ਲਾਨੁਸੀਆ (ਸਪੇਨ): ਸਪੇਨ ਦੇ ਲਾਨੁਸੀਆ ਵਿੱਚ ਖੇਡੇ ਜਾ ਰਹੇ ਬਾਕਸਮ ਐਲੀਟ ਇੰਟਰਨੈਸ਼ਨਲ 2026 ਮੁੱਕੇਬਾਜ਼ੀ ਟੂਰਨਾਮੈਂਟ ਵਿੱਚ ਭਾਰਤੀ ਮੁੱਕੇਬਾਜ਼ਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਆਪਣੀ ਮੁਹਿੰਮ ਦਾ ਜ਼ੋਰਦਾਰ ਆਗਾਜ਼ ਕੀਤਾ ਹੈ। ਹਿਤੇਸ਼ ਗੁਲੀਆ ਅਤੇ ਪ੍ਰੀਤੀ ਦੇ ਦਮਦਾਰ ਪ੍ਰਦਰਸ਼ਨ ਦੀ ਬਦੌਲਤ ਭਾਰਤ ਨੇ ਪਹਿਲੇ ਹੀ ਦਿਨ ਟੂਰਨਾਮੈਂਟ ਵਿੱਚ ਆਪਣੀ ਮਜ਼ਬੂਤ ਮੌਜੂਦਗੀ ਦਰਜ ਕਰਵਾਈ। ਇਸ ਵੱਕਾਰੀ ਟੂਰਨਾਮੈਂਟ ਵਿੱਚ ਦੁਨੀਆ ਦੇ 21 ਦੇਸ਼ਾਂ ਦੇ 214 ਮੁੱਕੇਬਾਜ਼ ਹਿੱਸਾ ਲੈ ਰਹੇ ਹਨ।
ਹਿਤੇਸ਼ ਅਤੇ ਪ੍ਰੀਤੀ ਦੀ ਇਕਤਰਫ਼ਾ ਜਿੱਤ
ਪੁਰਸ਼ਾਂ ਦੇ ਐਲੀਟ 70 ਕਿਲੋਗ੍ਰਾਮ ਵਰਗ ਵਿੱਚ ਹਿਤੇਸ਼ ਗੁਲੀਆ ਨੇ ਆਪਣੀ ਸ਼ਾਨਦਾਰ ਤਕਨੀਕ ਅਤੇ ਹਮਲਾਵਰ ਖੇਡ ਨਾਲ ਨੀਦਰਲੈਂਡ ਦੇ ਫਿਨ ਬੋਸ ਨੂੰ 5-0 ਨਾਲ ਹਰਾਇਆ। ਮਹਿਲਾਵਾਂ ਦੇ ਐਲੀਟ 54 ਕਿਲੋਗ੍ਰਾਮ ਵਰਗ ਵਿੱਚ ਪ੍ਰੀਤੀ ਨੇ ਕਜ਼ਾਕਿਸਤਾਨ ਦੀ ਅਲੀਆਸਕਰ ਸਿੰਬੈਟ ਨੂੰ 5-0 ਨਾਲ ਕਰਾਰੀ ਮਾਤ ਦੇ ਕੇ ਭਾਰਤ ਦਾ ਜੇਤੂ ਰਥ ਅੱਗੇ ਵਧਾਇਆ।
ਮਹਿਲਾ ਅਤੇ ਪੁਰਸ਼ ਵਰਗ ਵਿੱਚ ਭਾਰਤੀਆਂ ਦਾ ਬੋਲਬਾਲਾ
ਮਹਿਲਾ ਵਰਗ ਵਿੱਚ ਪ੍ਰਾਚੀ (57 ਕਿਲੋਗ੍ਰਾਮ) ਨੇ ਸਪੇਨ ਦੀ ਵਨੇਸਾ ਮੋਰੇਲ ਰਾਮੀਰੇਜ਼ ਨੂੰ ਅਤੇ ਪ੍ਰਿਆ (60 ਕਿਲੋਗ੍ਰਾਮ) ਨੇ ਕੈਨੇਡਾ ਦੀ ਐਲੇਸ਼ੀਆ ਮਾਨਸੂਏਟੋ ਨੂੰ 5-0 ਨਾਲ ਹਰਾ ਕੇ ਅਗਲੇ ਦੌਰ ਵਿੱਚ ਪ੍ਰਵੇਸ਼ ਕੀਤਾ। ਕਾਜਲ (65 ਕਿਲੋਗ੍ਰਾਮ) ਨੇ ਵੀ ਕਜ਼ਾਕਿਸਤਾਨ ਦੀ ਅਸੀਮ ਤਨਾਤਾਰ ਨੂੰ 4-1 ਨਾਲ ਹਰਾ ਕੇ ਪ੍ਰਭਾਵਸ਼ਾਲੀ ਜਿੱਤ ਦਰਜ ਕੀਤੀ।
ਪੁਰਸ਼ ਵਰਗ ਵਿੱਚ ਸਚਿਨ (60 ਕਿਲੋਗ੍ਰਾਮ) ਨੇ ਮੇਜ਼ਬਾਨ ਸਪੇਨ ਦੇ ਬ੍ਰੈਂਡਨ ਐਲੇਜਾਂਡਰੋ ਨੂੰ 5-0 ਨਾਲ ਧੂੜ ਚੱਟਾਈ, ਜਦਕਿ ਮੁਹੰਮਦ ਹੁਸਾਮੁਦੀਨ (60 ਕਿਲੋਗ੍ਰਾਮ) ਨੇ ਡੈਨਮਾਰਕ ਦੇ ਮਟਿਆਸ ਮਹਿਮਤ ਬੁਯੁਕਦੇਮਿਰ ਨੂੰ 4-1 ਨਾਲ ਹਰਾਇਆ। ਅਭਿਨਾਸ਼ ਜਮਵਾਲ (65 ਕਿਲੋਗ੍ਰਾਮ) ਨੇ ਵੀ ਡੈਨਮਾਰਕ ਦੇ ਕਾਲਿਦ ਉਸਮਾਨ ਨੂੰ 5-0 ਨਾਲ ਹਰਾ ਕੇ ਸਭ ਨੂੰ ਪ੍ਰਭਾਵਿਤ ਕੀਤਾ। ਦੀਪਕ (70 ਕਿਲੋਗ੍ਰਾਮ), ਆਕਾਸ਼ (75 ਕਿਲੋਗ੍ਰਾਮ) ਅਤੇ ਅੰਕੁਸ਼ (80 ਕਿਲੋਗ੍ਰਾਮ) ਨੇ ਵੀ ਆਪਣੇ ਮੈਚ ਜਿੱਤ ਕੇ ਅਗਲੇ ਦੌਰ ਵਿੱਚ ਜਗ੍ਹਾ ਬਣਾਈ, ਹਾਲਾਂਕਿ ਆਦਿਤਿਆ ਪ੍ਰਤਾਪ ਯਾਦਵ ਨੂੰ ਇੰਗਲੈਂਡ ਦੇ ਜੋ ਟਰਨਰ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਮੈਂ ਅੰਕੜਿਆਂ 'ਚ ਕੱਚਾ ਹਾਂ, ਇਸ ਲਈ ਨਹੀਂ ਕਰਾਂਗਾ ਕੁਮੈਂਟਰੀ : ਧੋਨੀ
NEXT STORY 
