ਸਪੋਰਟਸ ਡੈਸਕ - WPL 2025 ਦਾ ਫਾਈਨਲ ਮੈਚ ਮੁੰਬਈ ਦੇ ਬ੍ਰੇਬੋਰਨ ਸਟੇਡੀਅਮ ਵਿੱਚ ਦਿੱਲੀ ਕੈਪੀਟਲਸ ਅਤੇ ਮੁੰਬਈ ਇੰਡੀਅਨਜ਼ ਵਿਚਾਲੇ ਖੇਡਿਆ ਜਾ ਰਿਹਾ ਹੈ। ਇਸ ਮੈਚ ਵਿੱਚ ਮੁੰਬਈ ਇੰਡੀਅਨਜ਼ ਦੇ ਸਟਾਰ ਆਲਰਾਊਂਡਰ ਨੇਟ ਸੀਵਰ ਬਰੰਟ ਨੇ ਇਤਿਹਾਸ ਰਚ ਦਿੱਤਾ ਹੈ। ਬਰੰਟ ਨੇ ਅਜਿਹਾ ਕੁਝ ਕੀਤਾ ਹੈ ਜੋ ਮਹਿਲਾ ਪ੍ਰੀਮੀਅਰ ਲੀਗ ਦੇ ਇਤਿਹਾਸ ਵਿੱਚ ਪਹਿਲਾਂ ਕਦੇ ਨਹੀਂ ਹੋਇਆ ਸੀ। ਦਰਅਸਲ, ਨੇਟ ਸੀਵਰ ਬਰੰਟ ਇਸ ਲੀਗ ਦੇ ਇਤਿਹਾਸ ਵਿੱਚ ਇਸ ਮੈਚ ਵਿੱਚ 3 ਦੌੜਾਂ ਬਣਾ ਕੇ 1000 ਦੌੜਾਂ ਬਣਾਉਣ ਵਾਲੀ ਪਹਿਲੀ ਖਿਡਾਰਨ ਬਣ ਗਈ ਹੈ। ਇਹ ਕਾਰਨਾਮਾ ਇਸ ਤੋਂ ਪਹਿਲਾਂ ਕਿਸੇ ਨੇ ਨਹੀਂ ਕੀਤਾ ਹੈ।
ਮੇਗ ਲੈਨਿੰਗ ਕੋਲ ਵੀ ਇਤਿਹਾਸ ਰਚਣ ਦਾ ਮੌਕਾ
ਜੇਕਰ ਅਸੀਂ ਟੂਰਨਾਮੈਂਟ ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਦੀ ਗੱਲ ਕਰੀਏ ਤਾਂ ਉੱਥੇ ਵੀ ਬਰੰਟ ਦਾ ਨਾਂ ਸਭ ਤੋਂ ਉੱਪਰ ਹੈ। ਉਸ ਨੇ 29 ਮੈਚਾਂ 'ਚ 1027 ਦੌੜਾਂ ਬਣਾਈਆਂ ਹਨ। RCB ਦੀ ਐਲਿਸ ਪੇਰੀ ਸੂਚੀ ਵਿੱਚ ਦੂਜੇ ਸਥਾਨ 'ਤੇ ਹੈ, ਉਸਨੇ 25 ਮੈਚਾਂ ਵਿੱਚ 972 ਦੌੜਾਂ ਬਣਾਈਆਂ ਹਨ। ਤੀਜੇ ਨੰਬਰ 'ਤੇ ਦਿੱਲੀ ਕੈਪੀਟਲਜ਼ ਦੀ ਕਪਤਾਨ ਮੇਗ ਲੈਨਿੰਗ ਦਾ ਨਾਂ ਹੈ। ਲੈਨਿੰਗ ਨੇ ਹੁਣ ਤੱਕ 27 ਮੈਚਾਂ 'ਚ 939 ਦੌੜਾਂ ਬਣਾਈਆਂ ਹਨ। ਅੱਜ ਦੇ ਮੈਚ ਵਿੱਚ ਮੇਗ ਲੈਨਿੰਗ ਕੋਲ ਵੀ ਇਤਿਹਾਸ ਰਚਣ ਦਾ ਮੌਕਾ ਹੋਵੇਗਾ। ਜੇਕਰ ਉਹ ਇਸ ਮੈਚ ਵਿੱਚ 61 ਦੌੜਾਂ ਬਣਾ ਲੈਂਦੀ ਹੈ ਤਾਂ ਉਹ ਟੂਰਨਾਮੈਂਟ ਦੇ ਇਤਿਹਾਸ ਵਿੱਚ 1000 ਦੌੜਾਂ ਬਣਾਉਣ ਵਾਲੀ ਦੂਜੀ ਬੱਲੇਬਾਜ਼ ਬਣ ਜਾਵੇਗੀ। ਚੌਥੇ ਸਥਾਨ 'ਤੇ ਦਿੱਲੀ ਦੀ ਸ਼ੈਫਾਲੀ ਵਰਮਾ ਹੈ, ਜਿਸ ਨੇ ਹੁਣ ਤੱਕ 27 ਮੈਚਾਂ 'ਚ 861 ਦੌੜਾਂ ਬਣਾਈਆਂ ਹਨ। ਮੁੰਬਈ ਇੰਡੀਅਨਜ਼ ਦੀ ਹਰਮਨਪ੍ਰੀਤ ਕੌਰ 851 ਦੌੜਾਂ ਬਣਾ ਕੇ ਪੰਜਵੇਂ ਸਥਾਨ 'ਤੇ ਹੈ।
WPL ਫਾਈਨਲ ਮੈਚ ਦਾ ਹਾਲ
ਫਾਈਨਲ ਮੈਚ ਦੀ ਗੱਲ ਕਰੀਏ ਤਾਂ ਪਹਿਲਾਂ ਬੱਲੇਬਾਜ਼ੀ ਕਰਨ ਆਈ ਮੁੰਬਈ ਇੰਡੀਅਨਜ਼ ਦੀ ਸ਼ੁਰੂਆਤ ਕਾਫੀ ਖਰਾਬ ਰਹੀ। ਟੀਮ ਦੇ ਦੋਵੇਂ ਸਲਾਮੀ ਬੱਲੇਬਾਜ਼ 5 ਓਵਰਾਂ ਦੇ ਅੰਦਰ ਹੀ ਪੈਵੇਲੀਅਨ ਪਰਤ ਗਏ ਸਨ। ਯਸਟਿਕਾ 8 ਦੌੜਾਂ ਬਣਾ ਕੇ ਆਊਟ ਹੋ ਗਈ ਅਤੇ ਹੀਲੀ ਮੈਥਿਊਜ਼ ਤਿੰਨ ਦੌੜਾਂ ਬਣਾ ਕੇ ਆਊਟ ਹੋ ਗਈ। ਇਸ ਤੋਂ ਬਾਅਦ ਹਰਮਨਪ੍ਰੀਤ ਅਤੇ ਬਰੰਟ ਵਿਚਾਲੇ ਤੀਜੇ ਵਿਕਟ ਲਈ 62 ਗੇਂਦਾਂ 'ਤੇ 89 ਦੌੜਾਂ ਦੀ ਸਾਂਝੇਦਾਰੀ ਹੋਈ ਅਤੇ ਦੋਵਾਂ ਨੇ ਮਿਲ ਕੇ ਇਸ ਮੈਚ 'ਚ ਮੁੰਬਈ ਦੀ ਵਾਪਸੀ ਕੀਤੀ। ਬਰੰਟ 28 ਗੇਂਦਾਂ ਵਿੱਚ 30 ਦੌੜਾਂ ਬਣਾ ਕੇ ਆਊਟ ਹੋ ਗਈ। ਜਦੋਂਕਿ ਅਮੇਲੀਆ ਕਾਰ ਤਿੰਨ ਗੇਂਦਾਂ ਵਿੱਚ ਦੋ ਦੌੜਾਂ ਹੀ ਬਣਾ ਸਕੀ। ਸਜਨਾ ਖਾਤਾ ਖੋਲ੍ਹੇ ਬਿਨਾਂ ਹੀ ਪੈਵੇਲੀਅਨ ਪਰਤ ਗਈ। ਮੁੰਬਈ ਲਈ ਕਪਤਾਨ ਹਰਮਨਪ੍ਰੀਤ ਕੌਰ ਨੇ 44 ਗੇਂਦਾਂ ਵਿੱਚ 66 ਦੌੜਾਂ ਬਣਾਈਆਂ, ਉਹ ਟੀਮ ਵੱਲੋਂ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੀ ਖਿਡਾਰਨ ਰਹੀ। ਹੁਣ ਦਿੱਲੀ ਨੂੰ ਇਹ ਮੈਚ ਜਿੱਤਣ ਲਈ 150 ਦੌੜਾਂ ਬਣਾਉਣੀਆਂ ਪੈਣਗੀਆਂ।
ਟੀ-20 ਸੰਨਿਆਸ ਤੋਂ ਵਾਪਸੀ ਲਈ ਤਿਆਰ ਵਿਰਾਟ ਕੋਹਲੀ, ਰੱਖੀ ਸਿਰਫ਼ ਇਹ ਸ਼ਰਤ
NEXT STORY 
