ਨਵੀਂ ਦਿੱਲੀ- ਅਖਿਲ ਭਾਰਤੀ ਫੁੱਟਬਾਲ ਮਹਾਸੰਘ ਦੇ ਪ੍ਰਧਾਨ ਕਲਿਆਣ ਚੌਬੇ ਨੇ ਕਿਹਾ ਕਿ ਰਾਸ਼ਟਰੀ ਟੀਮ ਦਾ ਨਵਾਂ ਕੋਚ ਉਹ ਹੋਵੇਗਾ ਜੋ ਨਤੀਜੇ ਦੇ ਸਕੇਗਾ ਅਤੇ ਉਹ ਵੱਡੇ ਨਾਵਾਂ 'ਤੇ ਅੱਖਾਂ ਬੰਦ ਕਰਕੇ ਭਰੋਸਾ ਨਹੀਂ ਕਰਨਗੇ। ਇਗੋਰ ਸਟਿਮੈਕ ਦੇ ਜਾਣ ਤੋਂ ਬਾਅਦ ਨਵੇਂ ਕੋਚ ਦੀ ਚੋਣ ਲਈ ਏਆਈਐੱਫਐੱਫ ਕਾਰਜਕਾਰੀ ਕਮੇਟੀ ਜਲਦੀ ਹੀ ਬੈਠਕ ਕਰਨ ਜਾ ਰਹੀ ਹੈ।
ਪਿਛਲੇ 12 ਮਹੀਨਿਆਂ ਵਿੱਚ ਭਾਰਤ ਦੇ ਨੌਂ ਮੈਚ ਹਾਰੇ ਅਤੇ ਦੋ ਡਰਾਅ ਹੋਣ ਤੋਂ ਬਾਅਦ ਸਟਿਮੈਕ ਨੇ ਮੁੱਖ ਕੋਚ ਦੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ। ਚੌਬੇ ਨੇ ਇੱਕ ਵੀਡੀਓ ਵਿੱਚ ਪੀਟੀਆਈ ਨੂੰ ਕਿਹਾ, “ਮੇਰਾ ਮੰਨਣਾ ਹੈ ਕਿ ਨਤੀਜੇ ਬਹੁਤ ਮਾਇਨੇ ਰੱਖਦੇ ਹਨ। ਸਾਨੂੰ ਅਜਿਹੇ ਕੋਚ ਦੀ ਲੋੜ ਹੈ ਜੋ ਭਾਰਤੀ ਫੁੱਟਬਾਲ ਦਾ ਵਿਕਾਸ ਕਰ ਸਕੇ। ਭਾਰਤੀ ਟੀਮ ਦੇ ਨਾਲ ਨਤੀਜੇ ਦੇ ਸਕੇ।'' ਭਾਰਤ ਨੂੰ ਅਕਤੂਬਰ 'ਚ ਮੇਜ਼ਬਾਨ ਵੀਅਤਨਾਮ ਅਤੇ ਲੇਬਨਾਨ ਦੇ ਨਾਲ ਵੀਅਤਨਾਮ 'ਚ ਤਿਕੋਣੀ ਸੀਰੀਜ਼ ਖੇਡਣੀ ਹੈ। ਚੌਬੇ ਨੇ ਕਿਹਾ ਕਿ ਇਸ਼ਤਿਹਾਰ ਤੋਂ ਬਾਅਦ ਭਾਰਤੀ ਪੁਰਸ਼ ਫੁੱਟਬਾਲ ਟੀਮ ਦੇ ਮੁੱਖ ਕੋਚ ਲਈ ਕਈ ਅਰਜ਼ੀਆਂ ਆਈਆਂ ਹਨ। ਉਨ੍ਹਾਂ ਕਿਹਾ, “ਸਾਨੂੰ 291 ਅਰਜ਼ੀਆਂ ਮਿਲੀਆਂ ਹਨ, ਜਿਨ੍ਹਾਂ ਵਿੱਚੋਂ 17 ਨਾਵਾਂ ਦੀ ਚੋਣ ਕੀਤੀ ਗਈ ਹੈ, ਜਿਸ ਵਿੱਚ ਵਿਦੇਸ਼ੀ ਅਤੇ ਭਾਰਤੀ ਦੋਵੇਂ ਸ਼ਾਮਲ ਹਨ। ਅਸੀਂ ਕਾਰਜਕਾਰਨੀ ਕਮੇਟੀ ਦੀ ਮੀਟਿੰਗ ਵਿੱਚ ਉਨ੍ਹਾਂ 'ਤੇ ਚਰਚਾ ਕਰਾਂਗੇ। ਇਸ ਤੋਂ ਇਲਾਵਾ ਟੈਕਨੀਕਲ ਕਮੇਟੀ ਦੇ ਚੇਅਰਮੈਨ ਆਈ.ਐੱਮ ਵਿਜਯਨ ਨਾਲ ਵੀ ਆਨਲਾਈਨ ਗੱਲਬਾਤ ਕੀਤੀ ਜਾਵੇਗੀ।
PCB ਨੇ ਗਲੋਬਲ ਟੀ-20 ਲੀਗ ਖੇਡਣ ਲਈ ਖਿਡਾਰੀਆਂ ਦੀ NOC ਦੀ ਬੇਨਤੀ ਨੂੰ ਕੀਤਾ ਖਾਰਜ
NEXT STORY 
