ਅਲ ਰੇਯਾਨ (ਕਤਰ), (ਭਾਸ਼ਾ)- ਨੌਂ ਖਿਡਾਰੀਆਂ ਨਾਲ ਖੇਡਦੇ ਹੋਏ ਸਾਊਦੀ ਅਰਬ ਨੇ ਕਿਰਗਿਸਤਾਨ ਨੂੰ 2-0 ਨਾਲ ਹਰਾ ਕੇ ਏਸ਼ੀਆਈ ਕੱਪ ਫੁੱਟਬਾਲ ਟੂਰਨਾਮੈਂਟ ਦੇ ਇੱਕ ਮੈਚ ਬਾਕੀ ਰਹਿੰਦਿਆਂ ਨਾਕਆਊਟ ਵਿੱਚ ਪ੍ਰਵੇਸ਼ ਕਰ ਲਿਆ ਹੈ। ਇੱਥੇ ਅਹਿਮਦ ਬਿਨ ਅਲੀ ਸਟੇਡੀਅਮ ਵਿੱਚ ਸਾਊਦੀ ਅਰਬ ਲਈ ਮੁਹੰਮਦ ਕੇਨੋ ਅਤੇ ਫੈਜ਼ਲ ਅਲ ਗ਼ਾਮਦੀ ਨੇ ਇੱਕ-ਇੱਕ ਗੋਲ ਕੀਤਾ। ਇਸ ਜਿੱਤ ਨਾਲ ਤਿੰਨ ਵਾਰ ਦਾ ਚੈਂਪੀਅਨ ਸਾਊਦੀ ਅਰਬ ਗਰੁੱਪ ਐੱਫ ਵਿੱਚ ਸਿਖਰ ’ਤੇ ਪਹੁੰਚ ਗਿਆ ਹੈ। ਸਾਊਦੀ ਅਰਬ ਦੇ ਦੋ ਮੈਚਾਂ ਵਿੱਚ ਛੇ ਅੰਕ ਹਨ ਅਤੇ ਦੂਜੇ ਸਥਾਨ ’ਤੇ ਕਾਬਜ਼ ਥਾਈਲੈਂਡ ’ਤੇ ਦੋ ਅੰਕਾਂ ਦੀ ਬੜ੍ਹਤ ਹੈ।
ਥਾਈਲੈਂਡ ਨੇ ਓਮਾਨ ਨਾਲ ਗੋਲ ਰਹਿਤ ਡਰਾਅ ਖੇਡਿਆ। ਤੀਜੇ ਸਥਾਨ 'ਤੇ ਕਾਬਜ਼ ਓਮਾਨ ਦਾ ਇਕ ਅੰਕ ਹੈ ਜਦਕਿ ਕਿਰਗਿਸਤਾਨ ਦਾ ਅੰਕਾਂ ਦਾ ਖਾਤਾ ਅਜੇ ਨਹੀਂ ਖੁੱਲ੍ਹਿਆ ਹੈ। ਸਾਊਦੀ ਅਰਬ ਦੀ ਰਾਹ ਉਸ ਸਮੇਂ ਆਸਾਨ ਹੋ ਗਈ ਜਦੋਂ ਟੂਰਨਾਮੈਂਟ 'ਚ ਦੂਜੀ ਵਾਰ ਖੇਡ ਰਹੇ ਕਿਰਗਿਸਤਾਨ ਨੂੰ ਹਰ ਹਾਫ ਦੀ ਸ਼ੁਰੂਆਤ 'ਚ ਆਪਣੇ ਦੋ ਖਿਡਾਰੀਆਂ ਦੇ ਬਾਹਰ ਹੋਣ ਦਾ ਸਾਹਮਣਾ ਕਰਨਾ ਪਿਆ। ਅਜ਼ਾਰ ਅਖਮਾਤੋਵ ਨੂੰ ਮੈਚ ਦੇ ਅੱਠਵੇਂ ਮਿੰਟ 'ਚ ਫਾਊਲ ਕਰਨ 'ਤੇ ਲਾਲ ਕਾਰਡ ਦਿਖਾਇਆ ਗਿਆ, ਜਦਕਿ ਦੂਜੇ ਹਾਫ ਦੀ ਸ਼ੁਰੂਆਤ 'ਚ ਕਿਮੀ ਮਰਕ ਨੂੰ ਲਾਲ ਕਾਰਡ ਦਿਖਾਇਆ ਗਿਆ।
ਬੋਪੰਨਾ-ਏਬਡੇਨ ਦੀ ਜੋੜੀ ਆਸਟ੍ਰੇਲੀਅਨ ਓਪਨ ਦੇ ਕੁਆਰਟਰ ਫਾਈਨਲ ਵਿੱਚ
NEXT STORY 
