ਨਵੀਂ ਦਿੱਲੀ : ਭਾਰਤ ਦੇ ਸਾਬਕਾ ਕਪਤਾਨ ਅਤੇ 'ਕੈਪਟਨ ਕੂਲ' ਵਜੋਂ ਜਾਣੇ ਜਾਂਦੇ ਮਹਿੰਦਰ ਸਿੰਘ ਧੋਨੀ ਨੇ ਕ੍ਰਿਕਟ ਤੋਂ ਸੰਨਿਆਸ ਲੈਣ ਤੋਂ ਬਾਅਦ ਕਮੈਂਟਰੀ ਬਾਕਸ ਵਿੱਚ ਨਜ਼ਰ ਆਉਣ ਦੀ ਸੰਭਾਵਨਾ ਨੂੰ ਲਗਭਗ ਖ਼ਤਮ ਕਰ ਦਿੱਤਾ ਹੈ। ਯੂਟਿਊਬ 'ਤੇ ਸਪੋਰਟਸ ਬ੍ਰੌਡਕਾਸਟਰ ਜਤਿਨ ਸਪਰੂ ਨਾਲ ਗੱਲਬਾਤ ਕਰਦਿਆਂ ਧੋਨੀ ਨੇ ਖੁਲਾਸਾ ਕੀਤਾ ਕਿ ਉਹ ਅੰਕੜਿਆਂ (statistics) ਦੇ ਮਾਮਲੇ ਵਿੱਚ ਕਾਫੀ ਕੱਚੇ ਹਨ, ਇਸ ਲਈ ਉਹ ਅਜਿਹੀ ਭੂਮਿਕਾ ਵਿੱਚ ਨਹੀਂ ਉਤਰਨਾ ਚਾਹੁੰਦੇ ਜਿਸ ਵਿੱਚ ਅੰਕੜਿਆਂ ਦੀ ਵੱਡੀ ਭੂਮਿਕਾ ਹੁੰਦੀ ਹੈ।
ਕਮੈਂਟਰੀ ਨੂੰ ਦੱਸਿਆ ਇੱਕ ਬਾਰੀਕ ਕਲਾ ਧੋਨੀ ਅਨੁਸਾਰ, ਕਮੈਂਟਰੀ ਕਰਨਾ ਇੱਕ ਬਹੁਤ ਹੀ ਮੁਸ਼ਕਲ ਕੰਮ ਹੈ ਕਿਉਂਕਿ ਖੇਡ ਦਾ ਅੱਖੀਂ ਦੇਖਿਆ ਹਾਲ ਸੁਣਾਉਣ ਅਤੇ ਖਿਡਾਰੀਆਂ ਦੀ ਆਲੋਚਨਾ ਕਰਨ ਵਿਚਾਲੇ ਬਹੁਤ ਬਾਰੀਕ ਅੰਤਰ ਹੁੰਦਾ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਟੀਮ ਹਾਰ ਰਹੀ ਹੋਵੇ ਤਾਂ ਉਸ ਦੇ ਕਾਰਨਾਂ ਨੂੰ ਸ਼ਾਲੀਨਤਾ ਨਾਲ ਦੱਸਣਾ ਇੱਕ ਕਲਾ ਹੈ ਤਾਂ ਜੋ ਕਿਸੇ ਨੂੰ ਬੁਰਾ ਨਾ ਲੱਗੇ। ਧੋਨੀ ਨੇ ਮੰਨਿਆ ਕਿ ਉਨ੍ਹਾਂ ਨੂੰ ਆਪਣੇ ਖੁਦ ਦੇ ਅੰਕੜੇ ਵੀ ਯਾਦ ਨਹੀਂ ਰਹਿੰਦੇ, ਜਦਕਿ ਬਹੁਤ ਸਾਰੇ ਲੋਕ ਹਰ ਯੁੱਗ ਦੇ ਖਿਡਾਰੀਆਂ ਦੇ ਅੰਕੜੇ ਜਾਣਦੇ ਹਨ।
ਧੋਨੀ ਨੇ ਆਪਣੀ ਨਿੱਜੀ ਜ਼ਿੰਦਗੀ ਬਾਰੇ ਦਿਲਚਸਪ ਖੁਲਾਸਾ ਕਰਦਿਆਂ ਦੱਸਿਆ ਕਿ ਉਹ ਅੱਜ ਵੀ ਫੋਨ 'ਤੇ ਜਵਾਬ ਦੇਣ ਵਿੱਚ ਕੱਚੇ ਹਨ ਅਤੇ ਫੋਨ 'ਤੇ ਗੱਲ ਕਰਦੇ ਸਮੇਂ ਅਸਹਿਜ ਮਹਿਸੂਸ ਕਰਦੇ ਹਨ ਕਿਉਂਕਿ ਉਹ ਸਾਹਮਣੇ ਵਾਲੇ ਦਾ ਚਿਹਰਾ ਨਹੀਂ ਦੇਖ ਸਕਦੇ। ਉਹ ਆਹਮੋ-ਸਾਹਮਣੇ ਬੈਠ ਕੇ ਗੱਲ ਕਰਨਾ ਪਸੰਦ ਕਰਦੇ ਹਨ। ਉਨ੍ਹਾਂ ਨੇ ਖੁਦ ਨੂੰ ਇੱਕ 'ਚੰਗਾ ਸਰੋਤਾ' (Good listener) ਦੱਸਦਿਆਂ ਕਿਹਾ ਕਿ ਉਹ ਬੋਲਣ ਨਾਲੋਂ ਸੁਣਨ ਵਿੱਚ ਜ਼ਿਆਦਾ ਵਿਸ਼ਵਾਸ ਰੱਖਦੇ ਹਨ ਕਿਉਂਕਿ ਇਸ ਨਾਲ ਉਨ੍ਹਾਂ ਨੂੰ ਸਿੱਖਣ ਨੂੰ ਮਿਲਦਾ ਹੈ।
ਦੇਵਿਕਾ ਸਿਹਾਗ ਨੇ ਥਾਈਲੈਂਡ ਮਾਸਟਰਜ਼ 'ਚ ਸਫਲਤਾ ਦਾ ਸਿਹਰਾ ਸਿੰਧੂ ਨੂੰ ਦਿੱਤਾ
NEXT STORY 
