ਨਵੀਂ ਦਿੱਲੀ— ਪਾਕਿਸਤਾਨ ਦੇ ਸਾਬਕਾ ਬੱਲੇਬਾਜ਼ ਰਮੀਜ ਰਾਜਾ ਨੂੰ ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੂੰ ਦਿੱਤੇ ਗਏ 'ਏ' ਗਰੇਡ ਕਾਂਟਰੈਕਟ 'ਤੇ ਸਵਾਲ ਖੜ੍ਹਾ ਕਰਨਾ ਭਾਰੀ ਪਿਆ, ਅਤੇ ਸੋਸ਼ਲ ਮੀਡਿਆ 'ਤੇ ਭਾਰਤੀ ਕ੍ਰਿਕਟ ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਨੂੰ ਖੂਬ ਖਰੀ-ਖੋਟੀ ਸੁਣਾਈ।
ਦਰਅਸਲ, ਰਮੀਜ਼ ਰਾਜਾ ਨੇ ਕੌਮਾਂਤਰੀ ਕ੍ਰਿਕਟ ਪ੍ਰੀਸ਼ਦ (ਆਈ.ਸੀ.ਸੀ.) ਨੂੰ ਕਿਹਾ ਕਿ ਹਰ ਸਾਲ 'ਚ ਦੋ ਮਹੀਨੇ ਦਾ ਸਮਾਂ ਸਿਰਫ ਟੈਸਟ ਮੈਚਾਂ ਲਈ ਤੈਅ ਕਰ ਦਿੱਤਾ ਜਾਣਾ ਚਾਹੀਦਾ ਹੈ, ਤਾਂ ਕਿ ਖੇਡ ਦੇ ਇਸ ਸਭ ਤੋਂ ਲੰਬੇ ਫਾਰਮੈਟ ਨੂੰ ਬਚਾਇਆ ਜਾ ਸਕੇ। ਐੱਮ.ਸੀ.ਸੀ. ਵਰਲਡ ਕ੍ਰਿਕਟ ਕਮੇਟੀ ਦੇ ਮੈਂਬਰ ਰਮੀਜ ਰਾਜਾ ਦਾ ਕਹਿਣਾ ਹੈ ਕਿ ਭਾਵੇਂ ਹੀ ਇੰਗਲੈਂਡ ਵਰਗੇ ਦੇਸ਼ਾਂ 'ਚ ਅੱਜ ਵੀ ਟੈਸਟ ਮੈਚ ਦੇਖਣ ਲਈ ਭੀੜ ਪਹੁੰਚ ਜਾਂਦੀ ਹੈ, ਪਰ ਕੁਝ ਹੱਦ ਤੱਕ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐੱਲ.) ਵਰਗੀ ਘਰੇਲੂ ਟੀ-20 ਮੁਕਾਬਲਿਆਂ ਦੀ ਵਜ੍ਹਾ ਨਾਲ ਏਸ਼ੀਆਈ ਦੇਸ਼ਾਂ 'ਚ ਟੈਸਟ ਪ੍ਰਤੀ ਲੋਕਾਂ ਦੀ ਰੁਚੀ ਘਟਦੀ ਜਾ ਰਹੀ ਹੈ।
ਰਮੀਜ ਰਾਜਾ ਨੇ ਇਹ ਵੀ ਕਿਹਾ ਕਿ ਭਾਰਤੀ ਕ੍ਰਿਕਟ ਕੰਟਰੋਲੂ ਬੋਰਡ (ਬੀ.ਸੀ.ਸੀ.ਆਈ.) ਅਤੇ ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀ.ਸੀ.ਬੀ.) ਵਰਗੀ ਕੌਮੀ ਖੇਡ ਸੰਸਥਾਵਾਂ ਦੀ ਵੀ ਇਸ 'ਚ ਭੂਮਿਕਾ ਰਹੀ ਹੈ। ਆਪਣੀ ਗੱਲ ਨੂੰ ਠੀਕ ਸਾਬਤ ਕਰਨ ਲਈ ਰਮੀਜ ਰਾਜਾ ਨੇ ਭਾਰਤੀ ਟੀਮ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੂੰ ਬੀ.ਸੀ.ਸੀ.ਆਈ. ਵਲੋਂ ਦਿੱਤੇ ਗਏ 'ਏ' ਗਰੇਡ ਕਾਂਟਰੈਕਟ ਦਾ ਵੀ ਜ਼ਿਕਰ ਕੀਤਾ। ਉਨ੍ਹਾਂਨੇ ਕਿਹਾ, ਤੁਹਾਨੂੰ ਟੈਸਟ ਕ੍ਰਿਕਟ ਦੇ ਦਰਜੇ ਨੂੰ ਸਨਮਾਨ ਦੇਣਾ ਹੋਵੇਗਾ, ਅਤੇ ਉਸਨੂੰ ਸਵੀਕਾਰ ਕਰਨਾ ਹੋਵੇਗਾ, ਅਤੇ ਇਹ ਕ੍ਰਿਕਟ ਬੋਰਡਾਂ ਵਲੋਂ ਹੋਣਾ ਚਾਹੀਦਾ ਹੈ, ਖਾਸਤੌਰ ਨਾਲ ਏਸ਼ੀਆ 'ਚ। ਉਦਾਹਰਨ ਦੇ ਤੌਰ 'ਤੇ, ਐਮ.ਐਸ. ਧੋਨੀ ਟੈਸਟ ਕ੍ਰਿਕਟ ਤੋਂ ਰਿਟਾਇਰ ਹੋ ਚੁੱਕੇ ਹਨ, ਫਿਰ ਵੀ ਬੀ.ਸੀ.ਸੀ.ਆਈ. ਵਲੋਂ ਉਨ੍ਹਾਂ ਨੂੰ ਏ ਗਰੇਡ ਕਾਂਟਰੈਕਟ ਦਿੱਤਾ ਗਿਆ। ਇਸੇ ਤਰ੍ਹਾਂ ਸ਼ਾਹਿਦ ਆਫਰੀਦੀ ਟੈਸਟ ਕ੍ਰਿਕਟ ਤੋਂ ਰਿਟਾਇਰ ਹੋ ਚੁੱਕੇ ਹਨ, ਫਿਰ ਵੀ ਪੀ.ਸੀ.ਬੀ. ਨੇ ਉਨ੍ਹਾਂ ਨੂੰ ਏ ਗਰੇਡ ਕਾਂਟਰੈਕਟ ਦਿੱਤਾ।
ਭਾਰਤੀ ਕ੍ਰਿਕਟ ਪ੍ਰਸ਼ੰਸਕ ਰਮੀਜ ਰਾਜੇ ਦੇ ਇਸ ਦਲੀਲ਼ ਨੂੰ ਹਜ਼ਮ ਨਾ ਕਰ ਪਾਏ, ਅਤੇ ਉਨ੍ਹਾਂ ਦਾ ਖੂਬ ਮਜ਼ਾਕ ਉਡਾਣ ਲੱਗੇ। ਕੁੱਝ ਭਾਰਤੀ ਪ੍ਰਸ਼ੰਸਕਾਂ ਨੇ ਰਮੀਜ ਨੂੰ ਪੀ.ਸੀ.ਬੀ. ਉੱਤੇ ਧਿਆਨ ਦੇਣ ਦੀ ਸਲਾਹ ਦਿੱਤੀ, ਜਦੋਂ ਕਿ ਕੁਝ ਨੇ ਤਾਂ ਉਨ੍ਹਾਂ ਦੇ ਕੁਮੈਂਟੇਟਰ ਹੋਣ ਉੱਤੇ ਵੀ ਸਵਾਲ ਖੜੇ ਕਰ ਦਿੱਤੇ। ਕੁੱਝ ਨੇ ਉਨ੍ਹਾਂ ਨੂੰ ਮਹਿੰਦਰ ਸਿੰਘ ਧੋਨੀ ਦੀ ਇੱਜਤ ਕਰਨ ਦੀ ਨਸੀਹਤ ਦਿੱਤੀ, ਅਤੇ ਕੁੱਝ ਨੇ ਕਿਹਾ ਕਿ ਉਨ੍ਹਾਂਨੂੰ ਸਾਲਾਂ ਤੱਕ ਚੈਂਪੀਅਨਸ ਟਰਾਫੀ ਵਿੱਚ ਭਾਰਤੀ ਟੀਮ ਉੱਤੇ ਪਾਕਿਸਤਾਨ ਨੂੰ ਮਿਲੀ ਜਿੱਤ ਦਾ ਜਸ਼ਨ ਮਨਾਉਂਦੇ ਰਹਿਣਾ ਚਾਹੀਦਾ ਹੈ।
ਭਾਰਤ ਲਈ ਮੈਚ ਖਤਮ ਕਰ ਸਕਦਾ ਹਾਂ : ਪੰਡਯਾ
NEXT STORY 
