ਮਾਂਟ੍ਰੀਅਲ— ਬੇਲਾਰੂਸ ਦੀ ਚੋਟੀ ਦਾ ਦਰਜਾ ਪ੍ਰਾਪਤ ਐਰਿਨਾ ਸਬਾਲੇਂਕਾ ਨੇ ਕੁਆਰਟਰ ਫ਼ਾਈਨਲ ’ਚ ਹਮਵਤਨ ਵਿਕਟੋਰੀਆ ਅਜ਼ਾਰੇਂਕਾ ਨੂੰ ਸਿੱਧੇ ਸੈੱਟਾਂ ’ਚ ਹਰਾ ਕੇ ਨੈਸ਼ਨਲ ਬੈਂਕ ਓਪਨ ਟੈਨਿਸ ਟੂਰਨਾਮੈਂਟ ਦੇ ਸੈਮੀਫ਼ਾਈਨਲ ’ਚ ਜਗ੍ਹਾ ਬਣਾਈ। ਦੁਨੀਆ ਦੀ ਦੂਜੇ ਨੰਬਰ ਦੀ ਖਿਡਾਰੀ ਦੂਜੇ ਸੈੱਟ ’ਚ 2-4 ਨਾਲ ਪੱਛੜੀ ਸੀ ਪਰ ਇਸ ਤੋਂ ਬਾਅਦ ਲਗਾਤਾਰ ਚਾਰ ਗੇਮ ਜਿੱਤ ਕੇ 6-2, 6-4 ਨਾਲ ਜਿੱਤ ਦਰਜ ਕਨ ’ਚ ਸਫਲ ਰਹੀ।
ਸੈਮੀਫਾਈਨਲ ’ਚ ਸਬਾਲੇਂਕਾ ਦਾ ਮੁਕਾਬਲਾ ਚੌਥਾ ਦਰਜਾ ਪ੍ਰਾਪਤ ਗਣਰਾਜ ਦੀ ਕੈਰੋਲਿਨਾ ਪਲਿਸਕੋਵਾ ਨਾਲ ਹੋਵੇਗਾ ਜਿਨ੍ਹਾਂ ਨੇ ਸਪੇਨ ਦੀ ਸਾਰਾ ਸੋਰੀਬੇਸ ਟੋਰਮੋ ਨੂੰ 6-4, 6-0 ਨਾਲ ਹਰਾਇਆ। ਅਮਰੀਕਾ ਦੀ ਜੇਸਿਕਾ ਪੇਗੁਲਾ ਨੇ ਪੱਛੜਨ ਦੇ ਬਾਅਦ ਵਾਪਸੀ ਕਰਦੇ ਹੋਏ ਟਿਊਨੀਸ਼ੀਆ ਦੀ ਓਨਸ ਜੇਬੁਏਰ ਨੂੰ 1-6, 7-6, 6-0 ਨਾਲ ਹਰਾਇਆ। ਸੈਮੀਫ਼ਾਈਨਲ ’ਚ ਉਨ੍ਹਾਂ ਦਾ ਸਾਹਮਣਾ ਇਟਲੀ ਦੀ ਕੈਮਿਲਾ ਜਾਰਜੀ ਨਾਲ ਹੋਵੇਗਾ ਜਿਨ੍ਹਾਂ ਨੇ ਅਮਰੀਕਾ ਦੀ 17 ਸਾਲ ਦੀ ਕੋਕੋ ਗਾਫ਼ ਨੂੰ 6-4, 7-6 ਨਾਲ ਹਰਾਇਆ।
ENG vs IND 2nd Test : ਤੀਜੇ ਦਿਨ ਦੀ ਖੇਡ ਖਤਮ, ਇੰਗਲੈਂਡ ਦੀ ਪਾਰੀ 391 ਦੌੜਾਂ ’ਤੇ ਸਿਮਟੀ
NEXT STORY 
