ਮੁੰਬਈ- ਕਪਤਾਨ ਹਾਰਦਿਕ ਪੰਡਯਾ (87), ਅਭਿਨਵ ਮਨੋਹਰ (43) ਤੇ ਡੇਵਿਡ ਮਿਲਰ (31) ਦੀਆਂ ਤੂਫਾਨੀ ਪਾਰੀਆਂ ਅਤੇ ਲਾਕੀ ਫਰਗਿਊਸਨ (23 ਦੌੜਾਂ 'ਤੇ ਤਿੰਨ ਵਿਕਟਾਂ) ਦੀ ਸ਼ਾਨਦਾਰ ਗੇਂਦਬਾਜ਼ੀ ਦੀ ਬਦੌਲਤ ਗੁਜਰਾਤ ਟਾਈਨਟਸ ਨੇ ਰਾਜਸਥਾਨ ਰਾਇਲਜ਼ ਨੂੰ 2022 ਆਈ. ਪੀ. ਐੱਲ. ਦੇ 24ਵੇਂ ਮੈਚ ਵਿਚ ਵੀਰਵਾਰ ਨੂੰ ਇਕਪਾਸੜ ਅੰਦਾਜ਼ ਵਿਚ 37 ਦੌੜਾਂ ਨਾਲ ਹਰਾ ਦਿੱਤਾ ਅਤੇ ਪੰਜ ਮੈਚਾਂ ਵਿਚ ਚੌਥੀ ਜਿੱਤ ਦਰਜ ਕਰਨ ਦੇ ਨਾਲ ਹੀ ਅੰਕ ਸੂਚੀ ਵਿਚ ਚੋਟੀ 'ਤੇ ਪਹੁੰਚ ਗਈ। ਰਾਜਸਥਾਨ ਨੇ 20 ਓਵਰਾਂ ਵਿਚ ਚਾਰ ਵਿਕਟਾਂ 'ਤੇ 192 ਦੌੜਾਂ ਦਾ ਵਿਸ਼ਾਲ ਸਕੋਰ ਬਣਾਇਆ ਅਤੇ ਰਾਜਸਥਾਨ ਨੇ 9 ਵਿਕਟਾਂ 'ਤੇ 155 ਦੌੜਾਂ 'ਤੇ ਰੋਕ ਦਿੱਤਾ। ਰਾਜਸਥਾਨ ਨੂੰ ਪੰਜ ਮੈਚਾਂ ਵਿਚ ਦੂਜੀ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਟੀਚੇ ਦਾ ਪਿੱਛਾ ਕਰਦੇ ਹੋਏ ਰਾਜਸਥਾਨ ਨੇ ਦੇਵਦੱਤ ਪਡੀਕਲ ਅਤੇ ਰਵੀਚੰਦਰਨ ਅਸ਼ਵਿਨ ਨੂੰ 56 ਦੇ ਸਕੋਰ ਤੱਕ ਗੁਆ ਦਿੱਤਾ ਪਰ ਦੂਜੇ ਪਾਸੇ ਜੋਸ ਬਟਲਰ ਦੌੜਾਂ ਬਣਾ ਰਹੇ ਸਨ। ਬਟਲਰ 24 ਗੇਂਦਾਂ ਵਿਚ 8 ਚੌਕਿਆਂ ਅਤੇ ਤਿੰਨ ਛੱਕਿਆਂ ਦੀ ਮਦਦ ਨਾਲ 54 ਦੌੜਾਂ ਬਣਾ ਕੇ ਟੀਮ ਦੇ 65 ਦੇ ਸਕੋਰ 'ਤੇ ਬੋਲਡ ਹੋਏ। ਕਪਤਾਨ ਸੰਜੂ ਸੈਮਸਨ 11 ਗੇਂਦਾਂ ਵਿਚ 11 ਦੌੜਾਂ ਅਤੇ ਰੈਸੀ ਵਾਨ ਡੇਰ ਡੁਸੇਨ 6 ਦੌੜਾਂ ਬਣਾ ਕੇ ਆਊਟ ਹੋਏ। ਸ਼ਿਮਰੋਨ ਹਿੱਟਮਾਇਰ ਨੇ ਇਕ ਪਾਸਾ ਸੰਭਾਲਿਆ ਅਤੇ 17 ਗੇਂਦਾਂ ਵਿਚ 2 ਚੌਕਿਆਂ ਅਤੇ ਇਕ ਛੱਕੇ ਦੀ ਮਦਦ ਨਾਲ 29 ਦੌੜਾਂ ਬਣਾਈਆਂ ਪਰ ਮੁਹੰਮਦ ਸ਼ੰਮੀ ਨੇ ਹਿੱਟਮਾਇਰ ਦਾ ਵਿਕਟ ਹਾਸਲ ਕਰਕੇ ਗੁਜਰਾਤ ਦੀ ਜਿੱਤ ਦਾ ਰਸਤਾ ਸਾਫ ਕਰ ਦਿੱਤਾ। ਲਾਕੀ ਨੇ ਰਿਆਨ ਪਰਾਗ ਦਾ ਵਿਕਟ ਹਾਸਲ ਕਰ ਰਾਜਸਥਾਨ ਦੇ ਸੰਘਰਸ਼ 'ਤੇ ਰੋਕ ਲੱਗਾ ਦਿੱਤੀ। ਰਾਜਸਥਾਨ ਦਾ 7ਵਾਂ ਵਿਕਟ 138 ਦੌੜਾਂ 'ਤੇ ਡਿੱਗਿਆ। ਜਿਮੀ ਨੀਸ਼ਾਮ ਦਾ ਵਿਕਟ 147 ਦੌੜਾਂ 'ਤੇ ਡਿੱਗਿਆ। ਰਾਜਸਥਾਨ ਵਲੋਂ ਲਾਕੀ ਨੇ ਤਿੰਨ ਵਿਕਟਾਂ ਹਾਸਲ ਕੀਤੀਅ ਤੇ ਯਸ਼ ਦਿਆਲ ਨੇ 40 ਦੌੜਾਂ 'ਤੇ 3 ਵਿਕਟਾਂ ਹਾਸਲ ਕੀਤੀਆਂ।
ਇਹ ਖ਼ਬਰ ਪੜ੍ਹੋ- ਕ੍ਰਿਕਟ : ਆਸਟਰੇਲੀਆ ਦੇ ਸਹਾਇਕ ਕੋਚ ਅਹੁਦੇ ਤੋਂ ਹਟੇ ਜੇਫ ਵਾਨ
ਗੁਜਰਾਤ ਨੇ ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਖਰਾਬ ਸ਼ੁਰੂਆਤ ਕੀਤੀ। ਟੀਮ ਨੇ 15 ਦੇ ਸਕੋਰ 'ਤੇ ਆਪਣੀਆਂ 2 ਵਿਕਟਾਂ ਗੁਆ ਦਿੱਤੀਆਂ। 12 ਦੇ ਸਕੋਰ 'ਤੇ ਮੈਥਿਊ ਵੇਡ, ਜਦਕਿ 15 ਦੇ ਸਕੋਰ 'ਤੇ ਵਿਜੇ ਸ਼ੰਕਰ ਦਾ ਵਿਕਟ ਡਿੱਗਿਆ। 55 ਦੇ ਸਕੋਰ 'ਤੇ ਗੁਜਰਾਤ ਦਾ ਇਹ ਤੀਜਾ ਵਿਕਟ ਸੀ ਪਰ ਇਸ ਤੋਂ ਬਾਅਦ ਹਾਰਦਿਕ ਪੰਡਯਾ ਨੇ ਕਪਤਾਨ ਦੀ ਭੂਮਿਕਾ ਨਿਭਾਉਂਦੇ ਹੋਏ ਟੀਮ ਨੂੰ ਸੰਕਟ 'ਚੋਂ ਬਾਹਰ ਕੱਢਿਆ। ਹਾਰਦਿਕ ਤੇ ਅਭਿਨਵ ਨੇ ਮਿਲ ਕੇ ਪਾਰੀ ਨੂੰ ਤੇਜ਼ੀ ਦੇ ਨਾਲ ਅੱਗੇ ਵਧਾਇਆ। ਦੋਵਾਂ ਬੱਲੇਬਾਜ਼ਾਂ ਨੇ ਚੌਥੇ ਵਿਕਟ ਦੇ ਲਈ 86 ਦੌੜਾਂ ਦੀ ਮਹੱਤਵਪੂਰਨ ਸਾਂਝੇਦਾਰੀ ਕੀਤੀ, ਜਿਸ ਨੇ ਟੀਮ ਨੂੰ ਵੱਡੇ ਸਕੋਰ 'ਤੱਕ ਪਹੁੰਚਾਉਣ 'ਚ ਅਹਿਮ ਭੂਮਿਕਾ ਨਿਭਾਈ। ਗੁਜਰਾਤ ਨੇ ਆਖਰੀ ਚਾਰ ਓਵਰਾਂ ਵਿਚ 13 ਦੇ ਰਨ ਰੇਟ ਨਾਲ 53 ਦੌੜਾਂ ਬਣਾਈਆਂ ਤੇ ਰਾਜਸਥਾਨ ਦੇ ਸਾਹਮਣੇ 193 ਦੌੜਾਂ ਦਾ ਵੱਡਾ ਟੀਚਾ ਦਿੱਤਾ। ਹਾਰਦਿਕ ਨੇ ਅੱਠ ਚੌਕਿਆਂ ਅਤੇ 4 ਛੱਕਿਆਂ ਦੇ ਦਮ 'ਤੇ 52 ਗੇਂਦਾਂ 'ਤੇ 87 ਦੌੜਾਂ ਬਣਾ ਕੇ ਅਜੇਤੂ ਰਹੇ, ਜਦਕਿ ਮਿਲਰ ਨੇ ਪੰਜ ਚੌਕਿਆਂ ਅਤੇ ਇਕ ਛੱਕੇ ਦੀ ਮਦਦ ਨਾਲ 14 ਗੇਂਦਾਂ 'ਤੇ 31 ਦੌੜਾਂ ਬਣਾਈਆਂ।
ਇਸ ਤੋਂ ਇਲਾਵਾ ਅਭਿਨਵ ਨੇ ਚਾਰ ਚੌਕਿਆਂ ਅਤੇ 2 ਛੱਕਿਆਂ ਦੀ ਮਦਦ ਨਾਲ 28 ਗੇਂਦਾਂ 'ਤੇ 43 ਦੌੜਾਂ ਦੀ ਧਮਾਕੇਦਾਰ ਪਾਰੀ ਖੇਡੀ। ਟ੍ਰੇਂਟ ਬੋਲਟ ਦੀ ਗੈਰ ਮੌਜੂਦਗੀ ਵਿਚ ਅੱਜ ਰਾਜਸਥਾਨ ਵਲੋਂ ਗੇਂਦਬਾਜ਼ੀ ਸੁਸਤ ਰਹੀ । ਯੁਜਵੇਂਦਰ ਚਾਹਲ, ਕੁਲਦੀਪ ਸੇਨ ਤੇ ਰਿਆਨ ਪਰਾਗ ਨੇ 1-1 ਵਿਕਟ ਹਾਸਲ ਕੀਤਾ ਤੇ ਮਹਿੰਗੇ ਸਾਬਤ ਹੋਏ।
ਇਹ ਖ਼ਬਰ ਪੜ੍ਹੋ- ਪਾਕਿ ਸਫੇਦ ਗੇਂਦ ਸੀਰੀਜ਼ ਦੇ ਲਈ ਕਰੇਗਾ ਸ਼੍ਰੀਲੰਕਾ ਦੀ ਮੇਜ਼ਬਾਨੀ
ਪਲੇਇੰਗ ਇੰਲੈਵਨ-
ਰਾਜਸਥਾਨ ਰਾਇਲਜ਼ :- ਜੋਸ ਬਟਲਰ, ਯਸ਼ਸਵੀ ਜਾਇਸਵਾਲ/ਦੇਵਦੱਤ ਪਡੀਕੱਲ, ਸੰਜੂ ਸੈਮਸਨ (ਕਪਤਾਨ ਤੇ ਵਿਕਟਕੀਪਰ), ਸ਼ਿਮਰੋਨ ਹੇਟਮਾਇਰ, ਰੀਆਨ ਪਰਾਗ, ਰਵੀਚੰਦਰਨ ਅਸ਼ਵਿਨ, ਜਿੰਮੀ ਨੀਸ਼ਮ, ਨਵਦੀਪ ਸੈਣੀ, ਟ੍ਰੇਂਟ ਬੋਲਟ, ਪ੍ਰਸਿੱਧ ਕ੍ਰਿਸ਼ਣਾ, ਯੁਜਵੇਂਦਰ ਚਾਹਲ।
ਗੁਜਰਾਤ ਟਾਈਟਨਸ :- ਸ਼ੁਭਮਨ ਗਿੱਲ, ਮੈਥਿਊ ਵੇਡ (ਵਿਕਟਕੀਪਰ), ਸਾਈ ਸੁਦਰਸ਼ਨ, ਡੇਵਿਡ ਮਿਲਰ, ਹਾਰਦਿਕ ਪੰਡਯਾ (ਕਪਤਾਨ), ਰਾਹੁਲ ਤੇਵਤੀਆ, ਰਾਸ਼ਿਦ ਖ਼ਾਨ, ਅਭਿਨਵ ਮਨੋਹਰ, ਦਰਸ਼ਨ ਨਲਕੰਡੇ, ਲਾਕੀ ਫਰਗਿਊਸਨ, ਮੁਹੰਮਦ ਸੰਮੀ।
ਨੋਟ- ਇਸ ਖ਼ਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ।
IPL 'ਚ ਰੋਹਿਤ ਦੇ 500 ਚੌਕੇ ਪੂਰੇ, ਜਾਣੋ ਕਿਸ ਬੱਲੇਬਾਜ਼ ਨੇ ਲਗਾਏ ਹਨ ਸਭ ਤੋਂ ਜ਼ਿਆਦਾ ਚੌਕੇ
NEXT STORY 
