ਨਵੀਂ ਦਿੱਲੀ (ਭਾਸ਼ਾ)– ਲੰਕਾ ਪ੍ਰੀਮੀਅਰ ਲੀਗ (ਐੱਲ. ਪੀ. ਐੱਲ.) ਦੇ ਆਯੋਜਕਾਂ ਨੇ ਸੋਮਵਾਰ ਨੂੰ ਐਲਾਨ ਕੀਤਾ ਕਿ ਭਾਰਤੀ ਕ੍ਰਿਕਟਰ ਪਹਿਲੀ ਵਾਰ ਇਸ ਟੂਰਨਾਮੈਂਟ ਵਿਚ ਹਿੱਸਾ ਲੈਣਗੇ, ਜਿਸਦਾ 6ਵਾਂ ਸੈਸ਼ਨ 1 ਦਸੰਬਰ ਤੋਂ ਸ਼ੁਰੂ ਹੋਵੇਗਾ। ਇਸ ਟੀ-20 ਟੂਰਨਾਮੈਂਟ ਵਿਚ ਕੁੱਲ 24 ਮੈਚ ਹੋਣਗੇ, ਜਿਨ੍ਹਾਂ ਵਿਚ 20 ਲੀਗ ਮੈਚ ਤੇ 4 ਨਾਕਆਊਟ ਮੈਚ ਸ਼ਾਮਲ ਹਨ।
ਇਹ ਤਿੰਨੇ ਮੈਚ ਪ੍ਰਮੁੱਖ ਸਥਾਨਾਂ ਕੋਲੰਬੋ ਦੇ ਆਰ. ਪ੍ਰੇਮਦਾਸਾ ਕੌਮਾਂਤਰੀ ਕ੍ਰਿਕਟ ਸਟੇਡੀਅਮ, ਕੈਂਡੀ ਦੇ ਪੱਲੇਕੇਲੇ ਕੌਮਾਂਤਰੀ ਕ੍ਰਿਕਟ ਸਟੇਡੀਅਮ ਤੇ ਦਾਂਬੁਲਾ ਦੇ ਰਨਗੀਰੀ ਦਾਂਬੁਲਾ ਕੌਮਾਂਤਰੀ ਕ੍ਰਿਕਟ ਸਟੇਡੀਅਮ ਵਿਚ ਖੇਡੇ ਜਾਣਗੇ।ਪ੍ਰੈੱਸ ਬਿਆਨ ਅਨੁਸਾਰ, ‘‘ਪਹਿਲੀ ਵਾਰ ਭਾਰਤੀ ਕ੍ਰਿਕਟਰਾਂ ਦੇ ਇਸ ਟੂਰਨਾਮੈਂਟ ਵਿਚ ਖੇਡਣ ਦੀ ਉਮੀਦ ਹੈ। ਉਨ੍ਹਾਂ ਦੇ ਨਾਵਾਂ ਦਾ ਐਲਾਨ ਜਲਦ ਹੀ ਕੀਤਾ ਜਾਵੇਗਾ, ਜਿਸ ਨਾਲ ਪੂਰੇ ਖੇਤਰ ਦੇ ਪ੍ਰਸ਼ੰਸਕਾਂ ਵਿਚ ਉਤਸ਼ਾਹ ਦਾ ਇਕ ਨਵਾਂ ਪੱਧਰ ਜੁੜ ਜਾਵੇਗਾ।’’ਇਸ ਰੂਪ ਦੇ ਅਨੁਸਾਰ ਲੀਗ ਪੜਾਅ ਦੌਰਾਨ ਸਾਰੀਆਂ 5 ਫ੍ਰੈਂਚਾਈਜ਼ੀਆਂ ਇਕ-ਦੂਜੇ ਵਿਰੁੱਧ 2 ਵਾਰ ਮੁਕਾਬਲੇਬਾਜ਼ੀ ਕਰਨਗੀਆਂ। ਰਾਊਂਡ ਰੌਬਿਨ ਪੜਾਅ ਦੇ ਅੰਤ ਵਿਚ ਟਾਪ-4 ਵਿਚ ਰਹਿਣ ਵਾਲੀ ਟੀਮ ਪਲੇਅ ਆਫ ਵਿਚ ਜਗ੍ਹਾ ਬਣਾਏਗੀ। ਚੋਟੀ ਦੀਆਂ ਦੋ ਟੀਮਾਂ ਕੁਆਲੀਫਾਇਰ-1 ਵਿਚ ਖੇਡਣਗੀਆਂ, ਜਿਸਦੀ ਜੇਤੂ ਸਿੱਧੇ ਫਾਈਨਲ ਵਿਚ ਜਗ੍ਹਾ ਬਣਾਏਗੀ। ਤੀਜੇ ਤੇ ਚੌਥੇ ਸਥਾਨ ’ਤੇ ਰਹਿਣ ਵਾਲੀ ਟੀਮ ਐਲਿਮੀਨੇਟਰ ਵਿਚ ਆਹਮੋ-ਸਾਹਮਣੇ ਹੋਵੇਗੀ। ਇਸ ਮੁਕਾਬਲੇ ਦਾ ਜੇਤੂ ਕੁਆਲੀਫਾਇਰ-1 ਵਿਚ ਹਾਰ ਜਾਣ ਵਾਲੀ ਟੀਮ ਨਾਲ ਕੁਆਲੀਫਾਇਰ-2 ਵਿਚ ਭਿੜੇਗਾ, ਜਿਸ ਨਾਲ ਫਾਈਨਲ ਵਿਚ ਜਗ੍ਹਾ ਬਣਾਉਣ ਵਾਲੀ ਦੂਜੀ ਟੀਮ ਦਾ ਫੈਸਲਾ ਹੋਵੇਗਾ।
ਖਰਾਬ ਪ੍ਰਦਰਸ਼ਨ ’ਤੇ ਅਫਰੀਦੀ ਨੇ ਦਿੱਤਾ ਵਿਵਾਦਪੂਰਨ ਬਿਆਨ, ਕਿਹਾ-‘ਪਾਕਿਸਤਾਨੀ ਲੜਕੀਆਂ ਖਾਣਾ ਬਹੁਤ ਵਧੀਆ ਬਣਾਉਂਦੀਆਂ ਨੇ’
NEXT STORY 
