ਲੰਡਨ : ਭਾਰਤ ਦੀ 17 ਮੈਂਬਰੀ ਸੀਨੀਅਰ ਪੁਰਸ਼ ਰਾਸ਼ਟਰੀ ਫੁੱਟਬਾਲ ਟੀਮ ਇੰਗਲੈਂਡ ਦੀ ਰਾਜਧਾਨੀ ਲੰਡਨ ਪਹੁੰਚ ਗਈ ਹੈ, ਜਿੱਥੇ ਉਹ ਆਉਣ ਵਾਲੇ ਯੂਨਿਟੀ ਕੱਪ 2026 ਵਿੱਚ ਹਿੱਸਾ ਲਵੇਗੀ। ਭਾਰਤੀ ਟੀਮ ਐਤਵਾਰ ਸਵੇਰੇ ਬੈਂਗਲੁਰੂ ਤੋਂ ਰਵਾਨਾ ਹੋਈ ਸੀ ਅਤੇ ਸਾਲ 2002 ਤੋਂ ਬਾਅਦ ਇੰਗਲੈਂਡ ਦੀ ਧਰਤੀ 'ਤੇ ਭਾਰਤ ਦਾ ਇਹ ਪਹਿਲਾ ਮੁਕਾਬਲਾ ਹੋਵੇਗਾ।
ਮੋਹਨ ਬਾਗਾਨ ਦੇ ਖਿਡਾਰੀਆਂ ਦੀ ਵਾਪਸੀ ਕਾਰਨ ਛੋਟਾ ਹੋਇਆ ਦਲ
ਕੋਚ ਖਾਲਿਦ ਜਮੀਲ ਦੀ ਅਗਵਾਈ ਵਿੱਚ ਟੀਮ ਇੰਡੀਅਨ ਸੁਪਰ ਲੀਗ (ISL) 2025-26 ਦੇ ਖ਼ਤਮ ਹੋਣ ਤੋਂ ਬਾਅਦ 22 ਮਈ ਨੂੰ ਬੈਂਗਲੁਰੂ ਵਿੱਚ ਇਕੱਠੀ ਹੋਈ ਸੀ। ਹਾਲਾਂਕਿ, 23 ਮਈ ਨੂੰ ਮੋਹਨ ਬਾਗਾਨ ਸੁਪਰ ਜਾਇੰਟ ਨੇ ਨੈਸ਼ਨਲ ਕੈਂਪ ਤੋਂ ਆਪਣੇ ਖਿਡਾਰੀਆਂ ਨੂੰ ਵਾਪਸ ਬੁਲਾ ਲਿਆ ਸ। ਆਖਰੀ ਸਮੇਂ 'ਤੇ ਨਾਮ ਵਾਪਸ ਲੈਣ ਕਾਰਨ ਭਾਰਤ ਨੂੰ ਬਾਕੀ 17 ਖਿਡਾਰੀਆਂ ਨਾਲ ਹੀ ਲੰਡਨ ਜਾਣਾ ਪਿਆ। ਗੋਲਕੀਪਰ ਰਿਤਿਕ ਤਿਵਾਰੀ ਵੱਖਰੇ ਤੌਰ 'ਤੇ ਯਾਤਰਾ ਕਰ ਰਹੇ ਹਨ ਅਤੇ ਉਹ ਸੋਮਵਾਰ ਨੂੰ ਟੀਮ ਨਾਲ ਜੁੜਨਗੇ।
ਮੈਚਾਂ ਦਾ ਵੇਰਵਾ ਅਤੇ ਵਿਰੋਧੀ ਟੀਮਾਂ
ਫੀਫਾ (FIFA) ਰੈਂਕਿੰਗ ਵਿੱਚ 136ਵੇਂ ਸਥਾਨ 'ਤੇ ਮੌਜੂਦ ਭਾਰਤ ਦਾ ਸਾਹਮਣਾ 27 ਮਈ ਦੀ ਅੱਧੀ ਰਾਤ ਨੂੰ ਦੂਜੇ ਸੈਮੀਫਾਈਨਲ ਵਿੱਚ ਜਮੈਕਾ (ਰੈਂਕਿੰਗ 71) ਨਾਲ ਹੋਵੇਗਾ। ਇਸ ਤੋਂ ਇੱਕ ਦਿਨ ਪਹਿਲਾਂ ਪਹਿਲੇ ਸੈਮੀਫਾਈਨਲ ਵਿੱਚ ਨਾਈਜੀਰੀਆ (ਰੈਂਕਿੰਗ 26) ਅਤੇ ਜ਼ਿੰਬਾਬਵੇ (ਰੈਂਕਿੰਗ 130) ਦੀ ਟੱਕਰ ਹੋਵੇਗੀ। ਹਾਰਨ ਵਾਲੀਆਂ ਦੋਵੇਂ ਟੀਮਾਂ 30 ਜੂਨ ਨੂੰ ਤੀਜੇ ਸਥਾਨ ਲਈ ਪਲੇ-ਆਫ ਮੈਚ ਖੇਡਣਗੀਆਂ। ਟੂਰਨਾਮੈਂਟ ਦੇ ਸਾਰੇ ਮੈਚ 'ਦ ਵੈਲੀ' (The Valley) ਵਿੱਚ ਖੇਡੇ ਜਾਣਗੇ, ਜੋ ਚਾਰਲਟਨ ਐਥਲੈਟਿਕ ਫੁੱਟਬਾਲ ਕਲੱਬ ਦਾ ਘਰੇਲੂ ਮੈਦਾਨ ਹੈ।
ਭਾਰਤੀ ਟੀਮ (18 ਮੈਂਬਰੀ):
ਗੋਲਕੀਪਰ: ਗੁਰਪ੍ਰੀਤ ਸਿੰਘ ਸੰਧੂ, ਰਿਤਿਕ ਤਿਵਾਰੀ, ਅਲਬੀਨੋ ਗੋਮਸ।
ਡਿਫੈਂਡਰ : ਸੰਦੇਸ਼ ਝਿੰਗਨ, ਰਾਹੁਲ ਭੇਕੇ, ਨਿਖਿਲ ਪੁਜਾਰੀ, ਰੋਸ਼ਨ ਸਿੰਘ ਨਾਓਰੇਮ, ਆਕਾਸ਼ ਮਿਸ਼ਰਾ, ਬਿਜੋਏ ਵਰਗੀਸ, ਪਰਮਵੀਰ।
ਮਿਡਫੀਲਡਰ: ਜੈਕਸਨ ਸਿੰਘ ਥੌਨਾਓਜਮ, ਨੌਫਲ ਪੀਐਨ, ਰਿਕੀ ਸ਼ਾਬੋਂਗ।
ਫਾਰਵਰਡ: ਲੱਲਿਆਂਜ਼ੁਆਲਾ ਛੰਗਟੇ, ਰਿਆਨ ਵਿਲੀਅਮਜ਼, ਐਡਮੰਡ ਲਾਲਰਿੰਡਿਕਾ, ਰਹੀਮ ਅਲੀ, ਫਾਰੂਖ ਚੌਧਰੀ।
ਟੀਮ ਨੂੰ ਲੱਗਾ ਵੱਡਾ ਝਟਕਾ, ਸਟਾਰ ਬੱਲੇਬਾਜ਼ ਨੇ ਵਨਡੇ ਵਰਲਡ ਕੱਪ ਖੇਡਣ ਤੋਂ ਕੀਤਾ ਮਨ੍ਹਾ
NEXT STORY 
