ਸਪੋਰਟਸ ਡੈਸਕ : ਕੋਰੋਨਾ ਵਾਇਰਸ ਕਾਰਨ ਦੁਨੀਆ ਦੀਆਂ ਲੱਗਭਗ ਸਾਰੀਆਂ ਖੇਡਾਂ ਨੂੰ ਰੱਦ ਕਰ ਦਿੱਤਾ ਗਿਆ ਹੈ। ਕਈ ਖਿਡਾਰੀ ਵੀ ਇਸ ਦੀ ਲਪੇਟ ’ਚ ਆ ਰਹੇ ਹਨ। ਇਨ੍ਹਾਂ ਵਿਚੋਂ ਜ਼ਿਆਦਾ ਮਾਮਲੇ ਸਪੇਨ ਅਤੇ ਇਟਲੀ ਦੇ ਸਾਹਮਣੇ ਆ ਰਹੇ ਹਨ। ਹਾਲ ਹੀ ’ਚ ਇਟਲੀ ਦੇ ਕਲੱਬ ਯੂਵੈਂਟਸ ਦੇ ਸਟਾਰ ਫੁੱਟਬਾਲਰ ਪਾਲ ਡਾਈਬਾਲਾ ਵੀ ਕੋਰੋਨਾ ਵਾਇਰਸ ਪਾਜ਼ੇਟਿਵ ਪਾਏ ਗਏ ਹਨ। ਹੁਣ ਇਕ ਬੁਰੀ ਖਬਰ ਫੁੱਟਬਾਲ ਜਗਤ ਤੋਂ ਹੀ ਸਾਹਮਣੇ ਆਈ ਹੈ। ਇਹ ਯੂਰਪ ਨਹੀਂ ਅਫਰੀਕਾ ਤੋਂ ਹੈ। ਉੱਥੇ ਦੇ ਸਟਾਰ ਫੁੱਟਬਾਲਰ ਮੁਹੰਮਦ ਫਰਾਹ ਦੀ ਕੋਰੋਨਾ ਵਾਇਰਸ ਕਾਰਨ ਮੌਤ ਹੋ ਗਈ ਹੈ।
ਫਰਾਹ ਦੀ ਮੌਤ ਦੀ ਜਾਣਕਾਰੀ ਕਾਨਫੇਡਰੇਸ਼ਨ ਆਫ ਅਫਰੀਕਨ ਫੁੱਟਬਾਲ (CAF) ਅਤੇ ਸੋਮਾਲੀ ਫੁੱਟਬਾਲ ਫੈਡਰੇਸ਼ਨ (SFF) ਨੇ ਦਿੱਤੀ। ਉਹ ਇੰਗਲੈਂਡ ਦੀ ਰਾਜਧਾਨੀ ਲੰਡਨ ਦੇ ਨਾਰਥਵੇਸਟ ਲੰਡਨ ਹਸਪਤਾਲ ਵਿਚ ਭਰਤੀ ਸੀ। ਉਸ ਦੀ ਉਮਰ 59 ਸਾਲ ਸੀ। ਫਰਾਹ ਸੋਮਾਲੀਆ ਦੇ ਯੂਥ ਐਂਡ ਸਪੋਰਟਸ ਮਿਨਿਸਟਰ ਦੇ ਐਡਵਾਈਜ਼ਰ ਸੀ। ਉਸ ਦਾ ਜਨਮ ਸਿਟੀ ਆਫ ਬੇਲੇਡਵੇਅਨੇ ਦੀ ਰਾਜਧਾਨੀ ਮੋਗਾਦਿਸ਼ੁ ਤੋਂ 342 ਕਿਲੋਮੀਟਰ ਨਾਰਥ ਵਿਚ ਹੈ। ਫਰਾਹ ਕੋਰੋਨਾ ਵਾਇਰਸ ਕਾਰਨ ਜਾਨ ਗੁਆਉਣ ਵਾਲੇ ਪਹਿਲੇ ਅਫਰੀਕੀ ਫੁੱਟਬਾਲ ਸਟਾਰ ਹਨ। ਇਸ ਵਾਇਰਸ ਕਾਰਨ ਹੁਣ ਤਕ ਦੁਨੀਆ ਭਰ ਵਿਚ 21 ਹਜ਼ਾਰ ਤੋਂ ਜ਼ਿਆਦਾ ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ। ਫਰਾਹ ਨੇ 1976 ਵਿਚ ਫੁੱਟਬਾਲ ਕਰੀਅਰ ਦੀ ਸ਼ੁਰੂਆਤ ਕੀਤੀ। ਸਭ ਤੋਂ ਪਹਿਲਾਂ ਉਹ ਨੈਸ਼ਨਲ ਸਕੂਲ ਫੁੱਟਬਾਲ ਟੂਰਨਾਮੈਂਟ ਵਿਚ ਸੀ। ਇਸ ਤੋਂ ਬਾਅਦ 1976 ਵਿਚ ਖੇਤਰੀ ਪੱਧਰ ’ਤੇ ਉਸ ਨੂੰ ਖੇਡਣ ਦਾ ਮੌਕਾ ਮਿਲਿਆ। ਉੱਥੇ ਬਿਹਤਰੀਨ ਪ੍ਰਦਰਸ਼ਨ ਕਰਨ ਤੋਂ ਬਾਅਦ ਫਰਾਹ ਨੂੰ ਬਾਟਰੂਲਕਾ ਫੁੱਟਬਾਲ ਕਲੱਬ ਵਿਚ ਜਗ੍ਹਾ ਮਿਲੀ। ਇੱਥੇ ਉਹ 1980 ਤਕ ਖੇਡਦੇ ਰਹੇ।
ਕੋਰੋਨਾ ਵਾਇਰਸ ਕਾਰਨ ਦੁਨੀਆ ਦੇ 195 ਦੇਸ਼ਾਂ ਦੇ ਲੋਕ ਪਰੇਸ਼ਾਨ ਹਨ। ਹੁਣ ਤਕ 21 ਹਜ਼ਾਰ ਤੋਂ ਜ਼ਿਆਦਾ ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਤਾਂ 4 ਲੱਖ 60 ਹਜ਼ਾਰ ਤੋਂ ਜ਼ਿਆਦਾ ਲੋਕ ਇਸ ਨਾਲ ਇਨਫੈਕਟਿਡ ਹਨ। ਇਸ ਬੀਮਾਰੀ ਤੋਂ ਠੀਕ ਹੋਣ ਵਾਲੇ ਕਰੀਬ 1 ਲੱਖ 14 ਹਜ਼ਾਰ ਹੈ। ਦੁਨੀਆ ਦੀ ਇਕ ਤਿਹਾਈ ਆਬਾਦੀ ਕੋਰੋਨਾ ਵਾਇਰਸ ਕਾਰਨ ਲਾਕਡਾਊਨ ਹੈ। ਭਾਰਤ ਵਿਚ 130 ਤਾਂ ਇਟਲੀ ਵਿਚ 6 ਕਰੋੜ ਲੋਕ ਘਰਾਂ ਵਿਚ ਬੰਦ ਹਨ।
ਕੋਰੋਨਾ ਵਾਇਰਸ : ਵਟਸਐਪ 'ਤੇ ਹਕੀਮ ਬਣਨ ਵਾਲਿਆਂ ਦੀ ਅਖਤਰ ਨੇ ਲਾਈ ਕਲਾਸ, ਕਿਹਾ- ਕੁਝ ਤਾਂ ਸ਼ਰਮ ਕਰੋ
NEXT STORY 
