ਸਪੋਰਟਸ ਡੈਸਕ- ਆਈਪੀਐੱਲ 'ਚ 2012 ਤੋਂ 2025 ਤਕ ਆਪਣਾ ਯੋਗਦਾਨ ਦੇਣ ਵਾਲੇ ਦੱਖਣੀ ਅਫਰੀਕਾ ਦੇ ਧਾਕੜ ਬੱਲੇਬਾਜ਼ ਫਾਫ-ਡੁ-ਪਲੇਸਿਸ ਨੇ ਸ਼ਾਇਦ ਹੁਣ ਅਲਵਿਦਾ ਕਹਿਣ ਦਾ ਮਨ ਬਣਾ ਲਿਆ ਹੈ। ਉਨ੍ਹਾਂ ਨੇ ਇੰਸਟਾਗ੍ਰਾਮ 'ਤੇ ਪੋਸਟ ਕਰਦੇ ਹੋਏ ਆਪਣੇ ਇਸ ਫੈਸਲੇ ਦੀ ਜਾਣਕਾਰੀ ਦਿੱਤੀ ਹੈ ਕਿ ਉਹ 14 ਸਾਲਾਂ ਬਾਅਦ ਹੁਣ ਆਈਪੀਐੱਲ ਦੀ ਆਉਣ ਵਾਲੀ ਨਿਲਾਮੀ 'ਚੋਂ ਆਪਣਾ ਨਾਂ ਵਾਪਸ ਲੈਣ ਜਾ ਰਹੇ ਹਨ। ਹਾਲਾਂਕਿ, ਉਨ੍ਹਾਂ ਦੇ ਫੈਸਲੇ 'ਚ ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਉਹ ਪਾਕਿਸਤਾਨ ਸੁਪਰ ਲੀਗ ਖੇਡਦੇ ਰਹਿਣਗੇ।
ਉਨ੍ਹਾਂ ਕਿਹਾ ਹੈ ਕਿ ਇਹ ਉਨ੍ਹਾਂ ਦਾ ਗੁਡਬਾਏ ਨਹੀਂ ਹੈ ਪਰ ਇਕ ਵਾਰ ਆਈਪੀਐੱਲ ਛੱਡ ਕੇ ਉਹ ਪਾਕਿਸਤਾਨ ਲੀਗ ਖੇਡਣਗੇ, ਇਸਤੋਂ ਬਾਅਦ ਸ਼ਾਇਹ ਦੀ ਅਗਲੇ ਸਾਲ ਨਿਲਾਮੀ 'ਚ ਕੋਈ ਟੀਮ ਉਨ੍ਹਾਂ 'ਤੇ ਦਾਅ ਲਗਾਏਗੀ। ਉਥੇ ਹੀ ਉਨ੍ਹਾਂ ਦੇ ਪ੍ਰਦਰਸ਼ਨ 'ਤੇ ਵੀ ਕਾਫੀ ਕੁਝ ਨਿਰਭਰ ਕਰੇਗਾ। ਡੁ-ਪਲੇਸਿਸ ਕੋਲ ਆਈਪੀਐੱਲ ਦਾ ਚੰਗਾ-ਖਾਸਾ ਅਨੁਭਵ ਹੈ ਅਤੇ ਉਹ ਲੀਕ 'ਚ 154 ਮੈਚ ਖੇਡ ਕੇ 4773 ਦੌੜਾਂ ਬਣਾ ਚੁੱਕੇ ਹਨ। ਉਨ੍ਹਾਂ ਦੇ 39 ਅਰਧ ਸੈਂਕੜੇ ਦਰਜ ਹਨ। ਹਾਲ ਹੀ 'ਚ ਹੋਏ ਰਿਟੇਂਸ਼ਨ 'ਚ ਉਨ੍ਹਾਂ ਨੂੰ ਦਿੱਲੀ ਕੈਪਿਟਲਜ਼ ਨੇ ਰਿਟੇਲ ਨਹੀਂ ਕੀਤਾ ਸੀ।
ਫਾਫ ਨੇ ਆਪਣੇ ਇੰਸਟਾਗ੍ਰਾ ਪ੍ਰੋਫਾਈਲ 'ਤੇ ਪੋਸਟ ਕਰਦੇ ਹੋਏ ਲਿਖਿਆ, '14 ਸੀਜ਼ਨ ਆਈਪੀਐੱਲ 'ਚ ਖੇਡਣ ਤੋਂ ਬਾਅਦ ਹੁਣ ਮੈਂ ਅਗਲੇ ਸਾਲ ਲਈ ਹੋਣ ਵਾਲੀ ਨਿਲਾਮੀ 'ਚ ਨਾਮ ਨਾ ਦੇਣ ਦਾ ਫੈਸਲਾ ਕੀਤਾ ਹੈ। ਇਹ ਲੀਗ ਮੇਰੇ ਕਰੀਅਰ ਦਾ ਅਹਿਮ ਹਿੱਸਾ ਰਹੀ ਹੈ। ਮੈਂ ਲੱਕੀ ਸੀ ਕਿ ਮੈਨੂੰ ਵਰਲਡ ਕਲਾਸ ਟੀਮਮੇਟ ਦੇ ਨਾਲ ਖੇਡਣ ਦਾ ਮੌਕਾ ਮਿਲਿਆ ਜਿਨ੍ਹਾਂ ਲਈ ਇਸ ਖੇਡ ਲਈ ਜਜ਼ਬਾ ਅਤੇ ਜਨੂੰਨ ਅਲੱਗ ਹੀ ਹੈ।'
ਦੱਖਣੀ ਅਫਰੀਕਾ ਅਤੇ ਆਰਸੀਬੀ ਦੇ ਸਾਬਕਾ ਕਪਤਾਨ ਨੇ ਅੱਗੇ ਲਿਖਿਆ, '14 ਸਾਲ ਇਕ ਲੰਬਾ ਸਮਾਂ ਸੀ ਅਤੇ ਮੈਂ ਗਰਵ ਨਾਲ ਕਹਿ ਸਕਦਾ ਹਾਂ ਕਿ ਜ਼ਿੰਦਗੀ ਦਾ ਇਹ ਚੈਪਟਰ ਮੇਰੇ ਲਈ ਕਿਹੋ ਜਿਹਾ ਸੀ। ਭਾਰਤ ਦੀ ਮੇਰੇ ਦਿਲ 'ਚ ਬਹੁਤ ਖਾਸ ਥਾਂ ਹੈ। ਇਹ ਮੇਰਾ ਗੁਡਬਾਏ ਨਹੀਂ ਹੈ। ਤੁਸੀਂ ਮੈਨੂੰ ਦੁਬਾਰਾ ਵੀ ਦੇਖੋਗੇ। ਇਸ ਸਾਲ ਮੈਂ ਨਵੇਂ ਚੈਲੇਂਜ ਲੈਣ ਦਾ ਫੈਸਲਾ ਕੀਤਾ ਹੈ। ਮੈਂ ਇਸ ਲਈ ਪੀ.ਐੱਸ.ਐੱਲ. (ਪਾਕਿਸਤਾਨ ਸੁਪਰ ਲੀਗ) ਦੇ ਅਗਲੇ ਸੀਜ਼ਨ 'ਚ ਖੇਡਾਂਗਾ। ਮੈਂ ਪਾਕਿਸਤਾਨ 'ਚ ਜਾ ਕੇ ਨਵੇਂ ਚੈਲੇਂਜ ਲੈਣਾ ਚਾਹੁੰਦਾ ਹਾਂ।'
ਉਹ ਇਸਤੋਂ ਪਹਿਲਾਂ ਵੀ 2019 ਅਤੇ 2021 'ਚ ਪਾਕਿਸਤਾਨੀ ਟੀ-20 ਲੀਗ ਦਾ ਹਿੱਸਾ ਰਹਿ ਚੁੱਕੇ ਹਨ।
ਸੰਜੂ ਸੈਮਸਨ ਦਾ CSK 'ਚ ਧਮਾਕੇਦਾਰ ਸਵਾਗਤ, RR ਫੈਨਜ਼ ਦਾ ਰੋ-ਰੋ ਕੇ ਬੁਰਾ ਹਾਲ
NEXT STORY 
