ਮਿਆਮੀ : ਇੰਟਰ ਮਿਆਮੀ ਨੇ ਪੁਸ਼ਟੀ ਕੀਤੀ ਹੈ ਕਿ ਸਟਾਰ ਫੁੱਟਬਾਲਰ ਲਿਓਨਲ ਮੈਸੀ ਦੀ ਖੱਬੀ ਹੈਮਸਟ੍ਰਿੰਗ (hamstring) ਵਿੱਚ ਸਮੱਸਿਆ ਹੈ, ਜੋ ਵਿਸ਼ਵ ਕੱਪ ਚੈਂਪੀਅਨ ਅਰਜਨਟੀਨਾ ਲਈ ਆਪਣੇ ਖਿਤਾਬ ਦੀ ਰੱਖਿਆ ਕਰਨ ਦੀ ਮੁਹਿੰਮ ਸ਼ੁਰੂ ਕਰਨ ਤੋਂ ਪਹਿਲਾਂ ਇੱਕ ਬੁਰੀ ਖ਼ਬਰ ਹੈ। ਮੈਸੀ ਐਤਵਾਰ ਨੂੰ ਇੰਟਰ ਮਿਆਮੀ ਵੱਲੋਂ ਖੇਡਦੇ ਹੋਏ ਮੈਚ ਦੇ ਵਿਚਕਾਰੋਂ ਹੀ ਮੈਦਾਨ ਛੱਡ ਕੇ ਚਲੇ ਗਏ ਸਨ, ਜਿਸ ਤੋਂ ਬਾਅਦ ਸੋਮਵਾਰ ਨੂੰ ਉਨ੍ਹਾਂ ਦੇ ਡਾਕਟਰੀ ਟੈਸਟ ਕੀਤੇ ਗਏ।
ਵਾਪਸੀ ਬਾਰੇ ਅਜੇ ਸਥਿਤੀ ਸਪੱਸ਼ਟ ਨਹੀਂ
ਹਾਲਾਂਕਿ ਇਹ ਕਿਸ ਤਰ੍ਹਾਂ ਦੇ ਟੈਸਟ ਸਨ, ਇਸ ਬਾਰੇ ਖੁਲਾਸਾ ਨਹੀਂ ਕੀਤਾ ਗਿਆ ਹੈ, ਪਰ ਰਿਪੋਰਟਾਂ ਅਨੁਸਾਰ ਉਨ੍ਹਾਂ ਦੀ ਖੱਬੀ ਹੈਮਸਟ੍ਰਿੰਗ ਦੀਆਂ ਮਾਸਪੇਸ਼ੀਆਂ ਵਿੱਚ ਕੁਝ ਸਮੱਸਿਆ ਹੈ। ਮੈਸੀ ਦੇ ਮਾਮਲੇ ਵਿੱਚ ਅਜੇ ਇਹ ਨਿਸ਼ਚਿਤ ਨਹੀਂ ਹੈ ਕਿ ਉਹ ਕਦੋਂ ਤੱਕ ਮੈਦਾਨ ਵਿੱਚ ਵਾਪਸੀ ਕਰਨਗੇ। ਇੰਟਰ ਮਿਆਮੀ ਅਨੁਸਾਰ, ਸਰੀਰਕ ਗਤੀਵਿਧੀਆਂ ਵਿੱਚ ਉਨ੍ਹਾਂ ਦੀ ਵਾਪਸੀ ਪੂਰੀ ਤਰ੍ਹਾਂ ਉਨ੍ਹਾਂ ਦੀ ਡਾਕਟਰੀ ਅਤੇ ਕਾਰਜਾਤਮਕ ਪ੍ਰਗਤੀ 'ਤੇ ਨਿਰਭਰ ਕਰੇਗੀ।
ਅਰਜਨਟੀਨਾ ਦੀਆਂ ਯੋਜਨਾਵਾਂ ਨੂੰ ਝਟਕਾ
ਮੇਸੀ ਦੀ ਇਹ ਸੱਟ ਅਰਜਨਟੀਨਾ ਦੀਆਂ ਵਿਸ਼ਵ ਕੱਪ ਯੋਜਨਾਵਾਂ ਨੂੰ ਕਰਾਰਾ ਝਟਕਾ ਦੇ ਸਕਦੀ ਹੈ ਕਿਉਂਕਿ ਇਹ ਸਟਾਰ ਸਟ੍ਰਾਈਕਰ ਪਹਿਲਾਂ ਹੀ ਸਪੱਸ਼ਟ ਕਰ ਚੁੱਕਾ ਹੈ ਕਿ ਉਹ ਪੂਰੀ ਤਰ੍ਹਾਂ ਫਿੱਟ ਹੋਣ 'ਤੇ ਹੀ ਵਿਸ਼ਵ ਕੱਪ ਵਿੱਚ ਖੇਡਣਗੇ। ਵਿਸ਼ਵ ਕੱਪ ਦੇ ਗਰੁੱਪ 'ਜੇ' (Group J) ਵਿੱਚ ਅਰਜਨਟੀਨਾ ਦਾ ਸ਼ਡਿਊਲ ਇਸ ਪ੍ਰਕਾਰ ਹੈ:
16 ਜੂਨ: ਅਲਜੀਰੀਆ ਵਿਰੁੱਧ (ਕੰਸਾਸ ਸਿਟੀ)।
22 ਜੂਨ: ਆਸਟ੍ਰੀਆ ਵਿਰੁੱਧ (ਟੈਕਸਾਸ)।
27 ਜੂਨ: ਜਾਰਡਨ ਵਿਰੁੱਧ (ਅਰਲਿੰਗਟਨ)।
ਇੱਕਲੌਤੇ ਦੋਹਰੇ 'ਗੋਲਡਨ ਬਾਲ' ਜੇਤੂ ਲਿਓਨਲ ਮੇਸੀ ਹੁਣ ਤੱਕ ਪੰਜ ਵਿਸ਼ਵ ਕੱਪਾਂ ਵਿੱਚ ਹਿੱਸਾ ਲੈ ਚੁੱਕੇ ਹਨ। ਉਹ ਸਾਲ 1982 ਤੋਂ ਦਿੱਤੇ ਜਾ ਰਹੇ 'ਗੋਲਡਨ ਬਾਲ' ਪੁਰਸਕਾਰ ਨੂੰ ਦੋ ਵਾਰ (ਪਹਿਲੀ ਵਾਰ 2014 ਵਿੱਚ ਅਤੇ ਫਿਰ 2022 ਵਿੱਚ) ਜਿੱਤਣ ਵਾਲੇ ਦੁਨੀਆ ਦੇ ਇਕਲੌਤੇ ਖਿਡਾਰੀ ਹਨ। ਉਨ੍ਹਾਂ ਨੇ ਸਾਲ 2022 ਵਿੱਚ ਅਰਜਨਟੀਨਾ ਨੂੰ ਵਿਸ਼ਵ ਕੱਪ ਦਾ ਖਿਤਾਬ ਦਿਵਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ ਸੀ।
PBKS ਦੇ ਪਲੇਅ-ਆਫ ਦੀ ਦੌੜ ਤੋਂ ਬਾਹਰ ਹੋਣ ਮਗਰੋਂ ਛਲਕਿਆ ਸਰਪੰਚ ਸਾਬ੍ਹ ਦਾ ਦਰਦ, ਭਾਵੁਕ ਪੋਸਟ ਹੋਈ ਵਾਇਰਲ
NEXT STORY 
