ਸਪੋਰਟਸ ਡੈਸਕ- ਇਕ ਪਾਸੇ ਭਾਰਤ ਤੇ ਇੰਗਲੈਂਡ ਵਿਚਾਲੇ ਟੈਸਟ ਮੈਚਾਂ ਦੀ ਲੜੀ ਦੇ ਦੂਜੇ ਮੁਕਾਬਲੇ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ, ਉੱਥੇ ਹੀ ਕ੍ਰਿਕਟ ਜਗਤ ਲਈ ਇਕ ਮੰਦਭਾਗੀ ਖ਼ਬਰ ਸਾਹਮਣੇ ਆ ਰਹੀ ਹੈ, ਜਿੱਥੇ 'ਨੈੱਡ' ਵਜੋਂ ਜਾਣੇ ਜਾਂਦੇ ਇੰਗਲੈਂਡ ਦੇ ਸਾਬਕਾ ਧਾਕੜ ਬੱਲੇਬਾਜ਼ ਵੇਨ ਲੈਰਕਿਨਜ਼ ਨੇ ਦੁਨੀਆ ਨੂੰ ਅਲਵਿਦਾ ਆਖ਼ ਦਿੱਤਾ ਹੈ। ਉਨ੍ਹਾਂ ਨੇ ਕੁਝ ਦੇਰ ਬਿਮਾਰ ਹੋਣ ਮਗਰੋਂ 71 ਸਾਲ ਦੀ ਉਮਰ 'ਚ ਆਖ਼ਰੀ ਸਾਹ ਲਿਆ।
ਵੇਨ ਨੇ ਸਾਲ 1979 ਤੋਂ ਲੈ ਕੇ 1991 ਤੱਕ ਇੰਗਲੈਂਡ ਲਈ 13 ਟੈਸਟ ਤੇ 25 ਵਨਡੇ ਮੈਚ ਖੇਡੇ। ਸਾਲ 1979 ਦੇ ਵਿਸ਼ਵ ਕੱਪ ਫਾਈਨਲ 'ਚ ਉਨ੍ਹਾਂ ਨੇ 7ਵੇਂ ਨੰਬਰ 'ਤੇ ਬੱਲੇਬਾਜ਼ੀ ਕੀਤੀ ਸੀ ਤੇ ਇਸ ਤੋਂ ਇਲਾਵਾ 2 ਓਵਰ ਗੇਂਦਬਾਜ਼ੀ ਵੀ ਕੀਤੀ ਸੀ। ਇੰਗਲੈਂਡ ਤੋਂ ਇਲਾਵਾ ਉਨ੍ਹਾਂ ਨੇ ਜ਼ਿਆਦਾਤਰ ਕ੍ਰਿਕਟ ਨਾਰਥੈਂਪਟਨਸ਼ਾਇਰ ਲਈ ਖੇਡੀ ਸੀ। ਉਨ੍ਹਾਂ ਨੇ ਨਾਰਥੈਂਪਟਨਸ਼ਾਇਰ ਲਈ 700 ਤੋਂ ਵੱਧ ਮੈਚ ਖੇਡੇ ਸਨ। ਇਸ ਦੌਰਾਨ 40 ਹਜ਼ਾਰ ਦੌੜਾਂ ਬਣਾਉਣ ਤੇ 85 ਸੈਂਕੜੇ ਜੜਨ ਤੋਂ ਬਾਅਦ ਉਨ੍ਹਾਂ ਨੇ ਕ੍ਰਿਕਟ ਤੋਂ ਸੰਨਿਆਸ ਲੈ ਕੇ ਦੁਰਹਮ ਰਹਿਣ ਦਾ ਫ਼ੈਸਲਾ ਕੀਤਾ।
ਵੇਨ ਦੇ ਦਿਹਾਂਤ ਤੋਂ ਬਾਅਦ ਉਨ੍ਹਾਂ ਦੀ ਪਤਨੀ ਡੈੱਬੀ ਨੇ ਕਿਹਾ ਕਿ ਨੈੱਡ ਹਰ ਕਿਸੇ ਨੂੰ ਪਿਆਰ ਕਰਦੇ ਸਨ ਤੇ ਹਰ ਕੋਈ ਉਨ੍ਹਾਂ ਨੂੰ ਪਿਆਰ ਕਰਦਾ ਸੀ। ਉਹ ਹਰ ਪਾਸੇ ਚਾਨਣ ਕਰ ਦਿੰਦੇ ਸੀ ਤੇ ਚਾਹੁੰਦੇ ਸੀ ਕਿ ਪਾਰਟੀ ਕਦੇ ਖ਼ਤਮ ਨਾ ਹੋਵੇ। ਉਹ ਹੁਣ ਅਸਮਾਨ 'ਚ ਪਾਰਟੀ ਕਰਦੇ ਹੋਣਗੇ।
ਇਹ ਵੀ ਪੜ੍ਹੋ- 5 ਕਾਮਿਆਂ ਦੀ ਲੋੜ ਤੇ ਪਹੁੰਚ ਗਏ 500 ! ਦੇਖੋ ਕੈਨੇਡਾ 'ਚ ਬੇਰੁਜ਼ਗਾਰੀ ਦੀ ਮੂੰਹੋਂ ਬੋਲਦੀ ਤਸਵੀਰ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
RCB ਦੇ ਤੇਜ਼ ਗੇਂਦਬਾਜ਼ ਦੀਆਂ ਵਧੀਆਂ ਮੁਸ਼ਕਲਾਂ: ਝੂਠ ਬੋਲ ਕਈ ਕੁੜੀਆਂ ਨਾਲ ਬਣਾਏ ਸਬੰਧ, Viral ਹੋਈ ਚੈਟ
NEXT STORY 
