ਬੇਲਗ੍ਰੇਡ (ਸਰਬੀਆ) : ਭਾਰਤ ਦੀ ਨੌਜਵਾਨ ਪਹਿਲਵਾਨ ਅੰਤਿਮ ਪੰਘਾਲ ਨੇ ਬੁੱਧਵਾਰ ਨੂੰ ਇੱਥੇ ਕੁਆਲੀਫਿਕੇਸ਼ਨ ਰਾਊਂਡ ਵਿਚ ਮੌਜੂਦਾ ਵਿਸ਼ਵ ਚੈਂਪੀਅਨ ਅਮਰੀਕਾ ਦੀ ਓਲੀਵੀਆ ਡੋਮਿਨਿਕ ਪੈਰਿਸ਼ ਨੂੰ ਹਰਾ ਕੇ ਵਿਸ਼ਵ ਕੁਸ਼ਤੀ ਚੈਂਪੀਅਨਸ਼ਿਪ ਵਿਚ ਆਪਣੀ ਮੁਹਿੰਮ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ।
ਪੰਘਾਲ ਇਸ ਪਹਿਲੇ ਦੌਰ ਦੇ ਮੈਚ ਵਿੱਚ ਇੱਕ ਸਮੇਂ 0-2 ਨਾਲ ਪਿੱਛੇ ਸੀ ਪਰ ਇਸ ਤੋਂ ਬਾਅਦ ਉਨ੍ਹਾਂ ਨੇ ਜ਼ਬਰਦਸਤ ਵਾਪਸੀ ਕੀਤੀ ਅਤੇ 3-2 ਨਾਲ ਜਿੱਤ ਦਰਜ ਕੀਤੀ। ਅਮਰੀਕੀ ਪਹਿਲਵਾਨ ਦਾ ਸ਼ੁਰੂ ਵਿੱਚ ਦਬਦਬਾ ਰਿਹਾ। ਉਸਨੇ ਪੰਘਾਲ ਦੀ ਸੱਜੀ ਲੱਤ ਨੂੰ ਫੜ ਲਿਆ ਅਤੇ ਭਾਰਤੀ ਪਹਿਲਵਾਨ ਨੂੰ ਹੇਠਾਂ ਸੁੱਟ ਕੇ ਦੋ ਅੰਕ ਬਣਾ ਲਏ। ਇਸ ਤੋਂ ਬਾਅਦ 19 ਸਾਲਾ ਭਾਰਤੀ ਪਹਿਲਵਾਨ ਨੇ ਹਾਲਾਂਕਿ ਮਜ਼ਬੂਤ ਬਚਾਅ ਕੀਤਾ ਅਤੇ ਉਸ ਨੇ ਅਜਿਹੀਆਂ ਦੋ ਹੋਰ ਕੋਸ਼ਿਸ਼ਾਂ ਨੂੰ ਨਾਕਾਮ ਕਰ ਦਿੱਤਾ ਅਤੇ ਪਹਿਲੇ ਪੀਰੀਅਡ 'ਚ ਕੋਈ ਹੋਰ ਅੰਕ ਨਹੀਂ ਗੁਆਇਆ।
ਇਹ ਵੀ ਪੜ੍ਹੋ : BCCI ਨੇ ਦੱਖਣੀ ਭਾਰਤੀ ਸਟਾਰ ਰਜਨੀਕਾਂਤ ਨੂੰ ਵੀ ਦਿੱਤੀ ਗੋਲਡਨ ਟਿਕਟ
ਇਸ ਤੋਂ ਬਾਅਦ ਵੀ ਪੰਘਾਲ ਨੇ ਆਪਣਾ ਮਜ਼ਬੂਤ ਬਚਾਅ ਕਾਇਮ ਰੱਖਿਆ ਅਤੇ ਪੈਰਿਸ਼ ਨੂੰ ਕਿਸੇ ਵੀ ਤਰ੍ਹਾਂ ਹਮਲਾ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ। ਭਾਰਤੀ ਪਹਿਲਵਾਨ ਨੇ ਫਿਰ ਅਮਰੀਕੀ ਖਿਡਾਰੀ ਦੀ ਖੱਬੀ ਲੱਤ ਫੜ ਕੇ ਉਸ ਨੂੰ ਹੇਠਾਂ ਸੁੱਟ ਦਿੱਤਾ ਅਤੇ ਦੋ ਅੰਕ ਬਣਾ ਕੇ ਮੈਚ ਬਰਾਬਰ ਕਰ ਦਿੱਤਾ। ਪੈਰਿਸ਼ ਨੇ ਫਿਰ ਅਕਿਰਿਆਸ਼ੀਲ ਰਹਿਣ ਲਈ ਇੱਕ ਅੰਕ ਗੁਆ ਦਿੱਤਾ। ਪੰਘਾਲ ਨੇ ਇਸ ਮਾਮੂਲੀ ਬੜ੍ਹਤ ਨੂੰ ਅੰਤ ਤੱਕ ਬਰਕਰਾਰ ਰੱਖਿਆ ਅਤੇ ਜਿੱਤ ਦਰਜ ਕੀਤੀ।
ਭਾਰਤ ਦੇ ਪੰਜ ਮਹਿਲਾ ਪਹਿਲਵਾਨ ਅਤੇ 10 ਪੁਰਸ਼ ਫ੍ਰੀਸਟਾਈਲ ਪਹਿਲਵਾਨ ਪਹਿਲਾਂ ਹੀ ਟੂਰਨਾਮੈਂਟ ਤੋਂ ਬਾਹਰ ਹੋ ਚੁੱਕੇ ਹਨ। ਉਹ ਓਲੰਪਿਕ ਕੋਟਾ ਹਾਸਲ ਕਰਨ ਜਾਂ ਗੈਰ-ਓਲੰਪਿਕ ਸ਼੍ਰੇਣੀਆਂ ਵਿੱਚ ਤਗਮੇ ਜਿੱਤਣ ਵਿੱਚ ਅਸਫਲ ਰਹੇ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:-
https://play.google.com/store/apps/details?id=com.jagbani&hl=en&pli=1
For IOS:-
https://apps.apple.com/in/app/id538323711
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ
ਸਪੇਨ ਦੀ ਮਹਿਲਾ ਫੁੱਟਬਾਲ ਟੀਮ ਬਾਈਕਾਟ ਖਤਮ ਕਰਨ ਲਈ ਰਾਜ਼ੀ
NEXT STORY 
