ਸਪੋਰਟਸ ਡੈਸਕ- ਇੰਡੀਅਨ ਪ੍ਰੀਮੀਅਰ ਲੀਗ 2026 ਵਿੱਚ ਮੁੰਬਈ ਇੰਡੀਅਨਜ਼ ਨੇ ਇੱਕ ਅਨੋਖਾ ਰਿਕਾਰਡ ਆਪਣੇ ਨਾਮ ਕਰ ਲਿਆ ਹੈ। ਪੰਜਾਬ ਕਿੰਗਜ਼ ਦੇ ਖਿਲਾਫ ਖੇਡੇ ਗਏ ਮੈਚ ਵਿੱਚ ਜਸਪ੍ਰੀਤ ਬੁਮਰਾਹ ਨੂੰ ਕਪਤਾਨ ਬਣਾਉਂਦੇ ਹੀ ਮੁੰਬਈ ਇੰਡੀਅਨਜ਼ ਆਈਪੀਐਲ ਇਤਿਹਾਸ ਦੀ ਇਕਲੌਤੀ ਅਜਿਹੀ ਟੀਮ ਬਣ ਗਈ ਹੈ ਜਿਸ ਨੇ ਦੋ ਵੱਖ-ਵੱਖ ਸੀਜ਼ਨਾਂ ਵਿੱਚ 3-3 ਕਪਤਾਨ ਬਣਾਏ ਹਨ।
ਬੁਮਰਾਹ ਨੂੰ ਕਿਉਂ ਮਿਲੀ ਕਮਾਨ
ਜਸਪ੍ਰੀਤ ਬੁਮਰਾਹ ਆਈਪੀਐਲ 2026 ਦੇ ਸੀਜ਼ਨ ਵਿੱਚ ਮੁੰਬਈ ਇੰਡੀਅਨਜ਼ ਦੀ ਅਗਵਾਈ ਕਰਨ ਵਾਲੇ ਤੀਜੇ ਖਿਡਾਰੀ ਬਣ ਗਏ ਹਨ। ਇਹ ਫੈਸਲਾ ਇਸ ਲਈ ਲੈਣਾ ਪਿਆ ਕਿਉਂਕਿ ਨਿਯਮਿਤ ਕਪਤਾਨ ਹਾਰਦਿਕ ਪੰਡਯਾ ਫਿੱਟ ਨਹੀਂ ਸਨ ਅਤੇ ਸਟਾਰ ਬੱਲੇਬਾਜ਼ ਸੂਰਿਆਕੁਮਾਰ ਯਾਦਵ ਵੀ ਨਿੱਜੀ ਕਾਰਨਾਂ ਕਰਕੇ ਟੀਮ ਦੇ ਨਾਲ ਮੌਜੂਦ ਨਹੀਂ ਸਨ।
ਮੁੰਬਈ ਇੰਡੀਅਨਜ਼ ਨੇ ਪਹਿਲੀ ਵਾਰ ਇਹ ਕਾਰਨਾਮਾ ਆਈਪੀਐਲ ਦੇ ਪਹਿਲੇ ਸੀਜ਼ਨ ਯਾਨੀ 2008 ਵਿੱਚ ਕੀਤਾ ਸੀ. ਉਸ ਸਮੇਂ ਟੀਮ ਦੀ ਕਪਤਾਨੀ ਦੀ ਜ਼ਿੰਮੇਵਾਰੀ ਵੱਖ-ਵੱਖ ਸਮਿਆਂ 'ਤੇ ਹਰਭਜਨ ਸਿੰਘ, ਸ਼ੌਨ ਪੋਲਕ ਅਤੇ ਸਚਿਨ ਤੇਂਦੁਲਕਰ ਨੇ ਨਿਭਾਈ ਸੀ। ਹੁਣ 2026 ਵਿੱਚ ਇਸ ਇਤਿਹਾਸ ਨੂੰ ਦੁਹਰਾ ਕੇ ਮੁੰਬਈ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ।
ਹੋਰ ਟੀਮਾਂ ਦਾ ਰਿਕਾਰਡ
ਹਾਲਾਂਕਿ ਮੁੰਬਈ ਇੰਡੀਅਨਜ਼ ਦੋ ਵਾਰ ਅਜਿਹਾ ਕਰਨ ਵਾਲੀ ਪਹਿਲੀ ਟੀਮ ਹੈ, ਪਰ ਆਈਪੀਐਲ ਦੇ ਇਤਿਹਾਸ ਵਿੱਚ ਹੋਰ ਵੀ ਕਈ ਟੀਮਾਂ ਰਹੀਆਂ ਹਨ ਜਿਨ੍ਹਾਂ ਨੇ ਇੱਕੋ ਸੀਜ਼ਨ ਵਿੱਚ ਤਿੰਨ ਕਪਤਾਨ ਬਦਲੇ ਹਨ:
ਪੁਣੇ ਵਾਰੀਅਰਜ਼ (2013): ਐਂਜੇਲੋ ਮੈਥਿਊਜ਼, ਰੌਸ ਟੇਲਰ ਅਤੇ ਐਰੋਨ ਫਿੰਚ।
ਸਨਰਾਈਜ਼ਰਜ਼ ਹੈਦਰਾਬਾਦ (2021): ਡੇਵਿਡ ਵਾਰਨਰ, ਕੇਨ ਵਿਲੀਅਮਸਨ ਅਤੇ ਮਨੀਸ਼ ਪਾਂਡੇ।
ਪੰਜਾਬ ਕਿੰਗਜ਼ (2024): ਸ਼ਿਖਰ ਧਵਨ, ਸੈਮ ਕਰਨ ਅਤੇ ਜਿਤੇਸ਼ ਸ਼ਰਮਾ।
IPL: ਪੰਜਾਬ ਕਿੰਗਜ਼ ਦੀ ਟੀਮ 'ਚ 3 ਵੱਡੇ ਬਦਲਾਅ, ਮੁੰਬਈ ਨੇ ਬਦਲਿਆ ਕਪਤਾਨ
NEXT STORY 
