ਸੈਨ ਫਰਾਂਸਿਸਕੋ, ਅਮਰੀਕਾ (ਨਿਕਲੇਸ਼ ਜੈਨ)- ਚੈਂਪੀਅਨ ਸ਼ਤਰੰਜ ਟੂਰ 2022 ਹੁਣ ਆਪਣੇ ਅੰਤਿਮ ਪੜਾਅ 'ਤੇ ਪਹੁੰਚ ਗਿਆ ਹੈ ਅਤੇ ਪਿਛਲੇ ਦੋ ਸਾਲਾਂ ਦੇ ਮੁਕਾਬਲੇ ਇਸ ਵਾਰ ਭਾਰਤੀ ਖਿਡਾਰੀਆਂ ਖਾਸ ਕਰਕੇ ਨੌਜਵਾਨ ਖਿਡਾਰੀਆਂ ਨੇ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕੀਤਾ ਹੈ। ਫਾਈਨਲ ਟੂਰਨਾਮੈਂਟ 'ਚ ਭਾਰਤ ਦੇ ਦੋ ਨੌਜਵਾਨ ਗ੍ਰੈਂਡਮਾਸਟਰ ਆਰ ਪ੍ਰਗਿਆਨੰਦਾ ਅਤੇ ਅਰਜੁਨ ਅਰਿਗਾਸੀ ਵਿਸ਼ਵ ਚੈਂਪੀਅਨ ਮੈਗਨਸ ਕਾਰਲਸਨ ਸਮੇਤ ਦੁਨੀਆ ਦੇ 6 ਦਿੱਗਜ ਖਿਡਾਰੀਆਂ ਨਾਲ ਭਿੜਦੇ ਨਜ਼ਰ ਆਉਣਗੇ।
ਇਨ੍ਹਾਂ ਤਿੰਨਾਂ ਖਿਡਾਰੀਆਂ ਤੋਂ ਇਲਾਵਾ ਵਿਸ਼ਵ ਕੱਪ ਜੇਤੂ ਪੋਲੈਂਡ ਦੇ ਯਾਨ ਡੂਡਾ, ਵੀਅਤਨਾਮ ਦੇ ਲੇ ਕੁਆਂਗ ਲਿਮ, ਅਮਰੀਕਾ ਦੇ ਵੇਸਲੇ ਸੋ, ਅਜ਼ਰਬਾਈਜਾਨ ਦੇ ਸ਼ਖਰੀਯਾਰ ਮਾਮੇਦਯਾਰੋਵ ਅਤੇ ਨੀਦਰਲੈਂਡ ਦੇ ਅਨੀਸ਼ ਗਿਰੀ ਮੁਕਾਬਲੇ 'ਚ ਜਗ੍ਹਾ ਬਣਾਉਣ 'ਚ ਕਾਮਯਾਬ ਰਹੇ। ਸਾਰੇ ਖਿਡਾਰੀਆਂ ਵਿਚਕਾਰ ਰਾਊਂਡ ਰੋਬਿਨ ਦੇ ਆਧਾਰ 'ਤੇ ਕੁੱਲ 7 ਰਾਊਂਡ ਹੋਣਗੇ ਜਿਸ ਵਿਚ ਹਰ ਕੋਈ ਵਾਰੀ-ਵਾਰੀ ਖੇਡੇਗਾ। ਹਰੇਕ ਰਾਊਂਡ ਵਿੱਚ ਖਿਡਾਰੀਆਂ ਵਿਚਕਾਰ ਕੁੱਲ ਚਾਰ ਰੈਪਿਡ ਮੈਚ ਖੇਡੇ ਜਾਣਗੇ। ਮੁਕਾਬਲੇ ਦੇ ਪਹਿਲੇ ਦਿਨ ਅਰਜੁਨ ਯਾਨ ਡੂਡਾ ਅਤੇ ਪ੍ਰਗਿਆਨੰਦਾ ਮਾਮੇਦਯਾਰੋਵ ਦੇ ਖਿਲਾਫ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕਰਨਗੇ। ਪ੍ਰਤੀਯੋਗਿਤਾ ਦੀ ਕੁੱਲ ਇਨਾਮੀ ਰਾਸ਼ੀ 2 ਲੱਖ 10 ਹਜ਼ਾਰ ਅਮਰੀਕੀ ਡਾਲਰ ਹੋਵੇਗੀ।
IPL 2023 : ਦਿੱਲੀ ਨੇ ਖ਼ਰੀਦਿਆ ਸੀ ਕਰੋੜਾਂ 'ਚ, ਹੁਣ ਇਸ ਟੀਮ ਨਾਲ ਜੁੜੇ ਸ਼ਾਰਦੁਲ ਠਾਕੁਰ
NEXT STORY 
