ਨੇਪਲਜ਼- ਟੈਨਿਸ ਦੇ ਮਹਾਨ ਖਿਡਾਰੀ ਆਂਦਰੇ ਅਗਾਸੀ ਨੇ ਆਪਣੇ ਅੱਠ ਗ੍ਰੈਂਡ ਸਲੈਮ ਖਿਤਾਬਾਂ ਵਿੱਚੋਂ ਦੋ ਯੂਐੱਸ ਓਪਨ ਵਿਚ ਜਿੱਤੇ ਸਨ ਅਤੇ ਹੁਣ ਉਹ ਇਸੇ ਨਾਮ ਨਾਲ ਇੱਕ ਵੱਖਰੇ ਰੈਕੇਟ ਮੁਕਾਬਲੇ ਵਿੱਚ ਹਿੱਸਾ ਲੈਣਗੇ। ਅਗਾਸੀ ਨੇ 2006 ਵਿੱਚ ਫਲਸ਼ਿੰਗ ਮੀਡੋਜ਼ ਵਿਖੇ ਆਪਣਾ ਆਖਰੀ ਮੈਚ ਖੇਡਣ ਤੋਂ ਬਾਅਦ ਪੇਸ਼ੇਵਰ ਟੈਨਿਸ ਤੋਂ ਸੰਨਿਆਸ ਲੈ ਲਿਆ।
ਉਹ ਅਗਲੇ ਹਫ਼ਤੇ ਫਲੋਰੀਡਾ ਦੇ ਨੇਪਲਜ਼ ਵਿੱਚ ਹੋਣ ਵਾਲੀ ਯੂਐਸ ਓਪਨ ਪਿਕਲਬਾਲ ਚੈਂਪੀਅਨਸ਼ਿਪ ਵਿੱਚ ਮਿਕਸਡ ਪ੍ਰੋ ਡਿਵੀਜ਼ਨ ਵਿੱਚ ਮੁਕਾਬਲਾ ਕਰੇਗਾ, ਜਿਸ ਵਿੱਚ ਉਹ ਕਿਸ਼ੋਰ ਅੰਨਾ ਲੇ ਵਾਟਰਸ ਨਾਲ ਜੋੜੀ ਬਣਾਏਗਾ। ਅਗਾਸੀ ਅਗਲੇ ਹਫ਼ਤੇ 55 ਸਾਲ ਦੇ ਹੋ ਜਾਣਗੇ। ਉਸਨੇ 1994 ਅਤੇ 1999 ਵਿੱਚ ਟੈਨਿਸ ਯੂਐਸ ਓਪਨ ਜਿੱਤਿਆ। ਉਹ ਉਨ੍ਹਾਂ ਕੁਝ ਖਿਡਾਰੀਆਂ ਵਿੱਚੋਂ ਇੱਕ ਹੈ ਜਿਨ੍ਹਾਂ ਨੇ ਕਰੀਅਰ ਗ੍ਰੈਂਡ ਸਲੈਮ ਪੂਰਾ ਕੀਤਾ ਹੈ, ਉਸਨੇ ਟੈਨਿਸ ਵਿੱਚ ਸਾਰੇ ਚਾਰ ਗ੍ਰੈਂਡ ਸਲੈਮ ਜਿੱਤੇ ਹਨ। ਉਸਨੂੰ 2011 ਵਿੱਚ ਅੰਤਰਰਾਸ਼ਟਰੀ ਟੈਨਿਸ ਹਾਲ ਆਫ਼ ਫੇਮ ਵਿੱਚ ਸ਼ਾਮਲ ਕੀਤਾ ਗਿਆ ਸੀ। ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਉਹ ਕਿਸੇ ਪਿਕਲਬਾਲ ਚੈਂਪੀਅਨਸ਼ਿਪ ਵਿੱਚ ਹਿੱਸਾ ਲਵੇਗਾ।
ਮੰਧਾਨਾ ਤੇ ਬੁਮਰਾਹ ਨੂੰ ਵਿਜ਼ਡਨ ਦੇ ਸਰਵੋਤਮ ਕ੍ਰਿਕਟਰ ਦਾ ਸਨਮਾਨ
NEXT STORY 
