ਸਪੋਰਟਸ ਡੈਸਕ- ਦਿੱਲੀ ਦੀ ਫੈਮਿਲੀ ਕੋਰਟ ਨੇ ਬੁੱਧਵਾਰ ਨੂੰ ਕ੍ਰਿਕਟਰ ਸ਼ਿਖਰ ਧਵਨ ਨੂੰ ਉਨ੍ਹਾਂ ਦੀ ਪਤਨੀ ਆਇਸ਼ਾ ਮੁਖਰਜੀ ਤੋਂ ਤਲਾਕ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਦਿੱਲੀ ਦੇ ਪਟਿਆਲਾ ਹਾਊਸ ਕੰਪਲੈਕਸ ਦੀ ਫੈਮਿਲੀ ਕੋਰਟ ਨੇ ਸ਼ਿਖਰ ਧਵਨ ਦੇ ਤਲਾਕ ਨੂੰ ਮਨਜ਼ੂਰੀ ਦਿੰਦੇ ਹੋਏ ਕਿਹਾ ਕਿ ਸ਼ਿਖਰ ਧਵਨ ਦੀ ਪਤਨੀ ਨੇ ਕ੍ਰਿਕਟਰ ਨੂੰ ਸਾਲਾਂ ਤੋਂ ਆਪਣੇ ਇਕਲੌਤੇ ਪੁੱਤਰ ਤੋਂ ਵੱਖ ਰਹਿਣ ਲਈ ਮਜ਼ਬੂਰ ਕਰਕੇ ਉਨ੍ਹਾਂ ਨੂੰ ਮਾਨਸਿਕ ਪੀੜਾ ਪਹੁੰਚਾਈ ਹੈ।
ਜੱਜ ਹਰੀਸ਼ ਕੁਮਾਰ ਨੇ ਤਲਾਕ ਪਟੀਸ਼ਨ 'ਚ ਧਵਨ ਵੱਲੋਂ ਆਪਣੀ ਪਤਨੀ 'ਤੇ ਲਗਾਏ ਗਏ ਸਾਰੇ ਦੋਸ਼ਾਂ ਨੂੰ ਸਵੀਕਾਰ ਕਰ ਲਿਆ। ਅਦਾਲਤ ਨੇ ਆਪਣੇ ਹੁਕਮ ਵਿੱਚ ਕਿਹਾ ਕਿ ਧਵਨ ਦੀ ਪਤਨੀ ਨੇ ਉਪਰੋਕਤ ਦੋਸ਼ਾਂ ਦਾ ਨਾ ਤਾਂ ਵਿਰੋਧ ਕੀਤਾ ਅਤੇ ਨਾ ਹੀ ਬਚਾਅ ਕੀਤਾ। ਧਵਨ ਨੇ ਆਪਣੀ ਤਲਾਕ ਪਟੀਸ਼ਨ 'ਚ ਕਿਹਾ ਸੀ ਕਿ ਉਨ੍ਹਾਂ ਦੀ ਪਤਨੀ ਨੇ ਉਨ੍ਹਾਂ ਨੂੰ ਮਾਨਸਿਕ ਕਰੂਰਤਾ ਦਾ ਸ਼ਿਕਾਰ ਬਣਾਇਆ ਹੈ।
ਇਹ ਵੀ ਪੜ੍ਹੋ- ਏਸ਼ੀਆਈ ਖੇਡਾਂ 2023 : ਰਾਸ਼ਟਰੀ ਗੀਤ ਦੌਰਾਨ ਰੋਣ ਲੱਗਾ ਭਾਰਤੀ ਖਿਡਾਰੀ, ਆਪਣੇ ਪਹਿਲੇ ਮੈਚ 'ਚ ਹੋਇਆ ਭਾਵੁਕ
ਸ਼ਿਖਰ ਧਵਨ ਨੇ ਅਕਤੂਬਰ 2012 'ਚ ਆਇਸ਼ਾ ਮੁਖਰਜੀ ਨਾਲ ਵਿਆਹ ਕੀਤਾ ਸੀ, ਜਿਨ੍ਹਾਂ ਦੇ ਪਹਿਲੇ ਵਿਆਹ ਤੋਂ 2 ਧੀਆਂ ਹਨ। ਧਿਆਨ ਯੋਗ ਹੈ ਕਿ ਆਇਸ਼ਾ ਨੇ ਇੱਕ ਸੋਸ਼ਲ ਮੀਡੀਆ ਪੋਸਟ ਵਿੱਚ 2021 ਵਿੱਚ ਤਲਾਕ ਲੈਣ ਦੀ ਗੱਲ ਆਖੀ ਸੀ। ਧਵਨ ਨੇ ਇਕ ਇੰਟਰਵਿਊ ਦੌਰਾਨ ਵੀ ਇਸ ਮੁੱਦੇ 'ਤੇ ਗੱਲ ਕੀਤੀ ਹੈ। ਉਨ੍ਹਾਂ ਨੇ ਸਪੱਸ਼ਟ ਤੌਰ 'ਤੇ ਮੰਨਿਆ ਸੀ ਕਿ ਉਹ ਰਿਸ਼ਤੇ ਵਿੱਚ ਆਉਂਦੇ ਰੈੱਡ ਫਲੈਗ ਨੂੰ ਉਹ ਦੇਖ ਨਹੀਂ ਪਾਏ ਸਨ। ਧਵਨ ਨੇ ਕਿਹਾ ਕਿ ਮੈਂ ਅਸਫਲ ਹੋਇਆ ਕਿਉਂਕਿ ਅੰਤਿਮ ਫੈਸਲਾ ਵਿਅਕਤੀ ਦਾ ਆਪਣਾ ਹੁੰਦਾ ਹੈ। ਮੈਂ ਦੂਜਿਆਂ ਵੱਲ ਉਂਗਲ ਨਹੀਂ ਚੁੱਕਦਾ। ਮੈਂ ਅਸਫਲ ਰਿਹਾ ਕਿਉਂਕਿ ਮੈਨੂੰ ਉਸ ਖੇਤਰ ਬਾਰੇ ਕੋਈ ਜਾਣਕਾਰੀ ਨਹੀਂ ਸੀ। ਮੈਂ ਅੱਜ ਕ੍ਰਿਕਟ ਬਾਰੇ ਜੋ ਗੱਲ ਕਰਦਾ ਹਾਂ, ਮੈਨੂੰ 20 ਸਾਲ ਪਹਿਲਾਂ ਇਸ ਬਾਰੇ ਪਤਾ ਨਹੀਂ ਹੁੰਦਾ।
ਧਵਨ ਨੇ ਕਿਹਾ ਕਿ ਫਿਲਹਾਲ ਮੇਰਾ ਤਲਾਕ ਦਾ ਕੇਸ ਚੱਲ ਰਿਹਾ ਹੈ। ਕੱਲ੍ਹ ਜੇ ਮੈਂ ਦੁਬਾਰਾ ਵਿਆਹ ਕਰਵਾਉਣਾ ਚਾਹਾਂਗਾ ਤਾਂ ਮੈਂ ਉਸ ਖੇਤਰ ਵਿੱਚ ਜ਼ਿਆਦਾ ਸਮਝਦਾਰ ਹੋ ਜਾਵਾਂਗਾ। ਮੈਨੂੰ ਪਤਾ ਚੱਲ ਜਾਵੇਗਾ ਕਿ ਮੈਨੂੰ ਕਿਹੋ ਜਿਹੀ ਕੁੜੀ ਚਾਹੀਦੀ ਹੈ; ਕੋਈ ਜਿਸ ਦੇ ਨਾਲ ਮੈਂ ਆਪਣਾ ਜੀਵਨ ਬਤੀਤ ਕਰ ਸਕਾਂ।
ਇਹ ਵੀ ਪੜ੍ਹੋ- ਏਸ਼ੀਆਈ ਖੇਡਾਂ 2023 : ਨੀਰਜ ਨੇ ਫਿਰ ਰਚਿਆ ਇਤਿਹਾਸ, ਭਾਰਤ ਦੀ ਝੋਲੀ ਪਾਇਆ ਇਕ ਹੋਰ ਗੋਲਡ
ਹਾਲਾਂਕਿ ਅਦਾਲਤ ਨੇ ਧਵਨ ਅਤੇ ਉਨ੍ਹਾਂ ਤੋਂ ਵੱਖ ਹੋਈ ਪਤਨੀ ਦੇ ਪੁੱਤਰ ਦੀ ਸਥਾਈ ਹਿਰਾਸਤ 'ਤੇ ਕੋਈ ਹੁਕਮ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਅਦਾਲਤ ਨੇ ਧਵਨ ਨੂੰ ਭਾਰਤ ਅਤੇ ਆਸਟ੍ਰੇਲੀਆ ਵਿੱਚ ਆਪਣੇ ਪੁੱਤਰ ਨੂੰ ਮਿਲਣ ਦਾ ਅਧਿਕਾਰ ਵੀ ਦਿੱਤਾ, ਜਿੱਥੇ ਆਇਸ਼ਾ ਮੁਖਰਜੀ ਰਹਿੰਦੀ ਹੈ ਅਤੇ ਵਾਜਬ ਸਮੇਂ ਲਈ ਵੀਡੀਓ ਕਾਲਾਂ ਰਾਹੀਂ ਉਸ ਨਾਲ ਗੱਲਬਾਤ ਕਰਨ ਦਾ ਅਧਿਕਾਰ ਵੀ ਦਿੱਤਾ ਹੈ। ਅਦਾਲਤ ਨੇ ਧਵਨ ਦੀ ਪਤਨੀ ਆਇਸ਼ਾ ਨੂੰ ਸਕੂਲ ਦੀਆਂ ਅੱਧੀਆਂ ਛੁੱਟੀਆਂ ਦੌਰਾਨ ਧਵਨ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨਾਲ ਰਾਤ ਭਰ ਰਹਿਣ ਸਮੇਤ ਮੁਲਾਕਾਤ ਦੇ ਉਦੇਸ਼ਾਂ ਲਈ ਬੱਚੇ ਨੂੰ ਭਾਰਤ ਲਿਆਉਣ ਦਾ ਹੁਕਮ ਦਿੱਤਾ। ਅਦਾਲਤ ਨੇ ਕਿਹਾ ਕਿ ਪਟੀਸ਼ਨਕਰਤਾ ਸ਼ਿਖਰ ਧਵਨ ਇੱਕ ਨਾਮਵਰ ਅੰਤਰਰਾਸ਼ਟਰੀ ਕ੍ਰਿਕਟਰ ਹੈ। ਉਨ੍ਹਾਂ ਕੋਲ ਇੱਕ ਨਾਗਰਿਕ ਅਤੇ ਇੱਕ ਜ਼ਿੰਮੇਵਾਰ ਪਿਤਾ ਵਜੋਂ ਅਧਿਕਾਰ ਵੀ ਹਨ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:-
https://play.google.com/store/apps/details?id=com.jagbani&hl=en&pli=1
For IOS:-
https://apps.apple.com/in/app/id538323711
ਗੂਗਲ 'ਤੇ ਵੀ ਚੜ੍ਹਿਆ ਕ੍ਰਿਕਟ ਦਾ ਖ਼ੁਮਾਰ, ਵਿਸ਼ਵ ਕੱਪ ਦੇ ਆਗਾਜ਼ 'ਤੇ ਬਣਾਇਆ ਅਨੋਖਾ ਡੂਡਲ
NEXT STORY 
