ਸਪੋਰਟਸ ਡੈਸਕ- ਕੌਮਾਂਤਰੀ ਕ੍ਰਿਕਟ ਵਿੱਚ ਇੱਕ ਅਦੁੱਤੀ ਅਤੇ ਹੈਰਾਨੀਜਨਕ ਪ੍ਰਾਪਤੀ ਹੋਈ ਹੈ, ਜਿੱਥੇ ਪਿਤਾ-ਪੁੱਤਰ ਦੀ ਜੋੜੀ ਨੇ ਇੱਕੋ ਟੀਮ ਲਈ ਮੈਦਾਨ 'ਤੇ ਉੱਤਰ ਕੇ ਇਤਿਹਾਸ ਰਚਿਆ ਹੈ।
• ਕੌਣ ਹਨ ਇਹ ਖਿਡਾਰੀ: ਟਿਮੋਰ-ਲੇਸਟੇ ਦੇ ਸੁਹੈਲ ਸੱਤਾਰ (ਉਮਰ 50 ਸਾਲ) ਅਤੇ ਉਨ੍ਹਾਂ ਦੇ ਪੁੱਤਰ ਯਹਯਾ ਸੁਹੈਲ (ਉਮਰ 17 ਸਾਲ) ਅੰਤਰਰਾਸ਼ਟਰੀ ਮੈਚ ਵਿੱਚ ਇੱਕੋ ਸਮੇਂ ਖੇਡਣ ਵਾਲੇ ਪਹਿਲੇ ਪਿਤਾ-ਪੁੱਤਰ ਦੀ ਜੋੜੀ ਬਣ ਗਏ ਹਨ।
• ਇਤਿਹਾਸ ਕਦੋਂ ਬਣਿਆ: ਉਨ੍ਹਾਂ ਨੇ ਇਹ ਅਨੋਖਾ ਕਾਰਨਾਮਾ 6 ਨਵੰਬਰ ਨੂੰ ਬਾਲੀ ਵਿੱਚ ਮੇਜ਼ਬਾਨ ਇੰਡੋਨੇਸ਼ੀਆ ਦੇ ਖਿਲਾਫ਼ ਟਿਮੋਰ-ਲੇਸਟੇ ਦੇ ਪਹਿਲੇ ਅੰਤਰਰਾਸ਼ਟਰੀ ਮੈਚ ਵਿੱਚ ਹਾਸਲ ਕੀਤਾ। ਇਸ ਮੈਚ ਵਿੱਚ ਦੋਵਾਂ ਨੇ ਇਕੱਠੇ ਬੱਲੇਬਾਜ਼ੀ ਵੀ ਕੀਤੀ।
• ਪਿਤਾ-ਪੁੱਤਰ ਵਲੋਂ ਖੇਡੇ ਮੈਚਾਂ ਦੇ ਨਤੀਜੇ : ਭਾਵੇਂ ਪਿਤਾ ਸੁਹੈਲ ਸੱਤਾਰ ਤੇ ਪੁੱਤਰ ਯਹਯਾ ਸੁਹੈਲ ਨੇ ਇੱਕੋ ਟੀਮ ਲਈ ਖੇਡ ਕੇ ਇਤਿਹਾਸ ਰਚਿਆ, ਪਰ ਟੀਮ ਦੇ ਨਤੀਜੇ ਖਰਾਬ ਰਹੇ। ਉਨ੍ਹਾਂ ਦੀ ਟੀਮ ਨੂੰ ਆਪਣੇ ਸ਼ੁਰੂਆਤੀ ਤਿੰਨੋਂ ਮੈਚ ਭਾਰੀ ਫਰਕ ਨਾਲ ਹਾਰਨ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਹ ਤਿੰਨੋਂ ਮੈਚ ਦਸ-ਦਸ ਵਿਕਟਾਂ ਦੇ ਫਰਕ ਨਾਲ ਗੁਆਏ ਗਏ ਹਨ।
•ਘਰੇਲੂ ਕ੍ਰਿਕਟ ਵਿੱਚ ਉਦਾਹਰਣ:
• ਸ਼ਿਵਨਾਰਾਇਣ ਚੰਦਰਪਾਲ ਅਤੇ ਤੇਜਨਾਰਾਇਣ ਚੰਦਰਪਾਲ: ਵੈਸਟਇੰਡੀਜ਼ ਦੇ ਦਿੱਗਜ ਖਿਡਾਰੀ ਸ਼ਿਵਨਾਰਾਇਣ ਚੰਦਰਪਾਲ ਅਤੇ ਉਨ੍ਹਾਂ ਦੇ ਬੇਟੇ ਤੇਜਨਾਰਾਇਣ ਨੇ ਗਿਆਨਾ (Guyana) ਲਈ ਇਕੱਠੇ 11 ਫਸਟ-ਕਲਾਸ ਮੈਚ ਖੇਡੇ ਸਨ। ਇੱਕ ਮੈਚ ਵਿੱਚ, ਜੋ ਮਾਰਚ 2014 ਵਿੱਚ ਵਿੰਡਵਰਡ ਆਈਲੈਂਡਜ਼ ਦੇ ਖਿਲਾਫ ਹੋਇਆ ਸੀ, ਸ਼ਿਵਨਾਰਾਇਣ ਨੇ ਆਪਣੇ ਬੇਟੇ ਦੀ ਕਪਤਾਨੀ ਵੀ ਕੀਤੀ ਸੀ।
• ਮੁਹੰਮਦ ਨਬੀ ਅਤੇ ਹਸਨ ਈਸਾਖਿਲ: ਹਾਲ ਹੀ ਵਿੱਚ, ਅਫਗਾਨਿਸਤਾਨ ਦੇ ਸਟਾਰ ਖਿਡਾਰੀ ਮੁਹੰਮਦ ਨਬੀ ਨੇ 2025 ਸਪਗੀਜ਼ਾ ਕ੍ਰਿਕਟ ਲੀਗ ਫਾਈਨਲ ਵਿੱਚ ਆਪਣੇ ਬੇਟੇ ਹਸਨ ਈਸਾਖਿਲ ਦੇ ਖਿਲਾਫ ਖੇਡਿਆ ਸੀ।
World Champion ਬਣਨ ਮਗਰੋਂ ਚਮਕ ਗਈਆਂ ਭਾਰਤੀ ਖਿਡਾਰਣਾਂ ! ਬ੍ਰਾਂਡ ਵੈਲਿਊ ‘ਚ ਹੋਇਆ ਸ਼ਾਨਦਾਰ ਇਜ਼ਾਫ਼ਾ
NEXT STORY 
