇ ਮੇਰਾ ਗੁੱਸਾ ਥੋੜੇ ਸਮੇਂ 'ਚ ਹੀ ਸ਼ਾਂਤ ਹੋ ਗਿਆ ਸੀ : ਹਾਰਦਿਕ ਪੰਡਯਾ
NEXT STORY 
