ਨਵੀਂ ਦਿੱਲੀ- ਏ .ਟੀ. ਕੇ. ਮੋਹਨ ਬਾਗਾਨ ਦੇ ਗੋਲਕੀਪਰ ਅਮਰਿੰਦਰ ਸਿੰਘ ਨੂੰ ਐਤਵਾਰ ਨੂੰ ਕੋਵਿਡ-19 ਲਈ ਪਾਜ਼ੇਟਿਵ ਪਾਇਆ ਗਿਆ ਹੈ ਤੇ ਉਹ ਇਕ ਅਕਤੂਬਰ ਤੋਂ ਮਾਲਦੀਵ 'ਚ ਹੋਣ ਵਾਲੀ ਸੈਫ਼ ਚੈਂਪੀਅਨਸ਼ਿਪ ਦੀ ਭਾਰਤੀ ਟੀਮ ਤੋਂ ਬਾਹਰ ਹੋ ਗਏ ਹਨ। ਏ. ਟੀ. ਕੇ. ਮੋਹਨ ਬਾਗਾਨ ਸੂਤਰਾਂ ਨੇ ਨਾਂ ਨਾ ਦੱਸਣ ਦੀ ਸ਼ਰਤ 'ਤੇ ਕਿਹਾ ਕਿ ਹਾਂ, ਉਨ੍ਹਾਂ ਦਾ ਟੈਸਟ ਪਾਜ਼ੇਟਿਵ ਆਇਆ ਹੈ। ਚੰਡੀਗੜ੍ਹ 'ਚ ਉਨ੍ਹਾਂ ਦੇ ਘਰ 'ਚ ਉਨ੍ਹਾਂ ਦਾ ਟੈਸਟ ਪਾਜ਼ੇਟਿਵ ਪਾਇਆ ਗਿਆ। ਉਨ੍ਹਾਂ ਨੂੰ ਸੋਮਵਾਰ ਨੂੰ ਰਾਸ਼ਟਰੀ ਕੈਂਪ ਨਾਲ ਜੁੜਨਾ ਸੀ। ਅਮਰਿੰਦਰ ਨੂੰ ਸੈਫ ਚੈਂਪੀਅਨਸ਼ਿਪ ਦੇ ਲਈ 23 ਮੈਂਬਰੀ ਟੀਮ 'ਚ ਸ਼ਾਮਲ ਕੀਤਾ ਗਿਆ ਸੀ ਪਰ ਹੁਣ ਉਨ੍ਹਾਂ ਦੀ ਜਗ੍ਹਾ ਧੀਰਜ ਸਿੰਘ ਮੋਈਰੰਗਥਮ ਨੂੰ ਚੁਣਿਆ ਗਿਆ ਹੈ।
ਲੱਤ ਤੋਂ ਵਗ ਰਿਹਾ ਸੀ ਖ਼ੂਨ, ਫਿਰ ਵੀ ਬਾਊਂਡਰੀ 'ਤੇ ਡੁਪਲੇਸਿਸ ਨੇ ਫੜੀ ਜ਼ਬਰਦਸਤ ਕੈਚ (ਵੇਖੋ ਵੀਡੀਓ)
NEXT STORY 
