ਬ੍ਰਿਸਬੇਨ: ਜਾਰਜੀਆ ਵੋਲ (101) ਅਤੇ ਐਲਿਸਾ ਪੇਰੀ (105) ਦੇ ਸ਼ਾਨਦਾਰ ਸੈਂਕੜਿਆਂ ਦੀ ਮਦਦ ਨਾਲ ਆਸਟਰੇਲੀਆ ਨੇ ਐਤਵਾਰ ਨੂੰ ਇੱਥੇ ਦੂਜੇ ਮਹਿਲਾ ਵਨਡੇ ਮੈਚ ਭਾਰਤ ਖਿਲਾਫ 8 ਵਿਕਟਾਂ 'ਤੇ 371 ਦੌੜਾਂ ਦਾ ਵੱਡਾ ਸਕੋਰ ਬਣਾਇਆ। ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫ਼ੈਸਲਾ ਕਰਨ ਤੋਂ ਬਾਅਦ, ਫੋਬੀ ਲਿਚਫੀਲਡ (60) ਅਤੇ ਵੋਲ ਦਾ ਸਲਾਮੀ ਜੋੜੀ ਨੇ ਆਸਟਰੇਲੀਆ ਨੂੰ 130 ਦੀ ਸ਼ਨਾਦਾਰ ਸਾਂਝੇਦਾਰੀ ਦੇ ਨਾਲ ਆਸਟ੍ਰੇਲੀਆ ਨੂੰ ਸ਼ਾਨਦਾਰ ਸ਼ੁਰੂਆਤ ਦਿਵਾਈ।
ਇਹ ਸਕੋਰ ਹੁਣ ਮਹਿਲਾ ਵਨਡੇ ਮੈਚਾਂ ਵਿੱਚ ਭਾਰਤ ਖਿਲਾਫ ਕੀਤਾ ਗਿਆ ਸਭ ਤੋਂ ਵੱਡਾ ਸਕੋਰ ਹੈ, ਜਿਸ ਨੇ ਇਸ ਸਾਲ ਜਨਵਰੀ ਵਿੱਚ ਵੈਂਕਦਾ ਸਟੇਡੀਅਮ ਵਿੱਚ ਆਸਟਰੇਲੀਆ ਦੁਆਰਾ 338/7 ਦੇ ਪਿਛਲੇ ਸਕੋਰ ਨੂੰ ਪਿੱਛੇ ਛੱਡ ਦਿੱਤਾ ਸੀ। ਭਾਰਤ ਉਸ ਮੈਚ ਵਿਚ 190 ਦੌੜਾਂ ਦੇ ਇਕ ਵੱਡੇ ਫਰਕ ਨਾਲ ਹਾਰ ਗਿਆ ਸੀ।
ਵੌਲ ਨੇ ਫਿਰ ਦੂਜੀ ਵਿਕਟ ਲਈ ਪੇਰੀ ਨਾਲ 92 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਵੋਲ ਦੇ ਆਊਟ ਹੋਣ ਦੇ ਬਾਅਦ ਪੇਰੀ ਨੇ ਹਮਲਾਵਰ ਬੱਲੇਬਾਜ਼ੀ ਜਾਰੀ ਰੱਖੀ ਅਤੇ ਬੈਥ ਮੁਨੀ (56) ਨਾਲ ਮਿਲ ਕੇ 98 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਭਾਰਤੀ ਗੇਂਦਬਾਜ਼ਾਂ 'ਤੇ ਦਬਦਬਾ ਬਣਾਇਆ। ਸਾਈਮਾ ਠਾਕੋਰ ਭਾਰਤੀ ਗੇਂਦਬਾਜ਼ਾਂ ਵਿਚ ਸਭ ਤੋਂ ਸਫਲ ਰਹੀ। ਉਸਨੇ 62 ਦੌੜਾਂ ਲਈ ਤਿੰਨ ਵਿਕਟਾਂ ਲਈਆਂ.
ਮਿਨੂ ਮਨੀ ਨੂੰ 71 ਦੌੜਾਂ ਲਈ ਦੋ ਵਿਕਟਾਂ ਮਿਲੀਆਂ ਜਦੋਂ ਕਿ ਰੇਣੂਕਾ ਸਿੰਘ (78 ਦੌੜਾਂ 'ਤੇ ਇਕ ਵਿਕਟ), ਦੀਪਤੀ ਸ਼ਰਮਾ (59 ਦੌੜਾਂ 'ਤੇ ਇਕ ਵਿਕਟ) ਅਤੇ ਪ੍ਰਿਆ ਮਿਸ਼ਰਾ (88 ਦੌੜਾਂ 'ਤੇ ਇਕ ਵਿਕਟ) ਨੂੰ ਇਕ-ਇਕ ਸਫਲਤਾ ਮਿਲੀ। ਭਾਰਤ ਸ਼ੁਰੂਆਤੀ ਵਨਡੇ 5 ਵਿਕਟਾਂ ਨਾਲ ਹਾਰ ਗਿਆ ਸੀ।
ਨਿਊਜ਼ੀਲੈਂਡ ‘ਚ ਲੱਗੀਆਂ ਰੌਣਕਾਂ, ਵੇਖੋ ਵਰਲਡ ਕਬੱਡੀ ਕੱਪ ਦੀਆਂ ਤਸਵੀਰਾਂ
NEXT STORY 
