ਨਵੀਂ ਦਿੱਲੀ, (ਬਿਊਰੋ)— ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੂੰ ਆਈ.ਸੀ.ਸੀ. ਨੇ ਕਰਿਕਟਰ ਆਫ ਦ ਈਅਰ ਦੇ ਐਵਾਰਡ ਨਾਲ ਨਵਾਜ਼ਿਆ ਹੈ । ਵਿਰਾਟ ਕੋਹਲੀ ਪਿਛਲੇ ਕੁਝ ਸਮੇਂ ਤੋਂ ਬੱਲੇ ਨਾਲ ਲਗਾਤਾਰ ਚੰਗਾ ਪ੍ਰਦਰਸ਼ਨ ਕਰ ਰਹੇ ਹਨ । ਬਤੌਰ ਕਪਤਾਨ ਵੀ ਵਿਰਾਟ ਕੋਹਲੀ ਆਪਣੀ ਇੱਕ ਵੱਖ ਪਛਾਣ ਬਣਾਉਣ ਵਿੱਚ ਸਫਲ ਰਹੇ ਹਨ । ਸਾਲ 2017 ਵਿਰਾਟ ਲਈ ਬੇਹੱਦ ਖਾਸ ਰਿਹਾ ਹੈ, ਉਨ੍ਹਾਂ ਨੇ ਕ੍ਰਿਕਟ ਦੇ ਤਿੰਨਾਂ ਫਾਰਮੈਟ ਵਿੱਚ ਖੂਬ ਦੌੜਾਂ ਬਣਾਈਆਂ ਹਨ । ਆਈ.ਸੀ.ਸੀ. ਰੈਂਕਿੰਗ ਵਿੱਚ ਵਿਰਾਟ ਕੋਹਲੀ ਤਿੰਨਾਂ ਫਾਰਮੈਟ ਵਿੱਚ ਟਾਪ 3 ਵਿੱਚ ਕਾਇਮ ਹਨ ।
ਆਈ.ਸੀ.ਸੀ. ਕਰਿਕਟਰ ਆਫ ਦ ਈਅਰ ਅਤੇ ਵਨਡੇ ਪਲੇਅਰ ਆਫ ਦ ਈਅਰ ਚੁਣੇ ਜਾਣ ਦੇ ਬਾਅਦ ਵਿਰਾਟ ਕੋਹਲੀ ਨੇ ਕਿਹਾ, ''ਇਸ ਸਨਮਾਨ ਨਾਲ ਕਾਫ਼ੀ ਖੁਸ਼ ਹਾਂ, ਭਵਿੱਖ ਵਿੱਚ ਆਪਣੇ ਪ੍ਰਦਰਸ਼ਨ ਨੂੰ ਇੰਝ ਹੀ ਬਰਕਰਾਰ ਰੱਖਣ ਦੀ ਕੋਸ਼ਿਸ਼ ਕਰਾਂਗਾ''। ਵਿਰਾਟ ਦੇ ਬਾਅਦ ਹੁਣ ਬੀ.ਸੀ.ਸੀ.ਆਈ. ਨੇ ਉਨ੍ਹਾਂ ਦੀ ਇਸ ਉਪਲਬਧੀ ਉੱਤੇ ਖੁਸ਼ੀ ਜਤਾਈ ਹੈ । ਬੀ.ਸੀ.ਸੀ.ਆਈ. ਦੇ ਕਾਰਜਵਾਹਕ ਪ੍ਰਧਾਨ ਸੀ.ਕੇ. ਖੰਨਾ ਨੇ ਕਿਹਾ, ''ਪੂਰੇ ਦੇਸ਼ ਨੂੰ ਵਿਰਾਟ ਕੋਹਲੀ ਉੱਤੇ ਮਾਣ ਹੋਣਾ ਚਾਹੀਦਾ ਹੈ, ਵਿਰਾਟ ਨੂੰ ਇਸ ਮੁਕਾਮ ਤੱਕ ਪਹੁੰਚਾਉਣ ਵਿੱਚ ਉਨ੍ਹਾਂ ਦੀ ਫਿੱਟਨੈਸ ਦਾ ਬਹੁਤ ਵੱਡਾ ਹੱਥ ਹੈ । ਬਤੌਰ ਖਿਡਾਰੀ ਉਹ ਆਪਣੇ ਸਰੀਰ ਦਾ ਕਾਫੀ ਧਿਆਨ ਰੱਖਦੇ ਹਨ । ਅਜੋਕੇ ਸਮੇਂ ਵਿੱਚ ਖਿਡਾਰੀਆਂ ਲਈ ਫਿੱਟ ਰਹਿਣਾ ਬੇਹੱਦ ਜਰੂਰੀ ਹੈ । ਯੁਵਾ ਕਰਿਕਟਰਾਂ ਲਈ ਵਿਰਾਟ ਇੱਕ ਪ੍ਰੇਰਨਾ ਦੇ ਸਰੋਤ ਹਨ। ਉਹ ਯੁਵਾ ਕ੍ਰਿਕਟਰਾਂ ਲਈ ਇਕ ਜਿਊਦੀ-ਜਾਗਦੀ ਉਦਾਹਰਣ ਹੈ ।''
IND VS SA : ਸੱਟ ਨਹੀਂ, 'ਇਸ ਵਜ੍ਹਾ' ਨਾਲ ਸਾਹਾ ਦੱਖਣੀ ਅਫਰੀਕਾ ਤੋਂ ਵਾਪਸ ਪਰਤੇ
NEXT STORY