ਸਪੋਰਟਸ ਡੈਸਕ- IPL 2022 ਦਾ ਲਗਭਗ ਅੱਧਾ ਸਫ਼ਰ ਖ਼ਤਮ ਹੋ ਗਿਆ ਹੈ ਅਤੇ ਐਤਵਾਰ ਤੱਕ ਲੀਗ ਪੜਾਅ ਦੇ 37 ਮੈਚ ਹੋ ਚੁੱਕੇ ਹਨ। ਇਸ ਵਾਰ ਦੋ ਨਵੀਆਂ ਟੀਮਾਂ ਭਾਵ ਲਖਨਊ ਸੁਪਰ ਜਾਇੰਟਸ ਅਤੇ ਗੁਜਰਾਤ ਟਾਈਟਨਸ ਨੇ ਆਈ. ਪੀ. ਐਲ. ਵਿੱਚ ਡੈਬਿਊ ਕੀਤਾ ਹੈ ਅਤੇ ਹੁਣ ਤੱਕ ਦੋਵਾਂ ਟੀਮਾਂ ਨੇ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਅੰਕੜਿਆਂ ਦੀ ਮੰਨੀਏ ਤਾਂ ਗੁਜਰਾਤ ਟਾਈਟਨਸ, ਰਾਜਸਥਾਨ ਰਾਇਲਜ਼ ਅਤੇ ਸਨਰਾਈਜ਼ਰਸ ਹੈਦਰਾਬਾਦ ਮਜ਼ਬੂਤ ਟੀਮਾਂ ਬਣ ਕੇ ਸਾਹਮਣੇ ਆਈਆਂ ਹਨ। ਫਿਲਹਾਲ ਤਿੰਨੋਂ ਟੀਮਾਂ ਅੰਕ ਸੂਚੀ ਵਿੱਚ ਟਾਪ-3 ਵਿੱਚ ਸ਼ਾਮਲ ਹਨ। ਉਨ੍ਹਾਂ ਦੀ ਸਫਲਤਾ ਦਾ ਰਾਜ਼ ਪਾਵ-ਰੀਪਲੇਅ ਭਾਵ ਪਹਿਲੇ 6 ਓਵਰਾਂ ਦੀ ਖੇਡ ਹੈ। ਇਸ ਦੌਰ 'ਚ ਟਾਈਟਨਸ ਦੀ ਗੇਂਦਬਾਜ਼ੀ ਔਸਤ ਬਾਕੀ ਟੀਮਾਂ ਦੇ ਮੁਕਾਬਲੇ ਬਿਹਤਰ ਹੈ।
ਇਹ ਵੀ ਪੜ੍ਹੋ : ਬਿਜਲੀ ਸੰਕਟ 'ਤੇ ਫੁੱਟਿਆ MS ਧੋਨੀ ਦੀ ਪਤਨੀ ਸਾਕਸ਼ੀ ਦਾ ਗੁੱਸਾ, ਟਵੀਟ ਕਰ ਸਰਕਾਰ 'ਤੇ ਚੁੱਕੇ ਸਵਾਲ
ਗੁਜਰਾਤ ਟਾਈਟਨਜ਼ ਦੀ ਇਸ ਇਕਪਾਸੜ ਜਿੱਤ ਦਾ ਸਿਹਰਾ ਉਸ ਦੀ ਮਜ਼ਬੂਤ ਟੀਮ ਨੂੰ ਜਾਂਦਾ ਹੈ, ਜੋ ਮੈਚ ਵਿਚ ਸੁਧਾਰ ਕਰਨ ਅਤੇ ਲਗਾਤਾਰ ਜਿੱਤ ਦਰਜ ਕਰਨ ਵਿਚ ਕੋਈ ਕਸਰ ਨਹੀਂ ਛੱਡ ਰਹੀ। ਪਾਵਰ-ਪਲੇਅ 'ਚ ਸਭ ਤੋਂ ਜ਼ਿਆਦਾ 17 ਵਿਕਟਾਂ ਲੈਣ ਵਾਲੇ ਗੁਜਰਾਤ ਟਾਈਟਨਸ ਦੇ ਮਜ਼ਬੂਤਖਿਡਾਰੀਆਂ 'ਚੋਂ ਇਕ ਗੇਂਦਬਾਜ਼ ਮੁਹੰਮਦ ਸ਼ੰਮੀ ਹੈ, ਜਿਸ ਨੇ ਹੁਣ ਤੱਕ 10 ਵਿਕਟਾਂ ਲਈਆਂ ਹਨ। ਉਹ ਆਪਣੇ ਸਰੀਰ ਨੂੰ ਫਿੱਟ ਕਰਨ ਅਤੇ ਹਰ ਸਥਿਤੀ ਦੇ ਅਨੁਕੂਲ ਹੋਣ ਅਤੇ ਬਿਹਤਰੀਨ ਖੇਡ ਖੇਡਣ ਲਈ ਹਰ ਰੋਜ਼ ਵਿਸ਼ੇਸ਼ ਕਸਰਤਾਂ ਅਪਣਾ ਰਿਹਾ ਹੈ, ਜਿਸ ਦੀ ਵੀਡੀਓ ਉਸ ਨੇ ਸਵਦੇਸ਼ੀ ਸੋਸ਼ਲ ਮੀਡੀਆ ਪਲੇਟਫਾਰਮ ਕੂ ਐਪ ਦੇ ਆਪਣੇ ਹੈਂਡਲ 'ਤੇ ਇਕ ਪੋਸਟ ਰਾਹੀਂ ਦਿੱਤੀ ਹੈ।
ਇਸ ਵੀਡੀਓ 'ਚ ਸ਼ੰਮੀ ਸਿੰਗਲ ਲੈੱਗ ਵਰਕ ਕਰਦੇ ਨਜ਼ਰ ਆ ਰਹੇ ਹਨ। ਮੁਹੰਮਦ ਸ਼ਮੀ ਨੇ ਸੈਸ਼ਨ ਦੇ ਆਪਣੇ ਪਹਿਲੇ ਮੈਚ 'ਚ ਲਖਨਊ ਸੁਪਰ ਜਾਇੰਟਸ ਖਿਲਾਫ 4 ਓਵਰਾਂ 'ਚ 25 ਦੌੜਾਂ ਦੇ ਕੇ 3 ਵਿਕਟਾਂ ਲਈਆਂ ਸਨ। ਸ਼ੰਮੀ ਨੇ ਪਾਵਰ-ਪਲੇ 'ਚ ਲਖਨਊ ਦੇ ਤਿੰਨ ਬੱਲੇਬਾਜ਼ਾਂ ਨੂੰ ਪੈਵੇਲੀਅਨ ਭੇਜਿਆ ਸੀ। ਸ਼ੰਮੀ ਨੇ ਆਈ. ਪੀ. ਐਲ. ਵਿੱਚ ਹੁਣ ਤੱਕ ਕੁੱਲ 78 ਮੈਚ ਖੇਡੇ ਹਨ, ਜਿਸ ਵਿੱਚ 8.6 ਦੀ ਇਕਾਨਮੀ ਰੇਟ ਨਾਲ 82 ਵਿਕਟਾਂ ਲਈਆਂ ਹਨ।
ਇਹ ਵੀ ਪੜ੍ਹੋ : ਓਸਲੋ ਈ-ਸਪੋਰਟਸ ਕੱਪ ਸ਼ਤਰੰਜ 'ਚ ਪ੍ਰਗਿਆਨੰਧਾ ਲਗਾਤਾਰ ਤੀਜੀ ਜਿੱਤ ਨਾਲ ਚੋਟੀ 'ਤੇ ਕਾਇਮ
ਆਈ. ਪੀ. ਐਲ. ਦੇ ਇਸ ਸੀਜ਼ਨ ਵਿੱਚ ਜੇਕਰ ਕਿਸੇ ਟੀਮ ਨੇ ਸਭ ਤੋਂ ਵੱਧ ਹੈਰਾਨ ਕੀਤਾ ਹੈ ਤਾਂ ਉਹ ਹੈ ਗੁਜਰਾਤ ਟਾਈਟਨਸ। ਨਿਲਾਮੀ ਤੋਂ ਬਾਅਦ ਕਿਹਾ ਜਾ ਰਿਹਾ ਸੀ ਕਿ ਹਾਰਦਿਕ ਪੰਡਯਾ ਦੀ ਟੀਮ 'ਚ ਬੱਲੇਬਾਜ਼ਾਂ ਦੀ ਕਮੀ ਹੈ। ਪਰ ਇਨ੍ਹਾਂ ਚਰਚਾਵਾਂ ਨੂੰ ਖਤਮ ਕਰਦੇ ਹੋਏ ਗੁਜਰਾਤ ਨੇ ਸੱਤ ਵਿੱਚੋਂ ਛੇ ਮੈਚ ਜਿੱਤੇ ਹਨ। ਇਹ ਟੀਮ 12 ਅੰਕਾਂ ਨਾਲ ਅੰਕ ਸੂਚੀ ਵਿਚ ਸਿਖਰ 'ਤੇ ਹੈ। ਗੁਜਰਾਤ ਟਾਈਟਨਸ ਦੀ ਪਾਵਰ-ਪਲੇਅ ਵਿੱਚ ਸਭ ਤੋਂ ਵਧੀਆ ਗੇਂਦਬਾਜ਼ੀ ਔਸਤ (17.5) ਹੈ। ਯਾਨੀ ਗੁਜਰਾਤ ਦੇ ਗੇਂਦਬਾਜ਼ ਪਾਵਰ-ਪਲੇ 'ਚ ਹਰ 17ਵੀਂ ਗੇਂਦ 'ਤੇ ਵਿਕਟਾਂ ਲੈ ਰਹੇ ਹਨ। ਗੁਜਰਾਤ ਦੀ ਨੈੱਟ ਰਨ ਰੇਟ +0.396 ਹੈ। ਗੁਜਰਾਤ ਨੇ ਅਜੇ ਸੱਤ ਮੈਚ ਖੇਡਣੇ ਹਨ। ਜੇਕਰ ਟੀਮ ਇਨ੍ਹਾਂ 'ਚੋਂ ਤਿੰਨ ਹੋਰ ਮੈਚ ਜਿੱਤ ਜਾਂਦੀ ਹੈ ਤਾਂ ਪਲੇਆਫ 'ਚ ਉਸ ਦੀ ਜਗ੍ਹਾ ਪੱਕੀ ਹੋ ਜਾਵੇਗੀ। ਇੱਕ ਜਾਂ ਦੋ ਜਿੱਤਾਂ ਤੋਂ ਬਾਅਦ ਵੀ ਸਥਿਤੀ ਉਸਦੇ ਪੱਖ ਵਿੱਚ ਰਹੇਗੀ ਪਰ ਉਸਨੂੰ ਬਾਕੀ ਟੀਮਾਂ ਦੇ ਪ੍ਰਦਰਸ਼ਨ 'ਤੇ ਨਿਰਭਰ ਕਰਨਾ ਹੋਵੇਗਾ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਓਸਲੋ ਈ-ਸਪੋਰਟਸ ਕੱਪ ਸ਼ਤਰੰਜ 'ਚ ਪ੍ਰਗਿਆਨੰਧਾ ਲਗਾਤਾਰ ਤੀਜੀ ਜਿੱਤ ਨਾਲ ਚੋਟੀ 'ਤੇ ਕਾਇਮ
NEXT STORY 
