ਫੀਫਾ ਵਿਸ਼ਵ ਕੱਪ : ਸਵੀਡਨ ਨੇ ਦੱਖਣੀ ਕੋਰੀਆ ਨੂੰ 1-0 ਨਾਲ ਹਰਾਇਆ

Updated: 18 Jun, 2018 07:30 PM

fifa world cup south korea today will step up to challenge sweden

ਨਵੀਂ ਦਿੱਲੀ— ਫੀਫਾ ਵਿਸ਼ਵ ਕੱਪ 2018 ਗਰੁਪ ਐੱਫ ਦਾ ਮੁਕਾਬਲਾ ਸਵੀਡਨ ਅਤੇ ਦੱਖਣੀ ਕੋਰੀਆ ਵਿਚਾਲੇ ਨਿਜ਼ਨੀ ਨਾਵਗੋਰਡ ਸਟੇਡੀਅਮ 'ਚ ਖੇਡਿਆ ਗਿਆ। ਇਸ ਮੈਚ 'ਚ ਸਵੀਡਨ ਨੇ ਦੱਖਣੀ ਕੋਰੀਆ ਨੂੰ 1-0 ਨਾਲ ਹਰਾ ਕੇ ਮੈਚ ਆਪਣੇ ਨਾਮ ਕੀਤਾ। ਕੋਰੀਆ ਦੀ ਟੀਮ ਇਸ ਮੈਚ 'ਚ ਆਪਣੇ ਕਪਤਾਨ ਦੀ ਸੁੰਗ ਯੁਇੰਗ ਅਤੇ ਸੈਨ ਹੀਯੁੰਗ ਮਿਨ ਦੇ ਦਮ 'ਤੇ ਹੀ ਸਟੀਡਨ ਨੂੰ ਟੱਕਰ ਦੇਣ ਉਤਰੀ ਸੀ ਪਰ ਸਵੀਡਨ ਦੇ ਡਿਫੈਂਸ ਅਤੇ ਅਟੈਕ ਦੇ ਅੱਗੇ ਕੋਰੀਆ ਟੀਮ ਬੇਬਸ ਨਜ਼ਰ ਆਈ।
Game feed photo
ਪਹਿਲੇ ਕੁਝ ਸਮੇਂ ਤੱਕ ਕੋਰੀਆ ਦੇ ਖਿਡਾਰੀ ਸਵੀਡਨ 'ਤੇ ਭਾਰੀ ਰਹੇ। ਪਰ ਇਸਦੇ ਬਾਵਜੂਦ ਸਵੀਡਨ ਦੇ ਡਿਫੈਂਸ ਨੇ ਕੋਰੀਆ ਨੂੰ ਗੋਲ ਤੋਂ ਵਾਂਝਿਆ ਰੱਖਿਆ।
Game feed photo
ਇਕ ਸਮਾਂ ਅਜਿਹਾ ਵੀ ਆਇਆ ਜਦੋਂ ਸਵੀਡਨ ਦੇ ਖਿਡਾਰੀਅਾਂ ਕੋਲ ਦੱਖਣੀ ਕੋਰੀਆ 'ਤੇ ਦਬਾਅ ਪਾਉਣ ਦਾ ਮੌਕਾ ਸੀ। ਪਰ ਉਨ੍ਹਾਂ ਇਸ ਮੌਕੇ ਨੂੰ ਗੁਆ ਦਿੱਤਾ।
Game feed photo
ਪਹਿਲੇ ਹਾਫ ਤੱਕ ਦੋਵੇਂ ਟੀਮਾਂ ਗੋਲ ਕਰਨ 'ਚ ਅਸਫਲ ਰਹੀਅਾਂ। ਦੋਵਾਂ ਟੀਮਾਂ ਨੇ ਸ਼ਾਨਦਾਰ ਖੇਡ ਦਿਖਾਇਆ। ਹਾਲਾਂਕਿ ਦੋਵਾਂ ਟੀਮਾਂ ਕੋਲ ਗੋਲ ਕਰਨ ਦੇ ਮੌਕੇ ਆਏ ਪਰ ਉਹ ਉਨ੍ਹਾਂ ਨੂੰ ਗੋਲ 'ਨਾ ਬਦਲ ਸਕੇ।
Game feed photo
ਦੱਸ ਦਈਏ ਕਿ ਸਵੀਡਨ ਦੇ ਐਂਡਰੀਨ ਗ੍ਰੈਂਕਵਿਸਟ ਨੇ ਮੈਚ ਦੇ 65ਵੇਂ ਮਿੰਟ 'ਚ ਗੋਲ ਕਰ ਕੇ ਟੀਮ ਨੂੰ ਕੋਰੀਆ 'ਤੇ 1-0 ਦੀ ਬਡ਼੍ਹਤ ਦਿਵਾ ਦਿੱਤੀ। ਦੱਖਣੀ ਕੋਰੀਆ ਵਲੋਂ ਆਪਣੀ ਡੀ 'ਚ ਫਾਊਲ ਕੀਤਾ ਜਿਸ ਕਾਰਨ ਸਵੀਡਨ ਨੂੰ ਪੈਨਲਟੀ ਦਾ ਮੌਕਾ ਦਿੱਤਾ ਗਿਆ। ਸਵੀਡਨ ਕਪਤਾਨ ਨੇ ਵੀ ਇਸ ਮੌਕੇ ਦਾ ਭਰਭੂਰ ਫਾਇਦਾ ਚੁੱਕਦੇ ਹੋਏ ਬਾਲ ਨੂੰ ਗੋਲਪੋਸਟ ਤੱਕ ਪਹੁੰਚਾ ਦਿੱਤਾ।
Game feed photo
ਇਸ ਤੋਂ ਬਾਅਦ ਦੱਖਣੀ ਕੋਰੀਆ ਨੇ ਗੋਲ ਕਰਨ ਦੀ ਬਹੁਤ ਕੋਸ਼ਿਸ਼ ਕੀਤੀ ਪਰ ਸਵੀਡਨ ਦੇ ਮਜ਼ਬੂਤ ਡਿਫੈਂਸ ਨੇ ਉਨ੍ਹਾਂ ਨੂੰ ਇਹ ਮੌਕਾ ਨਹੀਂ ਦਿੱਤਾ ਅਤੇ ਸਵੀਡਨ ਨੇ ਇਹ ਮੈਚ 1-0 ਨਾਲ ਜਿੱਤ ਲਿਆ।