ਸਪੋਰਟਸ ਡੈਸਕ- ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਵੀਰਵਾਰ ਨੂੰ ਇੰਡੀਅਨ ਪ੍ਰੀਮੀਅਰ ਲੀਗ (IPL) 2026 ਦੇ ਦੂਜੇ ਪੜਾਅ ਦਾ ਸ਼ਡਿਊਲ ਜਾਰੀ ਕਰ ਦਿੱਤਾ ਹੈ। ਇਸ ਵਾਰ ਕ੍ਰਿਕਟ ਦਾ ਇਹ ਮਹਾਕੁੰਭ 28 ਮਾਰਚ 2026 ਤੋਂ ਸ਼ੁਰੂ ਹੋ ਕੇ 31 ਮਈ ਤੱਕ ਚੱਲੇਗਾ। ਚੋਣਾਂ ਕਾਰਨ ਪਹਿਲਾਂ ਸਿਰਫ਼ 20 ਮੈਚਾਂ ਦਾ ਸ਼ਡਿਊਲ ਜਾਰੀ ਕੀਤਾ ਗਿਆ ਸੀ, ਪਰ ਹੁਣ ਬਾਕੀ ਲੀਗ ਮੈਚਾਂ ਦਾ ਵੇਰਵਾ ਵੀ ਸਾਹਮਣੇ ਆ ਗਿਆ ਹੈ।
ਉਦਘਾਟਨੀ ਮੁਕਾਬਲਾ ਅਤੇ ਫਾਰਮੈਟ ਸੀਜ਼ਨ ਦਾ ਪਹਿਲਾ ਮੁਕਾਬਲਾ 28 ਮਾਰਚ ਨੂੰ ਬੈਂਗਲੁਰੂ ਦੇ ਐਮ. ਚਿੰਨਾਸਵਾਮੀ ਸਟੇਡੀਅਮ ਵਿੱਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ (RCB) ਅਤੇ ਸਨਰਾਈਜ਼ਰਜ਼ ਹੈਦਰਾਬਾਦ (SRH) ਵਿਚਕਾਰ ਖੇਡਿਆ ਜਾਵੇਗਾ। ਇਸ ਸੀਜ਼ਨ ਵਿੱਚ 10 ਟੀਮਾਂ ਹਿੱਸਾ ਲੈ ਰਹੀਆਂ ਹਨ ਅਤੇ ਹਰੇਕ ਟੀਮ ਲੀਗ ਪੜਾਅ ਵਿੱਚ 14-14 ਮੈਚ ਖੇਡੇਗੀ। ਟਾਪ-4 ਟੀਮਾਂ ਪਲੇਆਫ ਵਿੱਚ ਪਹੁੰਚਣਗੀਆਂ।
ਦੋ ਪੜਾਵਾਂ ਵਿੱਚ ਹੋਣਗੇ ਮੈਚ
ਪਹਿਲਾ ਪੜਾਅ: 28 ਮਾਰਚ ਤੋਂ 12 ਅਪ੍ਰੈਲ ਤੱਕ (20 ਮੈਚ)।
ਦੂਜਾ ਪੜਾਅ: 13 ਅਪ੍ਰੈਲ ਤੋਂ 24 ਮਈ ਤੱਕ (50 ਮੈਚ)।
ਦੂਜੇ ਪੜਾਅ ਦਾ ਪਹਿਲਾ ਮੈਚ ਹੈਦਰਾਬਾਦ ਵਿੱਚ ਸਨਰਾਈਜ਼ਰਜ਼ ਹੈਦਰਾਬਾਦ ਅਤੇ ਰਾਜਸਥਾਨ ਰਾਇਲਜ਼ ਵਿਚਕਾਰ ਹੋਵੇਗਾ।
13 ਵੇਨਿਊ ਅਤੇ ਡਬਲ ਹੈਡਰ
ਇਸ ਵਾਰ ਆਈਪੀਐਲ ਦੇ ਮੈਚ ਦੇਸ਼ ਦੇ 13 ਵੱਖ-ਵੱਖ ਸ਼ਹਿਰਾਂ ਵਿੱਚ ਖੇਡੇ ਜਾਣਗੇ, ਜਿਨ੍ਹਾਂ ਵਿੱਚ ਬੈਂਗਲੁਰੂ, ਮੁੰਬਈ, ਚੇਨਈ, ਕੋਲਕਾਤਾ, ਦਿੱਲੀ, ਅਹਿਮਦਾਬਾਦ, ਹੈਦਰਾਬਾਦ, ਲਖਨਊ, ਜੈਪੁਰ, ਧਰਮਸ਼ਾਲਾ, ਰਾਏਪੁਰ, ਨਿਊ ਚੰਡੀਗੜ੍ਹ (ਮੁੱਲਾਂਪੁਰ) ਅਤੇ ਗੁਹਾਟੀ ਸ਼ਾਮਲ ਹਨ। ਸੀਜ਼ਨ ਵਿੱਚ ਕੁੱਲ 12 ਡਬਲ ਹੈਡਰ (ਇੱਕ ਦਿਨ ਵਿੱਚ ਦੋ ਮੈਚ) ਖੇਡੇ ਜਾਣਗੇ। ਦੁਪਹਿਰ ਦੇ ਮੈਚ 3:30 ਵਜੇ ਅਤੇ ਸ਼ਾਮ ਦੇ ਮੈਚ 7:30 ਵਜੇ ਸ਼ੁਰੂ ਹੋਣਗੇ।
ਪੰਜਾਬ ਕਿੰਗਜ਼ ਆਪਣੇ ਘਰੇਲੂ ਮੈਚ ਨਿਊ ਚੰਡੀਗੜ੍ਹ ਅਤੇ ਧਰਮਸ਼ਾਲਾ ਵਿੱਚ ਖੇਡੇਗੀ। RCB ਅਤੇ CSK ਵਿਚਕਾਰ ਇਸ ਵਾਰ ਲੀਗ ਸਟੇਜ ਵਿੱਚ ਸਿਰਫ਼ ਇੱਕ ਹੀ ਮੁਕਾਬਲਾ 5 ਅਪ੍ਰੈਲ ਨੂੰ ਬੈਂਗਲੁਰੂ ਵਿੱਚ ਹੋਵੇਗਾ। ਰਾਜਸਥਾਨ ਰਾਇਲਜ਼ ਆਪਣੇ 3 ਘਰੇਲੂ ਮੈਚ ਗੁਹਾਟੀ ਵਿੱਚ ਖੇਡੇਗੀ। ਰਾਇਲ ਚੈਲੰਜਰਜ਼ ਬੈਂਗਲੁਰੂ ਡਿਫੈਂਡਿੰਗ ਚੈਂਪੀਅਨ ਵਜੋਂ ਮੈਦਾਨ ਵਿੱਚ ਉਤਰੇਗੀ, ਜਿਸ ਨੇ ਪਿਛਲੇ ਸਾਲ ਪੰਜਾਬ ਕਿੰਗਜ਼ ਨੂੰ ਹਰਾ ਕੇ ਖ਼ਿਤਾਬ ਜਿੱਤਿਆ ਸੀ। ਬੀਸੀਸੀਆਈ ਵੱਲੋਂ ਚਾਰ ਪਲੇਆਫ ਮੈਚਾਂ ਦੇ ਸ਼ਡਿਊਲ ਅਤੇ ਵੇਨਿਊ ਦੀ ਜਾਣਕਾਰੀ ਬਾਅਦ ਵਿੱਚ ਦਿੱਤੀ ਜਾਵੇਗੀ।
ਚੈਂਪੀਅਨ ਖਿਡਾਰੀ ਨੇ ਲਿਆ ਸੰਨਿਆਸ ! ਭਾਵੁਕ ਵੀਡੀਓ ਸੰਦੇਸ਼ ਜਾਰੀ ਕਰ ਲਿਆ ਫੈਸਲਾ
NEXT STORY 
