ਗੁਹਾਟੀ — ਭਾਰਤ ਦੇ ਸਾਬਕਾ ਕਪਤਾਨ ਸੌਰਵ ਗਾਂਗੁਲੀ ਨੇ ਮਹਿੰਦਰ ਸਿੰਘ ਧੋਨੀ ਦਾ ਬਚਾਅ ਕਰਦੇ ਹੋਏ ਕਿਹਾ ਕਿ ਅਗਲੇ ਸਾਲ ਹੋਣ ਵਾਲੇ ਵਿਸ਼ਵ ਕੱਪ ਤੋਂ ਪਹਿਲਾਂ ਵੈਸਟ ਇੰਡੀਜ਼ ਖਿਲਾਫ ਮੌਜੂਦਾ ਲੜੀ ਉਸ ਦੇ ਲਈ ਬਹੁਤ (ਮਹੱਤਵਪੂਰਨ) ਖਾਸ ਹੋਵੇਗੀ। ਵਨ ਡੇ ਕ੍ਰਿਕਟ ਦੇ ਬੇਤਾਜ ਬਾਦਸ਼ਾਹ ਰਹੇ ਧੋਨੀ ਪਿਛਲੇ ਕੁਝ ਸਮੇਂ ਤੋਂ ਖਰਾਬ ਫਾਰਮ 'ਚ ਚੱਲ ਰਹੇ ਹਨ। ਵੈਸਟ ਇੰਡੀਜ਼ ਖਿਲਾਫ 5 ਮੈਚਾਂ ਦੀ ਮੌਜੂਦਾ ਲੜੀ ਸਮੇਤ ਭਾਰਤ ਨੂੰ ਅਗਲੇ ਸਾਲ ਹੋਣ ਵਾਲੇ ਵਿਸ਼ਵ ਕੱਪ ਤੋਂ ਪਹਿਲਾਂ 18 ਵਨ ਡੇ ਖੇਡਣੇ ਹਨ। ਦਿੱਲੀ ਦੇ ਵਿਕਟਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ ਨੂੰ ਟੀਮ 'ਚ ਸ਼ਾਮਲ ਕੀਤਾ ਗਿਆ ਹੈ।
ਗਾਂਗੁਲੀ ਨੇ ਕਿਹਾ ਕਿ ਮੈਨੂੰ ਨਹੀਂ ਪਤਾ ਕਿ ਟੀਮ ਸੰਯੋਜਨ ਕੀ ਹੋਵੇਗਾ ਪਰ ਮੈਨੂੰ ਯਕੀਨ ਹੈ ਕਿ ਧੋਨੀ ਵਿਸ਼ਵ ਕੱਪ 'ਚ ਵਧੀਆ ਪ੍ਰਦਰਸ਼ਨ ਕਰੇਗਾ। ਵੈਸਟ ਇੰਡੀਜ਼ ਖਿਲਾਫ ਇਹ ਲੜੀ ਉਸ ਦੇ ਲਈ ਵੱਡੀ ਹੋਵੇਗੀ। ਏਸ਼ੀਆ ਕੱਪ 'ਚ ਧੋਨੀ ਨੇ 4 ਪਾਰੀਆਂ 'ਚ 19.25 ਦੀ ਔਸਤ ਨਾਲ 77 ਦੌੜਾਂ ਬਣਾਈਆਂ। ਇਸ ਸਾਲ 'ਚ ਉਹ 10 ਪਾਰੀਆਂ 'ਚ 28.12 ਦੀ ਔਸਤ ਨਾਲ ਹੀ ਦੌੜਾਂ ਬਣਾ ਸਕੇ।
ਕੋਪਕਾ ਨੇ ਜਿੱਤਿਆ ਸੀ. ਜੀ. ਕੱਪ, ਜਦਕਿ ਸ਼ੁਭੰਕਰ ਰਿਹਾ 55ਵੇਂ ਸਥਾਨ 'ਤੇ
NEXT STORY 
