ਬੈਂਗਲੁਰੂ— ਕਰਨਾਟਕ ਨੇ ਬੀ. ਸੀ. ਸੀ. ਆਈ. ਦੀ ਬੇਨਤੀ 'ਤੇ ਸਲਾਮੀ ਬੱਲੇਬਾਜ਼ ਮਯੰਕ ਅਗਰਵਾਲ ਨੂੰ ਮੁੰਬਈ ਵਿਰੁੱਧ ਉਸਦੇ ਮੈਦਾਨ 'ਤੇ ਤਿੰਨ ਜਨਵਰੀ ਤੋਂ ਹੋਣ ਵਾਲੇ ਰਣਜੀ ਮੈਚ ਤੋਂ ਆਰਾਮ ਦਿੰਦੇ ਹੋਏ 15 ਮੈਂਬਰੀ ਟੀਮ 'ਚ ਸ਼ਾਮਲ ਨਹੀਂ ਕੀਤਾ ਹੈ। ਮੁੰਬਈ ਨੇ ਹਾਲਾਂਕਿ ਇਸ ਮੁਕਾਬਲੇ ਦੇ ਲਈ ਭਾਰਤੀ ਟੈਸਟ ਟੀਮ ਦੇ ਉਪ ਕਪਤਾਨ ਅਜਿੰਕਿਯ ਰਹਾਣੇ ਤੋਂ ਇਲਾਵਾ ਪ੍ਰਿਥਵੀ ਸ਼ਾਹ ਨੂੰ ਵੀ ਆਪਣੀ ਟੀਮ 'ਚ ਜਗ੍ਹਾ ਦਿੱਤੀ ਹੈ। ਅਗਰਵਾਲ ਨੂੰ 17 ਜਨਵਰੀ ਤੋਂ ਸ਼ੁਰੂ ਹੋ ਰਹੇ ਨਿਊਜ਼ੀਲੈਂਡ ਦੌਰੇ ਲਈ ਭਾਰਤ 'ਏ' ਦੇ ਸਾਰੇ ਸਵਰੂਪਾਂ ਦੀ ਟੀਮ 'ਚ ਜਗ੍ਹਾ ਦਿੱਤੀ ਗਈ ਹੈ। ਟੀਮ 10 ਜਨਵਰੀ ਨੂੰ ਆਕਲੈਂਡ ਦੇ ਲਈ ਰਵਾਨਾ ਹੋਵੇਗੀ ਤੇ ਟੈਸਟ ਟੀਮ ਦੇ ਨਿਯਮਿਤ ਮੈਂਬਰ ਅਗਰਵਾਲ 'ਤੇ ਕੰਨ ਦੇ ਬੋਝ ਨੂੰ ਦੇਖਦੇ ਹੋਏ ਉਸ ਨੂੰ ਆਰਾਮ ਦੇਣ ਦੀ ਬੇਨਤੀ ਕੀਤੀ ਗਈ ਸੀ।
ਰਹਾਣੇ ਨੂੰ ਵੀ ਭਾਰਤ 'ਏ' ਟੀਮ 'ਚ ਜਗ੍ਹਾ ਮਿਲੀ ਹੈ ਪਰ ਉਸ ਦੇ ਫਰਵਰੀ 'ਚ ਦੂਜੇ ਚਾਰ ਵਨ ਡੇ ਮੈਚਾਂ 'ਚ ਹੀ ਖੇਡਣ ਦੀ ਸੰਭਾਵਨਾ ਹੈ। ਸ਼ਾਹ ਨੂੰ ਵੀ ਸਾਰੇ ਸਵਰੂਪਾਂ ਦੇ ਲਈ ਭਾਰਤ 'ਏ' ਟੀਮ 'ਚ ਸ਼ਾਮਲ ਕੀਤਾ ਗਿਆ ਹੈ ਉਹ ਅੱਠ ਮਹੀਨੇ ਦੇ ਡੋਪਿੰਗ ਪਾਬੰਦੀ ਤੋਂ ਬਾਅਦ ਵਾਪਸੀ ਕਰ ਰਹੇ ਹਨ। ਭਾਰਤ ਦੀ ਸੀਨੀਅਰ ਟੀਮ ਵੀ 24 ਜਨਵਰੀ ਤੋਂ ਨਿਊਜ਼ੀਲੈਂਡ ਵਿਰੁੱਧ ਸੀਮਿਤ ਓਵਰਾਂ ਦੀ ਸੀਰੀਜ਼ ਤੇ ਫਿਰ 2 ਟੈਸਟ ਸੀਰੀਜ਼ ਖੇਡੇਗੀ। ਅਗਰਵਾਲ ਦੀ ਗੈਰ-ਮੌਜੂਦਗੀ 'ਚ ਆਰ ਸਮਰਥ ਦੀ ਟੀਮ 'ਚ ਵਾਪਸੀ ਹੋਈ ਹੈ। ਖਰਾਬ ਫਾਰਮ ਨਾਲ ਜੂਝ ਰਹੇ ਸਮਰਥ ਨੂੰ ਹਿਮਾਚਲ ਪ੍ਰਦੇਸ਼ ਵਿਰੁੱਧ ਪਿਛਲੇ ਮੈਚ 'ਚ ਚਾਰ ਤੇ ਜ਼ੀਰੋ ਦੌੜਾਂ ਦੀ ਪਾਰੀਆਂ ਖੇਡਣ ਤੋਂ ਬਾਅਦ ਟੀਮ ਤੋਂ ਬਾਹਰ ਕਰ ਦਿੱਤਾ ਗਿਆ ਸੀ।
ਭਾਰਤੀ ਪੁਰਸ਼ ਟੇਬਲ ਟੈਨਿਸ ਟੀਮ ਜਰਮਨੀ ਦੀ ਰਾਸ਼ਟਰੀ ਟੀਮ ਨਾਲ ਕਰੇਗੀ ਅਭਿਆਸ
NEXT STORY 
